മലപ്പുറത്തെ ജനങ്ങൾക്ക്​ ദോഹ ഐ.ബി.പി.സിയുടെ അഭിനന്ദനവും ആദരവും

ദോഹ: കരിപ്പൂർ വിമാനാപകടത്തിൽ സ്വജീവൻ മറന്ന്​ രക്ഷാപ്രവർത്തനം നടത്തിയ മലപ്പുറ​െത്ത ജനങ്ങൾക്ക്​ ഇന്ത്യൻ എംബസിയു​െട അനുബന്ധ സംഘടനയായ ഇന്ത്യൻ ബിസിനസ്​ ആൻഡ്​​ പ്രഫഷനൽസ്​ കൗൺസിലി​െൻറ (ഐ.ബി.പി.സി) അഭിനന്ദനവും ആദരവും. മറ്റുള്ളവരെ സഹായിക്കുകയാണ്​ ജീവിതത്തി​െൻറ പരമമായ ലക്ഷ്യമെന്ന തല​െക്കട്ടിൽ ഐ.ബി.പി.സി തയാറാക്കിയ പ്രത്യേക പോസ്​റ്ററിലാണ്​ മലപ്പുറത്തി​െൻറ നന്മമനസ്സിനെ ആദരിക്കുന്നത്​.

യാത്രക്കാരുമായി ലാൻഡ്​​ ചെയ്യാൻ ശ്രമിക്കുന്നതിനിടെ അപകടത്തിൽപെട്ട്​ രണ്ടായി പിളർന്ന വിമാനത്തിൽനിന്ന്​ 90 മിനിറ്റിനുള്ളിൽ തന്നെ പൊതുജനങ്ങൾക്ക്​ രക്ഷാപ്രവർത്തനം പൂർത്തിയാക്കാൻ കഴിഞ്ഞു​. ജനങ്ങൾ അവരുടെ വാഹനങ്ങളിൽ തന്നെ പരിക്കേറ്റവരെ ആശുപത്രികളിൽ എത്തിച്ചു. രക്​തം നൽകാൻ നിരവധി ആളുകളാണ്​ വിവിധ ആശുപത്രികളിൽ എത്തിയത്​. ഒടുവിൽ മതിയായ രക്​തം ലഭ്യമായി എന്ന്​ ആശുപത്രികൾക്ക്​ അറിയിപ്പ്​ നൽകേണ്ടി വന്നു.

കോവിഡി​െൻറ പശ്ചാത്തലത്തിലും മോശമായ കാലാവസ്​ഥയിലുമാണ്​ മലപ്പുറ​െത്ത ജനങ്ങൾ രക്ഷാപ്രവർത്തനം നടത്തി വിജയിപ്പിച്ചത്​. ഇത്തരം കാര്യങ്ങൾ കാണു​േമ്പാൾ മനോഹരമായ ലോകമാണ്​ ഇതെന്ന്​ ഞങ്ങൾ മനസ്സിലാക്കുന്നുവെന്ന്​ പറഞ്ഞാണ്​ കുറിപ്പ്​ അവസാനിക്കുന്നത്​.

ഐ.ബി.പി.സി പ്രസിഡൻറ്​ അസിം അബ്ബാസ്​ ഫേസ്​ബുക്കിൽ പോസ്​റ്റ്​ ചെയ്​ത കുറിപ്പ്​ സമൂഹമാധ്യമങ്ങളിലൂ​െട നിവധിപേരാണ്​ പങ്കുവെക്കുന്നത്​. മലപ്പുറത്തെ കുറിച്ച്​ ദേശീയ നേതാക്കൾ വരെ തെറ്റിദ്ധരിപ്പിക്കുന്ന കാര്യങ്ങളാണ്​ പ്രചരിപ്പിക്കുന്നതെന്നും തങ്ങൾക്ക്​ മലപ്പുറത്തുനിന്നും ആ നാട്ടുകാരിൽനിന്നും എന്നും നല്ല അനുഭവമാണ്​ ഉണ്ടായിട്ടുള്ളതെന്നും പലരും അഭിപ്രായപ്പെടുന്നു.