തൊഴിലാളി ക്യാമ്പിൽ ഐ.സി.ബി.എഫ്​ ബോധവത്​കരണം

ദോഹ: ഇന്ത്യൻകമ്യൂണിറ്റി ബെനവലൻറ്​ ഫോറം (ഐ.സി.ബി.എഫ്​) നേതൃത്വത്തിൽ ഖാലിദ്​ ബിൻ അഹ്​മദ്​ അൽ സുവൈദി കമ്പനിയിലെ തൊഴിലാളി ക്യാമ്പിൽ ബോധവത്​കരണം സംഘടിപ്പിച്ചു. ഇന്ത്യക്കാർക്കായി ഐ.സി.ബി.എഫ്​ ആരംഭിച്ച ഇൻഷുറൻസ്​ പദ്ധതിയെ കുറിച്ച്​ തൊഴിലാളികൾക്ക്​ വിശദീകരണം നൽകി.

ജീവിത ശൈലീ രോഗവും മ​നോസമ്മർദവും നേരിടുന്നതിനെകുറിച്ച്​ ​വിശദീകാരണവും യോഗ ബോധവത്​കരണ ക്ലാസും നടന്നു. തൊഴിലാളികളുടെ സംശയങ്ങൾക്ക്​ മറുപടിയും നൽകി.

പരിപാടികൾക്ക്​ ഐ.സി.ബി.എഫ്​ പ്രസിഡൻറ്​ സിയാദ്​ ഉസ്​മാൻ, മറ്റു കമ്മിറ്റി അംഗങ്ങൾ എന്നിവർ നേതൃത്വം നൽകി.