ഐ.സി.സി അധ്യാപക ദിനാഘോഷം ഇന്ന്
text_fieldsദോഹ: ഇന്ത്യൻ കൾചറൽ സെന്റർ നേതൃത്വത്തിൽ ദേശീയ അധ്യാപക ദിനാഘോഷം ബുധനാഴ്ച. ഐ.സി.സി അശോക ഹാളിൽ നടക്കുന്ന പരിപാടിയിൽ ഖത്തറിലെ ഇന്ത്യൻ എംബസി ഡെപ്യൂട്ടി ചീഫ് ഓഫ് മിഷൻ സന്ദീപ് കുമാർ പങ്കെടുക്കും.
വൈകുന്നേരം 6.30 മുതൽ നടക്കുന്ന ആഘോഷ പരിപാടിയിൽ ഖത്തറിലെ വിവിധ ഇന്ത്യൻ സ്കൂളുകളിൽനിന്നുള്ള അധ്യാപകർ പങ്കെടുക്കും. ദീർഘകാലം പ്രവർത്തിച്ച അധ്യാപകരെ ചടങ്ങിൽ ആദരിക്കും.
അധ്യാപകരുടെ സാംസ്കാരിക പരിപാടികളും ആഘോഷത്തിന്റെ ഭാഗമായി അരങ്ങേറും. ഐ.സി.സി പ്രസിഡന്റ് എ.പി. മണികണ്ഠൻ, മാനേജിങ് കമ്മിറ്റി അംഗങ്ങൾ എന്നിവർ പങ്കെടുക്കും. മുൻ രാഷ്ട്രപതി എസ്. രാധാകൃഷ്ണന്റെ പിറന്നാള് ദിനമായ സെപ്റ്റംബർ അഞ്ചിനാണ് ദേശീയ അധ്യാപക ദിനമായി ആചരിക്കുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.