ഇന്‍കാസ് ഓൺലൈന്‍ ചെസ് ടൂർണമെന്റ്

ദോഹ: ഇന്‍കാസ് ജില്ല കമ്മിറ്റികളുടെ ആഭിമുഖ്യത്തില്‍ ഖത്തര്‍ ദേശീയ കായിക ദിനത്തിന്‍റെ ഭാഗമായി ഓൺലൈന്‍ ചെസ് ടൂര്‍ണമെന്‍റ് സംഘടിപ്പിച്ചു.

രണ്ടു വിഭാഗങ്ങളിലായി നടന്ന മത്സരത്തില്‍ വിവിധ രാജ്യക്കാരായ 250ഓളം കളിക്കാർ പങ്കെടുത്തു. ഐ.സി.സി പ്രസിഡന്‍റ്​ പി.എന്‍. ബാബുരാജൻ ടൂര്‍ണമെന്‍റ് ഉദ്ഘാടനം ചെയ്തു. ഐ.സി.സി മുന്‍ പ്രസിഡന്‍റ്​ എ.പി മണികണ്ഠന്‍ അധ്യക്ഷതവഹിച്ചു.

ഐ.സി.ബി.എഫ് പ്രസിഡന്‍റ്​​ സിയാദ് ഉസ്മാന്‍, ഇന്ത്യൻ സ്പോർട്സ് സെന്‍റർ വൈസ് പ്രസിഡന്റ് ഷെജി വലിയകത്ത്, ഐ.സി.ബി.എഫ് വൈസ് പ്രസിഡന്‍റ്​ വിനോദ് വി. നായര്‍, ഇന്ത്യന്‍ സ്പോര്‍ട്​സ് സെന്‍റര്‍ ജനറൽ സെക്രട്ടറി ടി.എസ്. ശ്രീനിവാസ്, മാനേജിങ്​ കമ്മിറ്റി അംഗം സഫീറുർ റഹ്മാന്‍ എന്നിവര്‍ സംസാരിച്ചു. കെ. വി. ബോബന്‍ സ്വാഗതവും പ്രദീപ് പിള്ളൈ നന്ദിയും പറഞ്ഞു.