വിമാനത്താവള യൂസേഴ്സ് ഫീസ് വർധന; വ്യോമയാന മന്ത്രിക്ക് നിവേദനം നൽകി യാത്രക്കാരുടെ കൂട്ടായ്മ
text_fieldsദോഹ: തിരുവനന്തപുരം അന്താരാഷ്ട്ര വിമാനത്താവളത്തിലെ യൂസേഴ്സ് ഫീസ് വര്ധിപ്പിച്ച നടപടി പിന്വലിക്കണമെന്ന് തിരുവനന്തപുരം ഇന്റര്നാഷനല് എയര്പോര്ട്ട് യൂസേഴ്സ് ഫോറം ഇന് ഖത്തര് (തൗഫിക്ക്) കേന്ദ്ര സിവില് വ്യോമയാന മന്ത്രി കെ. റാം മോഹന് നായിഡുവിനോട് നിവേദനത്തില് ആവശ്യപ്പെട്ടു.
യൂസേഴ്സ് ഫീസും ലാൻഡിങ് ചാര്ജും, ഫുവെല് സര്ചാര്ജും വര്ധിപ്പിച്ചതിന്റെ ഭാരം ടിക്കറ്റ് നിരക്കിലൂടെ യാത്രക്കാർ വഹിക്കേണ്ടി വരും. തിരുവനന്തപുരത്തുനിന്ന് ഖത്തറിലേക്ക് യാത്ര ചെയ്യുന്നവരിൽ അധികവും മത്സ്യത്തൊഴിലാളി, നിർമാണ തൊഴിലാളി മേഖലയിൽനിന്നുള്ള സാധാരണക്കാരാണെന്ന് നിവേദനത്തിൽ ചൂണ്ടിക്കാട്ടി.
എയര് ഇന്ത്യ എക്സ്പ്രസ് വിമാനങ്ങളുടെ അവസാന നിമിഷത്തെ റദ്ദാക്കലും വൈകലും വേനലവധിക്ക് നാട്ടിലേക്ക് പോകുന്ന പ്രവാസി കുടുംബങ്ങള്ക്കും മടങ്ങിയെത്തുന്നവര്ക്കും തീരാദുരിതമാകുന്നതും ശ്രദ്ധയിൽപെടുത്തി. വിഷയത്തിൽ അധികാരികളുടെ ഇടപെടൽ അനിവാര്യമാണെന്ന് നിവേദനത്തിൽ സംഘടന ആവശ്യപ്പെട്ടു.
സംഘടന ജനറല് കണ്വീനര് തോമസ് കുര്യന് നെടുംതറയില്, ഉപദേശകൻ അബ്ദുല് റഊഫ് കൊണ്ടോട്ടി, കോഓഡിനേറ്റർമാരായ ഒ.കെ. പരുമല, വി.എം. അനീഷ്, റിജോ ജോയ് എന്നിവര് നിവേദനത്തിൽ ഒപ്പുവെച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.