സൂ​ഖ് വാ​ഖി​ഫി​ൽ ഇ​ന്ത്യ​ൻ മാ​മ്പ​ഴ മേ​ള

ദോ​ഹ: നാ​ട്ടി​ലെ മാ​മ്പ​ഴ​ക്കാ​ല​ത്തി​ന്റെ മ​ധു​ര​മൂ​റു​ന്ന ഓ​ർ​മ​ക​ളു​മാ​യി പ്ര​വാ​സ​ത്തി​ൽ ദി​വ​സ​ങ്ങ​ളെ​ണ്ണി തീ​ർ​ക്കു​ന്ന മാ​മ്പ​ഴ​പ്രേ​മി​ക​ൾ​ക്കാ​യി സൂ​ഖ് വാ​ഖി​ഫി​ലൊ​രു മേ​ള​യെ​ത്തു​ന്നു. ഇ​ന്ത്യ​യി​ലെ എ​ണ്ണി​യാ​ൽ തീ​രാ​ത്ത ത​രം മാ​മ്പ​ഴ​ങ്ങ​ളും, മാ​മ്പ​ഴ അ​നു​ബ​ന്ധ ഉ​ൽ​പ​ന്ന​ങ്ങ​ളും അ​ണി​നി​ര​ക്കു​ന്ന മേ​ള​ക്ക് സൂ​ഖ് വാ​ഖി​ഫ് വേ​ദി​യാ​കും.

ഇ​ന്ത്യ​ൻ എം​ബ​സി​യും സൂ​ഖ് വാ​ഖി​ഫും ചേ​ർ​ന്ന് മേ​യ് 30 മു​ത​ൽ ജൂ​ൺ എ​ട്ടു വ​രെ സൂ​ഖി​ലെ ഈ​സ്റ്റേ​ൺ സ്ക്വ​യ​റി​ലാ​ണ് മേ​ള. ‘അ​ൽ ഹം​ബ’ മാം​ഗോ എ​ക്സി​ബി​ഷ​ൻ എ​ന്ന പേ​രി​ൽ ആ​ദ്യ​മാ​യാ​ണ് സൂ​ഖി​ൽ മാ​മ്പ​ഴ പ്ര​ദ​ർ​ശ​ന​വും വി​ൽ​പ​ന​യു​മെ​ത്തു​ന്ന​ത്. ചൂ​ടു​കാ​ല​മാ​ണെ​ങ്കി​ലും ശീ​തീ​ക​രി​ച്ച പ്ര​ദ​ർ​ശ​ന വേ​ദി​യി​ലെ​ത്തി പ​ഴു​ത്ത​തും മ​ധു​ര​മൂ​റു​ന്ന​തു​മാ​യ ഒ​രു​പി​ടി മാ​മ്പ​ഴ​ങ്ങ​ൾ വാ​ങ്ങാ​നും കാ​ണാ​നും അ​വ​സ​ര​മാ​കും. ഈ ​മാ​സം 30 ന് ​തു​ട​ങ്ങു​ന്ന മേ​ള​യി​ൽ വൈ​കു​ന്നേ​രം നാ​ല് മു​ത​ൽ രാ​ത്രി ഒ​മ്പ​ത് വ​രെ​യാ​ണ് പ്ര​ദ​ർ​ശ​നം. എ​ല്ലാ​വ​ർ​ക്കും സൗ​ജ​ന്യ​മാ​യി​രി​ക്കും പ്ര​വേ​ശ​ന​മെ​ന്ന് സൂ​ഖ് വാ​ഖി​ഫ് അ​ധി​കൃ​ത​ർ അ​റി​യി​ച്ചു. ഖ​ത്ത​റി​ന്റെ പൈ​തൃ​ക തെ​രു​വാ​യ സൂ​ഖി​ലൊ​രു​ക്കു​ന്ന മാ​മ്പ​ഴ മേ​ള, ഇ​ന്ത്യ​ൻ രു​ചി വൈ​വി​ധ്യം സ്വ​ദേ​ശി​ക​ൾ​ക്കും വി​വി​ധ രാ​ജ്യ​ക്കാ​ർ​ക്കും അ​നു​ഭ​വി​ച്ച​റി​യാ​നു​ള്ള വേ​ദി​യാ​യി മാ​റും.