സ്വ​കാ​ര്യ മേ​ഖ​ല​യി​ൽ സ്വ​ദേ​ശി​വ​ത്ക​ര​ണ​വു​മാ​യി ഖ​ത്ത​ർ

ദോ​ഹ: ഖ​ത്ത​റി​ലെ സ്വ​കാ​ര്യ മേ​ഖ​ല​യി​ലെ തൊ​ഴി​ലു​ക​ളി​ൽ സ്വ​ദേ​ശി​വ​ത്ക​ര​ണ​ത്തി​ന്​ അ​നു​മ​തി ന​ൽ​കു​ന്ന സു​പ്ര​ധാ​ന നി​യ​മ​ത്തി​ന്​ അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി​യു​ടെ അം​ഗീ​കാ​രം. 2024ലെ 12ാം ​ന​മ്പ​ർ നി​യ​മ​ത്തി​നാ​ണ്​ അ​മീ​ർ അം​ഗീ​കാ​രം ന​ൽ​കി​യ​ത്. ഔ​ദ്യോ​ഗി​ക ഗ​സ​റ്റി​ൽ പ്ര​സി​ദ്ധീ​ക​രി​ച്ച്​ ആ​റു​മാ​സം തി​ക​യു​ന്ന​തോ​ടെ നി​യ​മം പ്രാ​ബ​ല്യ​ത്തി​ൽ വ​രും.

സ്വ​ദേ​ശി​ക​ൾ​ക്ക് കൂ​ടു​ത​ൽ തൊ​ഴി​ല​വ​സ​ര​ങ്ങ​ൾ സൃ​ഷ്​​ടി​ക്കു​ക​യും മാ​ന​വ​വി​ഭ​വ ശേ​ഷി പ​ര​മാ​വ​ധി മേ​ഖ​ല​ക​ളി​ൽ പ്ര​യോ​ജ​ന​പ്പെ​ടു​ത്തു​ക​യും ല​ക്ഷ്യ​മി​ടു​ന്ന ഖ​ത്ത​ർ ദേ​ശീ​യ വി​ഷ​ൻ 2030 പ​ദ്ധ​തി​ക​ളു​ടെ ഭാ​ഗ​മാ​യാ​ണ്​​ സ്വ​കാ​ര്യ മേ​ഖ​ല​യി​ലെ സ്വ​ദേ​ശി​വ​ത്ക​ര​ണ നി​യ​മ​ത്തി​ന്​ അം​ഗീ​കാ​രം ന​ൽ​കി​യ​ത്. ​

ക​ഴി​ഞ്ഞ ഡി​സം​ബ​റി​ൽ പ്ര​ധാ​ന​മ​ന്ത്രി ശൈ​ഖ്​ മു​ഹ​മ്മ​ദ്​ ബി​ൻ അ​ബ്​​ദു​ൽ​റ​ഹ്​​മാ​ൻ ആ​ൽ​ഥാ​നി​യു​ടെ നേ​തൃ​ത്വ​ത്തി​ൽ ചേ​ർ​ന്ന മ​ന്ത്രി​സ​ഭ യോ​ഗം ക​ര​ട്​ നി​ർ​ദേ​ശ​ത്തി​ന്​ അം​ഗീ​കാ​രം ന​ൽ​കി​യി​രു​ന്നു.

അ​ഭ്യ​സ്​​ത​വി​ദ്യ​രും ​പ്ര​ഫ​ഷ​ന​ലു​ക​ളു​മാ​യ സ്വ​ദേ​ശി​ക​ൾ​ക്ക്​ തൊ​ഴി​ൽ ഉ​റ​പ്പാ​ക്കു​ന്ന വി​വി​ധ വി​ഭാ​ഗം ക​മ്പ​നി​ക​ളു​ടെ​യും സ്ഥാ​പ​ന​ങ്ങ​ളു​ടെ​​യും വി​ശ​ദാം​ശ​ങ്ങ​ൾ തൊ​ഴി​ൽ മ​​ന്ത്രാ​ല​യം വ്യ​ക്ത​മാ​ക്കും. ഇ​തു​സം​ബ​ന്ധി​ച്ച്​ ആ​ദ്യ​ഘ​ട്ട​മെ​ന്ന നി​ല​യി​ൽ ഏ​തെ​ല്ലാം വി​ഭാ​ഗ​ങ്ങ​ളി​ലാ​ണ്​ തൊ​ഴി​ൽ സ്വ​ദേ​ശി വ​ത്ക​ര​ണം ബാ​ധ​ക​മാ​വു​​ക​യെ​ന്ന്​ മ​ന്ത്രാ​ല​യം ക​ഴി​ഞ്ഞ ദി​വ​സം ത​ന്നെ വി​ശ​ദീ​ക​രി​ച്ചു.

വ്യ​ക്തി​ക​ളു​ടെ ഉ​ട​മ​സ്ഥ​ത​യി​ൽ വാ​ണി​ജ്യ ര​ജി​സ്‌​ട്രേ​ഷ​നു​ള്ള സ്ഥാ​പ​ന​ങ്ങ​ൾ, രാ​ജ്യ​ത്ത് പ്ര​വ​ർ​ത്തി​ക്കു​ന്ന സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള സ്ഥാ​പ​ന​ങ്ങ​ൾ, സ​ർ​ക്കാ​ർ-​സ്വ​കാ​ര്യ പ​ങ്കാ​ളി​ത്ത​മു​ള്ള സ്ഥാ​പ​ന​ങ്ങ​ൾ, സ്വ​കാ​ര്യ ഉ​ട​മ​സ്ഥ​ത​യി​ലു​ള്ള ക​മ്പ​നി​ക​ൾ, ലാ​ഭം ല​ക്ഷ്യ​മി​ല്ലാ​തെ പ്ര​വ​ർ​ത്തി​ക്കു​ന്ന ചാ​രി​റ്റി സ്ഥാ​പ​ന​ങ്ങ​ൾ, കാ​യി​ക സ്ഥാ​പ​ന​ങ്ങ​ൾ, അ​സോ​സി​യേ​ഷ​നു​ക​ൾ തു​ട​ങ്ങി​യ​വ​യാ​ണ്​ പു​തി​യ സ്വ​ദേ​ശി​വ​ത്ക​ര​ണ നി​യ​മ​ത്തി​ന്‍റെ പ​രി​ധി​യി​ൽ വ​രു​ന്ന​ത്.

എ​ന്നാ​ൽ, ഈ ​സ്ഥാ​പ​ന​ങ്ങ​ളെ സം​ബ​ന്ധി​ച്ചും സ്വ​ദേ​ശി​വ​ത്ക​രി​ക്കു​ന്ന തൊ​ഴി​ലു​ക​ളെ സം​ബ​ന്ധി​ച്ചും തൊ​ഴി​ൽ മ​ന്ത്രാ​ല​യം പി​ന്നീ​ട്​ വി​ശ​ദ​മാ​ക്കും. രാ​ജ്യ​ത്തെ സ്വ​കാ​ര്യ മേ​ഖ​ല​യി​ലെ സ്ഥാ​പ​ന​ങ്ങ​ളി​ലും ക​മ്പ​നി​ക​ളി​ലും സ്വ​ദേ​ശി തൊ​ഴി​ലാ​ളി​ക​ളു​ടെ പ​ങ്കാ​ളി​ത്തം ഗ​ണ്യ​മാ​യി വ​ർ​ധി​പ്പി​ക്കു​ക​യാ​ണ്​ പു​തി​യ നി​യ​മം വ​ഴി ല​ക്ഷ്യ​മി​ടു​ന്ന​ത്. ഇ​തോ​ടൊ​പ്പം, നൂ​ത​ന വൈ​ദ​ഗ്ധ്യ​മു​ള്ള വി​ദേ​ശ തൊ​ഴി​ലാ​ളി​ക​ളെ ആ​ക​ർ​ഷി​ക്കാ​നും ക​ഴി​യും.

അ​വ​ർ​ക്കൊ​പ്പം ഉ​യ​ർ​ന്ന വൈ​ദ​ഗ്​​ധ്യ​മു​ള്ള ഖ​ത്ത​രി​ക​ളെ​കൂ​ടി പ്ര​യോ​ജ​ന​പ്പെ​ടു​ത്തു​ക​യും പ്ര​ധാ​ന ല​ക്ഷ്യ​മാ​ണ്. സ്വ​ദേ​ശി​ക​ൾ​ക്ക് തൊ​ഴി​ൽ വി​പ​ണി​യു​ടെ ആ​ക​ർ​ഷ​ണം വ​ർ​ധി​പ്പി​ക്കു​ക, സ്വ​ദേ​ശി​ക​ളെ ആ​ക​ർ​ഷി​ക്കു​ന്ന രീ​തി​യി​ൽ ക​മ്പ​നി​ക​ളു​ടെ ക​ഴി​വ് വ​ർ​ധി​പ്പി​ക്കു​ക, സ്വ​കാ​ര്യ മേ​ഖ​ല​യി​ൽ സ്വ​ദേ​ശി​ക​ളു​ടെ പ​ങ്കാ​ളി​ത്തം പ്രോ​ത്സാ​ഹി​പ്പി​ക്കു​ക, തൊ​ഴി​ൽ സ്ഥി​ര​ത ഉ​റ​പ്പാ​ക്കു​ക, യോ​ഗ്യ​രാ​യ ഉ​ദ്യോ​ഗ​സ്ഥ​രു​ടെ തൊ​ഴി​ൽ വി​പ​ണി ആ​വ​ശ്യ​ക​ത നി​റ​വേ​റ്റു​ക എ​ന്നി​വ​യും സാ​ധ്യ​മാ​വു​മെ​ന്ന്​ മ​ന്ത്രാ​ല​യം വ്യ​ക്ത​മാ​ക്കി.

സ്ഥാ​പ​ന​ത്തി​ന്‍റെ നി​ല​വാ​രം, തൊ​ഴി​ലാ​ളി​ക​ളു​ടെ എ​ണ്ണം, ജോ​ലി ത​ര​ങ്ങ​ൾ എ​ന്നി​വ അ​ടി​സ്ഥാ​ന​മാ​ക്കി സ്ഥാ​പ​ന​ങ്ങ​ളെ ത​രം​തി​രി​ച്ച് സ്വ​കാ​ര്യ മേ​ഖ​ല​ക്കാ​യി തൊ​ഴി​ൽ ദേ​ശ​സാ​ത്ക​ര​ണ പ​ദ്ധ​തി വി​ക​സി​പ്പി​ക്കു​മെ​ന്ന് തൊ​ഴി​ൽ മ​ന്ത്രാ​ല​യം പ്ര​ഖ്യാ​പി​ച്ചു.

കൂ​ടാ​തെ, സ്വ​കാ​ര്യ തൊ​ഴി​ൽ മേ​ഖ​ല​യി​ലെ അ​വ​സ​ര​ങ്ങ​ൾ​ പ്ര​യോ​ജ​ന​പ്പെ​ടു​ത്തു​ന്ന​തി​നാ​വ​ശ്യ​മാ​യ യോ​ഗ്യ​ത നേ​ടു​ന്ന​തി​ന്​ സ​ർ​വ​ക​ലാ​ശാ​ല പ​ഠ​നം പൂ​ർ​ത്തി​യാ​ക്കാ​ൻ പൗ​ര​ന്മാ​രെ സ്‌​പോ​ൺ​സ​ർ ചെ​യ്യാ​നും നി​യ​മം അ​നു​ശാ​സി​ക്കു​ന്നു. തൊ​ഴി​ൽ സു​ര​ക്ഷി​ത​ത്വം, സു​സ്ഥി​ര​മാ​യ തൊ​ഴി​ൽ അ​ന്ത​രീ​ക്ഷം എ​ന്നി​വ ഉ​റ​പ്പാ​ക്കു​ന്ന​തി​ന് സ്റ്റാ​ൻ​ഡേ​ർ​ഡ് എം​പ്ലോ​യ്‌​മെ​ന്റ് കോ​ൺ​ട്രാ​ക്ട് ടെം​പ്ലേ​റ്റു​ക​ൾ പു​റ​പ്പെ​ടു​വി​ക്കും.

സ്വ​കാ​ര്യ മേ​ഖ​ല​യു​മാ​യി സ​ഹ​ക​രി​ച്ച് പ​രി​ശീ​ല​ന​വും വി​ക​സ​ന പ​രി​പാ​ടി​ക​ളും രൂ​പ​പ്പെ​ടു​ത്തി പൗ​ര​ന്മാ​രെ യോ​ഗ്യ​രാ​ക്കു​ന്ന​തി​ലും മ​ന്ത്രാ​ല​യം ശ്ര​ദ്ധ​യൂ​ന്നും.

സ്വ​ദേ​ശി​വ​ത്ക​ര​ണ​ത്തി​ന് വി​ധേ​യ​മാ​വു​ന്ന സ്ഥാ​പ​ന​ങ്ങ​ൾ

വാ​ണി​ജ്യ ര​ജി​സ്‌​ട്രേ​ഷ​നി​ൽ ര​ജി​സ്​​റ്റ​ർ ചെ​യ്തി​ട്ടു​ള്ള സ്വ​കാ​ര്യ​വ്യ​ക്തി​യു​ടെ ഉ​ട​മ​സ്ഥ​ത​യി​ലു​ള്ള സ്ഥാ​പ​ന​ങ്ങ​ൾ

സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള​തോ സ​ർ​ക്കാ​ർ പ​ങ്കാ​ളി​ത്ത​മു​ള്ള​തോ അ​ല്ലെ​ങ്കി​ൽ സ്വ​കാ​ര്യ ഉ​ട​മ​സ്ഥ​ത​യി​ലു​ള്ള​തോ ആ​യ ക​മ്പ​നി​ക​ൾ

ലാ​ഭേ​ച്ഛ​യി​ല്ലാ​ത്ത (നോ​ൺ പ്രോ​ഫി​റ്റ്) സ്വ​കാ​ര്യ സ്ഥാ​പ​ന​ങ്ങ​ൾ, സ്വ​കാ​ര്യ കാ​യി​ക സ്ഥാ​പ​ന​ങ്ങ​ൾ, അ​സോ​സി​യേ​ഷ​നു​ക​ൾ, സ​മാ​ന സ്ഥാ​പ​ന​ങ്ങ​ൾ.

നി​യ​മം വ​ഴി​യു​ള്ള പ്ര​ധാ​ന ല​ക്ഷ്യ​ങ്ങ​ൾ

ഖ​ത്ത​രി​ക​ളും ഖ​ത്ത​രി സ്ത്രീ​ക​ളു​ടെ കു​ട്ടി​ക​ളും ഉ​ൾ​പ്പെ​ടു​ന്ന ഗു​ണ​ഭോ​ക്താ​ക്ക​ൾ​ക്ക് സാ​മ്പ​ത്തി​ക ആ​നു​കൂ​ല്യ​ങ്ങ​ൾ ഉ​റ​പ്പാ​ക്കു​ക.

സ്വ​ദേ​ശി​വ​ത്ക​ര​ണ പ​ദ്ധ​തി​യി​ലു​ൾ​പ്പെ​ടു​ന്ന സ്ഥാ​പ​ന​ങ്ങ​ൾ​ക്ക് വി​വി​ധ ആ​നു​കൂ​ല്യ​ങ്ങ​ളും സൗ​ക​ര്യ​ങ്ങ​ളും.

മ​ന്ത്രാ​ല​യ ന​യ​ങ്ങ​ൾ​ക്കും പ​ദ്ധ​തി​ക​ൾ​ക്കും അ​നു​സൃ​ത​മാ​യി സ്വ​ദേ​ശി​ക​ൾ​ക്ക് തൊ​ഴി​ലും പ​രി​ശീ​ല​ന​വും ന​ൽ​കു​ക​യും അ​വ​രെ തൊ​ഴി​ലി​ന്​ യോ​ഗ്യ​രാ​ക്കു​ക​യും ചെ​യ്യു​ക.