വ്യാ​പാ​ര സ്ഥാ​പ​ന​ങ്ങ​ളി​ൽ പ​രി​ശോ​ധ​ന

ദോ​ഹ: രാ​ജ്യ​ത്തി​​ന്‍റെ വി​വി​ധ ഭാ​ഗ​ങ്ങ​ളി​ലാ​യി വാ​ണി​ജ്യ മ​ന്ത്രാ​ല​യ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​ക​ളി​ൽ നി​ര​വ​ധി നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി. ഐ​ൻ ഖാ​ലി​ദ്, മു​ഐ​ത​ർ, ഉം ​സ​ലാ​ൽ തു​ട​ങ്ങി​യ മേ​ഖ​ല​ക​ളി​ലെ ചി​ല്ല​റ വി​ൽ​പ​ന കേ​ന്ദ്ര​ങ്ങ​ളി​ലാ​യി​രു​ന്നു ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ പ​രി​ശോ​ധ​ന ന​ട​ത്തി​യ​ത്. 24ഓ​ളം ലം​ഘ​ന​ങ്ങ​ൾ ശ്ര​ദ്ധ​യി​ൽ​പെ​ടു​ക​യും ന​ട​പ​ടി സ്വീ​ക​രി​ക്കു​ക​യും ചെ​യ്ത​താ​യി അ​ധി​കൃ​ത​ർ അ​റി​യി​ച്ചു. ക​ട​ക​ളു​ടെ തി​രി​ച്ച​റി​യ​ൽ ബോ​ർ​ഡ്​ പ്ര​ദ​ർ​ശി​പ്പി​ച്ചി​ല്ല, കാ​ലാ​വ​ധി ക​ഴി​ഞ്ഞി​ട്ടും ലൈ​സ​ൻ​സ്​ പു​തു​ക്കി​യി​ല്ല, ക​ട​ക​ളു​ടെ സ്ഥാ​ന​മാ​റ്റം, ര​ജി​സ്റ്റ​ർ ചെ​യ്യാ​ത്ത വ്യാ​പാ​ര​ങ്ങ​ൾ, പ്ര​ദ​ർ​ശി​പ്പി​ച്ച​തും ഔ​ദ്യോ​ഗി​ക രേ​ഖ​ക​ളി​ലു​മു​ള്ള പേ​ര്​ മാ​റ്റം തു​ട​ങ്ങി​യ കേ​സു​ക​ളി​ലാ​ണ്​ വി​വി​ധ സ്ഥാ​പ​ന​ങ്ങ​ൾ​ക്കെ​തി​രെ ന​ട​പ​ടി സ്വീ​ക​രി​ച്ച​ത്. ​ഉ​പ​ഭോ​ക്​​തൃ സം​ര​ക്ഷ​ണ​ത്തി​നാ​യി നി​ർ​ദേ​ശി​ച്ച ച​ട്ട​ങ്ങ​ൾ ലം​ഘി​ക്കു​ന്ന​ത്​ ത​ട​യു​ന്ന​തി​​ന്‍റെ ഭാ​ഗ​മാ​യാ​ണ്​ അ​ധി​കൃ​ത​ർ പ​രി​ശോ​ധ​ന സ​ജീ​വ​മാ​ക്കു​ന്ന​ത്.​വ്യാ​പാ​ര, വാ​ണി​ജ്യ മേ​ഖ​ല​ക​ൾ, ​ചെ​റു​കി​ട ക​ച്ച​വ​ട​ക്കാ​ർ, തെ​രു​വു വി​ൽ​പ​ന​ക്കാ​ർ എ​ന്നി​വി​ട​ങ്ങ​ളി​ലെ നി​യ​മ​ലം​ഘ​ന​ങ്ങ​ൾ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്ന്​ അ​ധി​കൃ​ത​ർ വ്യ​ക്​​ത​മാ​ക്കി.