അന്താരാഷ്​ട്ര ഒളിമ്പിക് കമ്മിറ്റി യോഗത്തിൽ അമീർ പങ്കെടുത്തു

ദോഹ: അന്താരാഷ്​ട്ര ഒളിമ്പിക് കമ്മിറ്റിയുടെ 136ാം സെഷനിൽ ഐ.ഒ.സി അംഗമായ അമീർ ശൈഖ് തമീം ബിൻ ഹമദ് ആൽഥാനി പങ്കെടുത്തു.
വിഡിയോ കോൺഫറൻസ്​ വഴി നടന്ന യോഗത്തിൽ ഐ.ഒ.സി പ്രസിഡൻറ് ഡോ. തോമസ്​ ബാഷ്, ഐ.ഒ.സി എക്സിക്യൂട്ടിവ് അംഗങ്ങൾ, അന്താരാഷ്​ട്ര ഫെഡറേഷൻ തലവന്മാർ, നാഷനൽ ഒളിമ്പിക് കമ്മിറ്റി തലവന്മാർ തുടങ്ങിയവർ പങ്കെടുത്തു. ഒളിമ്പിക് പ്രസ്​ഥാനത്തി​െൻറ വികസനവുമായി ബന്ധപ്പെട്ടുള്ള ചർച്ചയും യോഗത്തിലെ അജണ്ടകളും നേരത്തെയുള്ള തീരുമാനങ്ങളുടെ വിലയിരുത്തലും യോഗത്തിൽ നടന്നു.ഖത്തർ ഒളിമ്പിക് കമ്മിറ്റി പ്രസിഡൻറ് ശൈഖ് ജൂആൻ ബിൻ ഹമദ് ആൽഥാനിയും അമീറിനൊപ്പം യോഗത്തിൽ പങ്കെടുത്തു.