ഇന്ത്യൻ ഒളിമ്പിക്​ ടീമിന്​ ആശംസയുമായി ഐ.എസ്​.സി

ദോഹ: ടോക്യാേ ഒളിമ്പിക്​സിൽ പ​ങ്കെടുക്കുന്ന ഇന്ത്യൻ ടീമിന്​ വിജയാശംസകളുമായി ഖത്തറിലെ ഇന്ത്യൻ സ്​പോർട്​സ്​ സെൻററും.

ഐ.സി.സി അശോക ഹാളിൽ നടന്ന പരിപാടിയിൽ വിദ്യാർഥികളും രക്ഷിതാക്കളും ഉൾപ്പെടെ നിരവധി പേർ പ​ങ്കെടുത്തു. ദേശീയഗാനം ആലപിച്ചും ത്രിവർണ ദേശീയ പതാക ഉയർത്തിയും ​ഇന്ത്യൻ സംഘത്തിന്​ വിജയാശംസ നേർന്നു.

ഐ.എസ്​.സി കോർഡിനേറ്റിങ്​ ഓഫിസർ ക്യാപ്​റ്റൻ അത്​ല മോഹൻ, ​പ്രസിഡൻറ്​ ഡോ. മോഹൻ തോമസ്​, ഐ.സി.സി പ്രസിഡൻറ്​ പി.എൻ ബാബുരാജൻ, ഐ.സി.ബി.എഫ്​ പ്രസിഡൻറ്​ സിയാദ്​ ഉസ്​മാൻ, ഐ.എസ്​.സി ഉപദേശക കൗൺസിൽ ചെയർമാൻ മുഹമ്മദ്​ ഈസ എന്നിവർ നേതൃത്വം നൽകി.ക്യാപ്​റ്റൻ മോഹൻ വിദ്യാർഥികളുമായി സംവദിച്ചു.