എൻജിൻ ഓഫാക്കാതെ വാഹനം നിർത്തി പുറത്തുപോകുന്നത്​ കുറ്റകരം

ദോഹ: കുറഞ്ഞ നേരത്തേക്കാണെങ്കിലും എൻജിൻ ഓഫാക്കാതെ വാഹനം നിർത്തി പുറത്തിറങ്ങുന്നത്​ കുറ്റകരമാണെന്ന്​ ഗതാഗത വകുപ്പ്​. എന്തുകാരണത്താലായാലും അൽപനേരത്തേക്കു​ പോലും എൻജിൻ നിർത്താതെ വാഹനത്തിൽനിന്ന്​ ഇറങ്ങരുത്​. അത്​ ഗതാഗതനിയമത്തി​െൻറ ലംഘനമാണ്​. ഇങ്ങനെ ചെയ്യുന്നത്​ വാഹനാപകടങ്ങൾക്ക് കാരണമാകുന്നതിനാൽ ജാഗ്രത പാലിക്കണം. പൊതുസുരക്ഷ എല്ലാവരുടെയും കൂട്ടുത്തരവാദിത്തമാണെന്നും ഗതാഗത വകുപ്പ്​ ട്വിറ്ററിലൂടെ അറിയിച്ചു.