തൊഴിൽ പരിഷ്കരണം: ആംനസ്​റ്റിയെ തള്ളി ഖത്തർ

ദോ​ഹ: തൊ​ഴി​ൽ നി​യ​മ പ​രി​ഷ്ക​ര​ണ​ങ്ങ​ൾ പ്ര​യോ​ഗ​വ​ത്​​ക​രി​ക്കു​ന്ന​തി​ൽ ഖ​ത്ത​ർ പ​രാ​ജ​യ​പ്പെ​ട്ടു​വെ​ന്ന ആം​ന​സ്​​റ്റി ഇ​ൻ​റ​ർ​നാ​ഷ​ന​ലിെൻറ ആ​രോ​പ​ണ​ങ്ങ​ൾ ത​ള്ളി ഖ​ത്ത​ർ. 'റി​യാ​ലി​റ്റി ചെ​ക്ക് 2021: എ ​ഇ​യ​ർ ടു 2022' ​എ​ന്ന പേ​രി​ൽ ആം​ന​സ്​​റ്റി ഇ​ൻ​റ​ർ​നാ​ഷ​ന​ൽ പു​റ​ത്തി​റ​ക്കി​യ റി​പ്പോ​ർ​ട്ട്​ തെ​റ്റും അ​വാ​സ്​​ത​വ​വു​മാ​ണെ​ന്ന്​ ഖ​ത്ത​ർ തൊ​ഴി​ൽ മ​ന്ത്രാ​ല​യം വ്യ​ക്​​ത​മാ​ക്കി.

2020 സെ​പ്​​റ്റം​ബ​റി​ൽ തൊ​ഴി​ൽ മാ​റു​ന്ന​ത് സം​ബ​ന്ധി​ച്ച ത​ട​സ്സ​ങ്ങ​ൾ നീ​ക്കി​യ​തി​നു ശേ​ഷം ഇ​തു​വ​രെ​യാ​യി 2,42,870 പേ​ർ പു​തി​യ തൊ​ഴി​ലു​ട​മ​യു​ടെ കീ​ഴി​ലേ​ക്ക് മാ​റി​യ​തും തൊ​ഴി​ലാ​ളി​ക​ളു​ടെ ശ​മ്പ​ള​വും ആ​നു​കൂ​ല്യ​ങ്ങ​ളും വ​ർ​ധി​പ്പി​ച്ച​തി​ലൂ​ടെ പു​തി​യ മി​നി​മം വേ​ത​ന നി​യ​മ​പ്ര​കാ​രം നാ​ല് ല​ക്ഷ​ത്തി​ല​ധി​കം പേ​ർ നേ​രി​ട്ട് ഗു​ണ​ഭോ​ക്താ​ക്ക​ളാ​യ​തും ആം​ന​സ്​​റ്റി റി​പ്പോ​ർ​ട്ട് ക​ണ്ടി​ല്ലെ​ന്ന് തൊ​ഴി​ൽ മ​ന്ത്രാ​ല​യം ചൂ​ണ്ടി​ക്കാ​ട്ടി.

എ​ക്സി​റ്റ് പെ​ർ​മി​റ്റ് നീ​ക്കം ചെ​യ്ത​തി​നു​ശേ​ഷം ല​ക്ഷ​ക്ക​ണ​ക്കി​ന് തൊ​ഴി​ലാ​ളി​ക​ളും ജീ​വ​ന​ക്കാ​രു​മാ​ണ് തൊ​ഴി​ലു​ട​മ​യു​ടെ അ​നു​മ​തി കൂ​ടാ​തെ ഖ​ത്ത​റി​ന് പു​റ​ത്തു പോ​യ​തും തി​രി​കെ വ​ന്ന​തു​മെ​ന്നും മ​ന്ത്രാ​ല​യം വ്യ​ക്ത​മാ​ക്കി.

വേ​ത​ന സം​ര​ക്ഷ​ണ സം​വി​ധാ​നം (വേ​ജ് െപ്രാ​ട്ട​ക്​​ഷ​ൻ സി​സ്​​റ്റം) വ​ഴി 96 ശ​ത​മാ​നം പേ​ർ​ക്കും ത​ങ്ങ​ളു​ടെ വേ​ത​നം കൃ​ത്യ​മാ​യി ല​ഭി​ക്കു​ന്നു​വെ​ന്നും കൂ​ടു​ത​ൽ തൊ​ഴി​ലാ​ളി​ക​ളെ റി​ക്രൂ​ട്ട് ചെ​യ്യു​ന്ന രാ​ജ്യ​ങ്ങ​ളി​ലാ​രം​ഭി​ച്ച ഖ​ത്ത​ർ വി​സ സെൻറ​റു​ക​ൾ തൊ​ഴി​ലാ​ളി​ക​ളെ ചൂ​ഷ​ണം ചെ​യ്യു​ന്ന ന​ട​പ​ടി​ക​ൾ ഗ​ണ്യ​മാ​യി കു​റ​ച്ചു​വെ​ന്നും മ​ന്ത്രാ​ല​യം വി​ശ​ദീ​ക​രി​ച്ചു.

തൊ​ഴി​ലാ​ളി​ക​ൾ​ക്ക് മി​ക​ച്ച തൊ​ഴി​ൽ ജീ​വി​ത സാ​ഹ​ച​ര്യം ഉ​റ​പ്പു​ന​ൽ​കു​ന്ന നി​യ​മ​ങ്ങ​ൾ ന​ട​പ്പി​ലാ​ക്കാ​ത്ത തൊ​ഴി​ലു​ട​മ​ക​ൾ​ക്കെ​തി​രെ​യും ക​മ്പ​നി​ക​ൾ​ക്കെ​തി​രെ​യും നി​യ​മ​ന​ട​പ​ടി​ക​ൾ ക​ർ​ശ​ന​മാ​ക്കി​യി​ട്ടു​ണ്ട്.

തൊ​ഴി​ൽ മേ​ഖ​ല​യി​ലെ നി​യ​മ​ലം​ഘ​ന​ങ്ങ​ൾ പ​രി​ശോ​ധി​ക്കു​ന്ന​തി​നും ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​ന്ന​തി​നു​മാ​യി മ​ന്ത്രാ​ല​യ​ത്തി​ൽ കൂ​ടു​ത​ൽ ഇ​ൻ​സ്​​പെ​ക്ട​ർ​മാ​രെ​യും നി​യ​മി​ച്ചു​കൊ​ണ്ടി​രി​ക്കു​ന്നു.

നി​യ​മ​ലം​ഘ​ക​രെ തൊ​ഴി​ൽ കോ​ട​തി​ക​ൾ​ക്ക​ു മു​മ്പാ​കെ ഹാ​ജ​രാ​ക്കു​ക​യും ന​ട​പ​ടി​ക​ൾ സ്വീ​ക​രി​ക്കു​ക​യും ചെ​യ്യു​ന്നു​ണ്ട്. ഈ ​വ​ർ​ഷം ആ​ദ്യ പ​കു​തി​യി​ൽ മാ​ത്രം 35,280 പ​രി​ശോ​ധ​ന​ക​ൾ മ​ന്ത്രാ​ല​യ​ത്തി​ന് കീ​ഴി​ൽ ന​ട​ത്തു​ക​യും 13,724 നി​യ​മ​ലം​ഘ​ന​ങ്ങ​ൾ ക​ണ്ടെ​ത്തു​ക​യും ന​ട​പ​ടി സ്വീ​ക​രി​ക്കു​ക​യും ചെ​യ്തു.

പു​തി​യ തൊ​ഴി​ൽ നി​യ​മ​ങ്ങ​ൾ സം​ബ​ന്ധി​ച്ച് തൊ​ഴി​ലു​ട​മ​ക​ൾ​ക്കും തൊ​ഴി​ലാ​ളി​ക​ൾ​ക്കു​മി​ട​യി​ൽ ബോ​ധ​വ​ത്​​ക​ര​ണം ന​ട​ത്തു​ന്ന​തി​നാ​യി 4840 സ​ന്ദ​ർ​ശ​ന​ങ്ങ​ളും ന​ട​ത്തി. തൊ​ഴി​ൽ നി​യ​മ പ​രി​ഷ്ക​ര​ണ​ത്തി​ൽ ഖ​ത്ത​റി​ന് ഒ​ളി​ച്ചു​വെ​ക്കാ​നി​ല്ലെ​ന്നും കു​ടി​യേ​റ്റ തൊ​ഴി​ലാ​ളി​ക​ളു​ടെ ജീ​വി​ത സാ​ഹ​ച​ര്യം മെ​ച്ച​പ്പെ​ടു​ത്തു​ന്ന​തി​ന് അ​ന്താ​രാ​ഷ്​​ട്ര പ​ങ്കാ​ളി​ക​ളു​മാ​യി സ​ഹ​ക​രി​ച്ച് പ്ര​വ​ർ​ത്തി​ക്കു​ന്ന​തി​ൽ ഖ​ത്ത​ർ പ്ര​തി​ജ്ഞാ​ബ​ദ്ധ​മാ​ണ്.

കു​റ​ഞ്ഞ സ​മ​യ​ത്തി​നു​ള്ളി​ൽ നി​യ​മ​പ​രി​ഷ്ക​ര​ണം ന​ട​പ്പി​ലാ​ക്കു​ന്ന​തി​ൽ ഖ​ത്ത​ർ മാ​തൃ​ക​യാ​ണെ​ന്നും മേ​ഖ​ല​യി​ൽ ഖ​ത്ത​റിെൻറ മാ​തൃ​ക പി​ൻ​പ​റ്റാ​ൻ മ​റ്റു രാ​ജ്യ​ങ്ങ​ൾ നി​ർ​ബ​ന്ധി​ത​മാ​യി​രി​ക്കു​ക​യാ​ണെ​ന്നും തൊ​ഴി​ൽ മ​ന്ത്രാ​ല​യം ചൂ​ണ്ടി​ക്കാ​ട്ടി.

ആം​ന​സ്​​റ്റി ഇ​ൻ​റ​ർ​നാ​ഷ​ന​ലിെൻറ റി​പ്പോ​ർ​ട്ടി​നെ പൂ​ർ​ണ​മാ​യും ത​ള്ളി​ക്ക​ള​യു​ക​യാ​ണെ​ന്നും തൊ​ഴി​ൽ മേ​ഖ​ല​യി​ലെ പ​രി​ഷ്ക​ര​ണ ന​ട​പ​ടി​ക​ളു​മാ​യി മു​ന്നോ​ട്ടു പോ​കു​മെ​ന്നും മ​ന്ത്രാ​ല​യം അ​റി​യി​ച്ചു.