24 കാരറ്റിന്‍റെ 24 സ്വർണപ്പന്തുകൾ; 'സമ്മർ ഓഫ് ജോയ്' പ്രമോഷനുമായി ജോയ് ആലുക്കാസ്

ദോഹ: 24 കാരറ്റിന്‍റെ 24 സ്വർണപ്പന്തുകൾ സമ്മാനമായി നൽകുന്ന 'സമ്മർ ഓഫ് ജോയ്' പ്രമോഷനുമായി പ്രമുഖ ജ്വല്ലറി ഗ്രൂപ്പായ ജോയ് ആലുക്കാസ് രംഗത്ത്. ജോയ് ആലുക്കാസ് ഷോറൂമുകളിൽ നിന്ന് 500 റിയാലിന് ആഭരണങ്ങൾ വാങ്ങുന്ന ഉപഭോക്താക്കൾക്കിടയിൽ നടത്തുന്ന റാഫിൾ കൂപ്പൺ നറുക്കെടുപ്പിലൂടെയാണ് ജേതാക്കളെ തിരഞ്ഞെടുക്കുകയെന്ന് മാനേജിങ് ഡയറക്ടർ (ഇന്‍റർനാഷനൽ ഓപറേഷൻസ്) ജോൺ പോൾ ആലുക്കാസ് പറഞ്ഞു. സെപ്റ്റംബർ 11 വരെയാണ് ഈ ഓഫറുള്ളത്. സമ്മർ ഓഫ് ജോയ് പ്രമോഷന്‍റെ ഭാഗമായി ജോയ് ആലുക്കാസിന്‍റെ ഖത്തറിലെ ഷോറൂമുകളിൽ വൈവിധ്യമാർന്ന ഡിസൈനുകളുടെ ശേഖരമാണ് ഒരുക്കിയതെന്ന് അദ്ദേഹം പറഞ്ഞു.

'വേനലവധിക്ക് നാട്ടിലേക്ക് പോകുന്നതിനാൽ പ്രിയപ്പെട്ടവർക്കും തങ്ങൾക്കുമായി പ്രവാസി മലയാളികൾ ഏറ്റവും കൂടുതൽ ആഭരണങ്ങൾ വാങ്ങുന്ന സമയമാണിത്.

ഇപ്പോൾ സ്വർണത്തിന് ആകർഷകമായ വിലയാണുള്ളത്. ഭാവിയിൽ മികച്ച തിരിച്ചുവരവ് കിട്ടുന്ന നല്ലൊരു നിക്ഷേപമാക്കി സ്വർണത്തെ മാറ്റാൻ കഴിയുന്ന സമയം കൂടിയാണിത്' -ജോൺ പോൾ ആലുക്കാസ് പറഞ്ഞു.