കുറ്റകൃത്യങ്ങൾ തടയൽ: അന്താരാഷ്​ട്ര സംഘടനകളുടെ സഹകരണം പ്രധാനം

ദോഹ: കുറ്റകൃത്യങ്ങൾ തടയുന്നതിനും നീതിന്യായ വ്യവസ്​ഥയുടെ ഇടപെടലിനും അന്താരാഷ്​ട്രസംഘടനകളുടെ പങ്കാളിത്തവു ം സഹകരണവും ഏറെ പ്രധാനമാണെന്ന്​ ഖത്തർ. ​െഎക്യരാഷ്​ട്രസഭയുടെ ഇതുസംബന്ധിച്ച ഉന്നതല യോഗത്തി​​െൻറ ഉദ്​ഘാടന ചടങ് ങി​ൽ മുഖ്യപ്രഭാഷണം നടത്തിയ ഖത്തറി​​െൻറ സ്​ഥിരം പ്രതിനിധി അംബാസഡർ ശൈഖ ഉൽയാ ബിൻത്​ അഹ്​മദ്​ ആൽഥാനിയാണ്​ ഇക്കാര്യം പറഞ്ഞത്​. 2020 ഏപ്രിലിൽ നടക്കാനിരിക്കുന്ന ‘കുറ്റകൃത്യം തടയലും നീതിന്യായ വ്യവസ്​ഥയും’ എന്ന ​െഎക്യരാഷ്​ട്ര സഭയുടെ പ്രത്യേക കോൺഗ്രസിന്​ ഇൗ സമ്മേളനം മുതൽകൂട്ടാകുമെന്നും അവർ പറഞ്ഞു. ​െഎക്യരാഷ്​ട്രസഭയും സഭയുമായി ബന്ധമുള്ള കുറ്റകൃത്യങ്ങൾ തടയാനുള്ള റീജിയനൽ^സബ്​റീജിയനൽ സംഘടനകളുടെയും സംയുക്​ത കമ്മിറ്റിയുടെ പ്രസിഡൻറാണ്​ ശൈഖ ഉൽയാ. കുറ്റകൃത്യങ്ങൾ തടയാനുള്ള ഉന്നതല സമ്മേളനമാണ്​ കഴിഞ്ഞ ദിവസം ന്യൂയോർക്കിൽ നടന്നത്​.

ഇൗ മേഖലയിൽ വിവിധ രാജ്യങ്ങളിലെ സംഘടനകൾ പരസ്​പരം സഹകരിക്കുന്നത്​ ഏറെ പ്രധാനമാണ്​. അന്താരാരാഷ്​ട്ര സമൂഹം അനുഭവിക്കുന്ന ഏറ്റവും വലിയ വെല്ലുവിളികളിൽ ഒന്നാണ്​ വിവിധ മേഖലകളിലെ കുറ്റകൃത്യങ്ങളും കുറ്റകൃത്യവുമായി ബന്ധപ്പെട്ട നീതിന്യായ പ്രശ്​നങ്ങളും. വിവിധ തരത്തിലുള്ള സഹകരണം ചർച്ചയാകുന്ന സമ്മേളനത്തിലെ സംഘടനാപ്രതിനിധികളുടെ വർധിച്ച പങ്കാളിത്തം ഏറെ ആശ്വാസകരവും പ്രതീക്ഷാനിർഭരവുമാണെന്നും അവർ പറഞ്ഞു. ഏതൊരു രാജ്യത്തി​​െൻറയും മേഖലയുടെയും സ്​ഥായിയായ വളർച്ചയുടെ അടിസ്​ഥാനം അവിടുത്തെ തുല്യമായ നീതിന്യായ വ്യവസ്​ഥയെയും നീതിന്യായ സംവിധാനങ്ങളെയും അടിസ്​ഥാന​െപ്പടുത്തിയാണ്​. എല്ലാവർക്കും തുല്യമായ നീതിയും വ്യവസ്​ഥയും ഉണ്ടായാലേ ശരിയായ വികസനംഅവിടങ്ങളിൽ ഉണ്ടാകൂ. സ്​ഥായിയായ വികസനം ലക്ഷ്യമാക്കിയുള്ള ​െഎക്യരാഷ്​​്ട്ര സഭയുടെ ‘2030 അജണ്ട’യുടെ ലക്ഷ്യങ്ങൾ നേടി​യെടുക്കാനായി എല്ലാ തരത്തിലുമുള്ള സംഘടനകളും സ്​ഥാപനങ്ങളും അവരവരുടേതായ സംഭാവനകൾ നൽകേണ്ടതുണ്ട്​. ഇതിനായി ഉടൻ തന്നെ ഉന്നതതല രാഷ്​​ട്രീയ ഫോറം ചേരുമെന്നും അവർ പറഞ്ഞു. കുറ്റകൃത്യങ്ങൾ തടയുന്നതിനുള്ള സാമൂഹിക-സാമ്പത്തിക മേഖലകൾ ചർച്ച ചെയ്യാനും ഭാവി പരിപാടികൾ ആസൂത്രണം ചെയ്യാനുമാണ്​ അടുത്ത സെപ്​റ്റംബറിൽ ഫോറം ചേരാൻ പദ്ധതിയിടുന്നത്​.

ഇൗ വിഷയത്തിൽ നടന്ന ദോഹ പ്രഖ്യാപനത്തി​​െൻറ തുടർച്ചക്കായുള്ള കമ്മിറ്റിയുടെ ചെയർമാനും ഖത്തർ ആഭ്യന്തരമന്ത്രിയുടെ ഉപദേശകനും ആയ മേജർ ജനറൽ ഡോ. അബ്​ദുല്ല അൽ മാലും സമ്മേളനത്തിൽ സംസാരിച്ചു. ജി.സി.സി രാജ്യങ്ങൾക്ക്​ ചെയ്യാൻ ഏ​െറ കാര്യങ്ങൾ ഉണ്ടെന്ന്​ അദ്ദേഹം പറഞ്ഞു. സംയുക്​ത വെല്ലുകൾ ഒരുമിച്ച്​ നേരിടാൻ മേഖലയിലെ സംഘടനകളും സംവിധാനങ്ങളും ഒന്നിക്കണം. കുറ്റകൃത്യങ്ങൾ തടയാൻ ഇതിലൂടെ കഴിയും. എന്നാൽ പുതിയ പ്രശ്​നങ്ങൾ സൃഷ്​ടിക്ക​െപ്പടുന്നത്​ വിപരീത ഫലം ചെയ്യും. ഇതിനാൽ ഇത്തരം കാര്യങ്ങളിൽ നിന്ന്​ എല്ലാവരും വിട്ടുനിൽക്കണം. കുറ്റകൃത്യങ്ങൾ തടയാനുള്ള അന്താരാഷ്​ട്ര തലത്തിലുള്ള ഏത്​ ശ്രമങ്ങൾക്കും ഖത്തറി​​െൻറ പരിപൂർണമായ പിന്തുണയുണ്ടാകുമെന്നും അദ്ദേഹം പറഞ്ഞു.