ഖത്തറിൽ കോവിഡ്​ ബാധിച്ച്​ ചികിത്സയിലായിരുന്ന കണ്ണൂർ സ്വദേശി മരിച്ചു

ദോഹ: ഖത്തറിൽ കോവിഡ്​ രോഗം സ്​ഥിരീകരിച്ച്​ ചികിത്സയിലായിരുന്ന കണ്ണൂർ കണ്ണാടിപ്പറമ്പ് കാരായാപ്പു ചാങ്കിളിൻറവിട പി.കെ. സിദ്ദീഖ് (48) മരിച്ചു. 16 വർഷമായി ഖത്തറിൽ ലിമോസിൻ ഡ്രൈവറാണ്​. പനിയെ തുടർന്ന് പരിശോധന നടത്തുകയും പിന്നീട്​ രോഗം സ്​ഥിരീകരിക്ക​െപ്പടുകയുമായിരുന്നു. സനയ്യ ആശുപത്രിയിൽ ചികിത്സയിലായിരുന്നുവെന്നും ഖത്തറിലുള്ള സഹോദരൻ പറഞ്ഞു. 

പിതാവ്​: മുഹമ്മദ്​. മാതാവ്​: സൈനബ. ഭാര്യ: സമീറ (കാട്ടാമ്പള്ളി). മക്കൾ: സിദ്റത്തുൽ മുൻതഹ (13),  സിയാദ് (എട്ട്​), സിനാൻ (ഒന്ന്​). സഹോദരങ്ങൾ: അഷ്​റഫ് (ഷാർജ), ശാഫി, ശിഹാബ് (ഇരുവരും ഖത്തർ). സുബൈദ, സുറയ്യ, സുൽഫി. മരുമക്കൾ: അബ്​ദുൽ കരീം, ​െസയ്ദ്, നജ്മുദ്ദീൻ.

ഖത്തറിൽ മൂന്നുപേർ കൂടി തിങ്കളാഴ്​ച കോവിഡ്​ ബാധിച്ച്​ മരിച്ചു. ഇതോടെ ആകെ മരണം 57 ആയി. 50, 52, 65 വയസ്സ്​​ പ്രായമുള്ളവരാണ്​ തിങ്കളാഴ്​ച മരിച്ചതെന്ന്​ പൊതുജനാരോഗ്യമന്ത്രാലയം അറിയിച്ചു. തിങ്കളാഴ്​ച 1597 പേർ കൂടി ​രോഗമുക്​തി നേടി​. 1368 പേർക്കുകൂടി പുതുതായി രോഗം സ്​ഥിരീകരിക്ക​െപ്പടുകയും ചെയ്​തു.