ഹൃദയാഘാതം; കണ്ണൂർ സ്വദേശി ഖത്തറിൽ നിര്യാതനായി

ദോഹ: ഹൃദയാഘാതത്തെ തുടർന്ന്​ കണ്ണൂർ സ്വദേശിയായ യുവാവ്​ ഖത്തറിൽ നിര്യാതനായി. കണ്ണൂര്‍ കിഴുന്നപ്പാറ സ്വദേശി മൂസക്കാട ജാസിം അഹമ്മദ്​ (37) ആണ് മരിച്ചത്. ഖത്തറിലെ ബൂം ജനറൽ കോൺട്രാക്ടേഴ്‌സിൽ ജീവനക്കാരനായിരുന്നു. രാവിലെ ​േ​ജാലിക്ക്​ എത്താതിരുന്നതിനെ തുടർന്ന്​ നടത്തിയ അന്വേഷണത്തിൽ അബൂഹമൂറിലെ മുറിയിൽ മരിച്ചനിലയിൽ കാണപ്പെടുകയായിരുന്നു. ഉറക്കത്തിനിടയിലുണ്ടായ ഹൃദയാഘാതമാണ്​ മരണ കാരണം.

ഏഴര കൂട്ടായ്മ സജീവ പ്രവർത്തകനും എക്സിക്യുട്ടീവ് മെമ്പറുമായിരുന്നു ജാസിം. ഭാര്യ: ഷാന. എട്ടും ആറും വയസ്സുള്ള ലൈസൽ, ഫൈസി എന്നിവരാണ്​ മക്കൾ. പിതാവ്: അഹമ്മദ് കുഞ്ഞി, മാതാവ്: സഈദ. ജസീല, ജാസർ (ഖത്തർ), ജംഷിദ്​ എന്നിവരാണ്​ സഹോദരങ്ങൾ. നടപടിക്രമങ്ങള്‍ പൂര്‍ത്തിയാക്കിയ ശേഷം മൃതദേഹം ഞായറാഴ്​ച രാത്രിയോടെ നാട്ടിലേക്ക്​ കൊണ്ടുപോയി.