നാളെ  രാത്രി മുതൽ  ചൊവ്വാഴ്​ച്ച വരെ  ശക്​തമായ കാറ്റിന് സാധ്യത

ദോഹ: ഞായറാഴ്ച രാത്രി മുതൽ ചൊവ്വാഴ്​ച്ച വരെ ശകതമായ കാറ്റിന് സാധ്യത.കാലാവസ്​ഥാ നിരീക്ഷണ വിഭാഗം അറിയിച്ചതാണ്​ ഇക്കാര്യം. 
കാറ്റ്​ വീശുമെന്നതിനാൽ കടൽത്തീരങ്ങളിൽ പോകുന്നവർ ജാഗ്രത പാലിക്കണമെന്നും അറിയിപ്പിൽ പറയുന്നു. ആറ് മുതൽ എട്ട് അടി വരെ തിരമാലയുയരാൻ സാദ്ധ്യതയുണ്ട്​. 15– 25 നോട്ട് വേഗതയിൽ വടക്കു പടിഞ്ഞാറൻ ദിശയിൽ ശക്​തമായ കാറ്റാണ് ഉണ്ടാകുക. 

എന്നാൽ ചില സമയങ്ങളിൽ ഇത്​ 30 നോട്ട് വരെയാകും എന്നും കാലാവസ്​ഥാ നിരീക്ഷണ വിഭാഗം പ്രവചിക്കുന്നു. കാറ്റ് കാരണം പൊടിയുയരുകയും കുറഞ്ഞ കാഴ്ച പരിധിയുണ്ടാകുകയും ചെയ്യും.ഇൗ ദിവസങ്ങളിൽ അന്തരീക്ഷ താപനില 40 ഡിഗ്രികളിലായിരിക്കും. 
പൊടി ഉയരുമെന്നതിനാൽ കുറഞ്ഞ കാഴ്ച പരിധിയുണ്ടാകാനുള്ള സാദ്ധ്യതയുണ്ട്​.