റാങ്ക്​ തിളക്കത്തിൽ അംറീൻ

ദോഹ: മതാർഖദീമിലെ ഫ്ലാറ്റിലെ മൂന്നാം നിലയിലുള്ള വീട്ടിൽ സന്തോഷപ്പെരുന്നാളായിരുന്നു വ്യാഴാഴ്​ച.

തിരുവനന്തപുരത്ത്​​ ഉന്നതവിദ്യാഭ്യാസ മന്ത്രി ഡോ.ആർ. ബിന്ദു കേരള എൻജിനീയറിങ്​ പ്രവേശന പരീ​ക്ഷ ഫലം പ്രഖ്യാപിച്ചപ്പോൾ ആർകിടെക്​ചറിൽ കോഴിക്കോട്​ കല്ലായി പന്നിയങ്കര സ്വദേശി അംറീനായിരുന്നു രണ്ടാം റാങ്ക്​. മികച്ച റാങ്കിൽ ബി.ആർക്​ പ്രവേശനം പ്രതീക്ഷിച്ചിരുന്നെങ്കിലും റാങ്കിൽ രണ്ടാം നമ്പറിലെത്തിയപ്പോൾ ഇരട്ടി മധുരമായി.

ശേഷം, ദോഹയിലെ വീട്ടിൽ ഫോണിന്​ വിശ്രമമില്ലാത്ത മണിക്കൂറുകൾ. വീട്ടുകാരും ബന്ധുക്കളും സുഹൃത്തുക്കളുമായി അഭിനന്ദനവും സന്തോഷവും പങ്കുവെച്ചുള്ള വിളികൾ.

സി.ഡി.സി ഖത്തറിൽ ഇലക്​ട്രോണിക്​സ്​ എൻജിനീയറായ പിതാവ്​ സികന്ദർ മാമു ജോലിത്തിരക്കിനിടയിൽ മകളുടെ ഉന്നത വിജയ വാർത്തയുടെ സന്തോഷം പങ്കിടാൻ ഓടിയെത്തി. അഭിനന്ദന ഫോൺവിളികൾക്ക്​ നന്ദി പറയുന്ന തിരക്കിലായിരുന്നു മാതാവ്​അനീസ.

ദോഹ എം.ഇ.എസ്​ ഇന്ത്യൻ സ്​കൂളിൽനിന്ന്​ പത്താം തരവും പ്ലസ്​ ടുവും 96 ശതമാനത്തിന്​ മുകളിൽ മാർക്കോടെയാണ്​ അംറീൻ പാസായത്​. പ്ലസ്​ ടു പഠനം കഴിഞ്ഞ്​, മാസങ്ങൾക്കുള്ളിൽതന്നെ ബി.ആർകിൽ മിന്നും വിജയത്തോടെ എൻജിനീയറിങ്​ പ്രവേശനം ഉറപ്പിക്കു​േമ്പാൾ രണ്ടാം റാങ്കി​െൻറ നേട്ടത്തിന്​ ഇരട്ടിത്തിളക്കമുണ്ട്​. സാധാരണ വിദ്യാർഥികൾ കോച്ചിങ്​ ക്ലാസുകളും കടുത്ത പരിശീലനവുമായാണ്​ പ്രവേശനപരീക്ഷ​െയന്ന കടമ്പകടക്കുന്നതെങ്കിൽ അംറീൻ ആദ്യ ശ്രമത്തിൽതന്നെ രണ്ടാം റാങ്ക്​ നേടി. അതാവ​ട്ടെ, കാര്യമായ പരിശീലനമൊന്നുമില്ലാതെ. പ്ലസ്​ ടു പഠനത്തിനിടയിൽ ബ്രില്യൻസി​െൻറ ഓൺലൈൻ എൻട്രസ്​ പരിശീലനവും മറ്റൊരു സ്ഥാപനത്തിൽ ഒരു മാസത്തെ ക്രാഷ്​കോഴ്​സുമായിരുന്നു തയാറെടുപ്പ്​. ബാക്കിയെല്ലാം സ്വന്തം നിലയിലെ ഒരുക്കം. ജൂ​ൈലയിൽ കുടുംബത്തിനൊപ്പം നാട്ടിലെത്തിയായിരുന്നു പരീക്ഷയെഴുതിയത്​. അവധി കഴിഞ്ഞ്​ ഒരാഴ്​ച മുമ്പ്​ ഖത്തറിൽ മടങ്ങിയെത്തിയതിനു പിന്നാലെ റാങ്ക്​ വാർത്തയും തേടിയെത്തി.

സഹോദരങ്ങളായ അബാൻ, അബിയ, അമൻ എന്നിവരും എം.ഇ.എസ്​ ഇന്ത്യൻ സ്​കൂളിൽ 10, എട്ട്​, ആറ്​ ക്ലാസിലെ വിദ്യാർഥികളാണ്​. കോഴിക്കോട്​ കല്ലായി പള്ളികണ്ടിയിലാണ്​ ഇവരുടെ വീട്​. 2010 മുതൽ കുടുംബ സമേതം ദോഹയിലുണ്ട്​.

വീടി​െൻറ ചുമർ നിറയെ വർണക്കാഴ്​ച വിളമ്പുന്ന പെയിൻറുങ്ങുകൾകൊണ്ട്​ അലങ്കരിച്ച അംറീൻ നല്ലൊരു ചിത്രകാരിയുമാണ്​. അതുതന്നെയാണ്​ ആർകിടെക്​ചറിലേക്കുള്ള വഴികാട്ടിയായതെന്നും അംറീൻ പറയുന്നു.

വീട്ടുകാരുടെയും അധ്യാപകരുടെയും പിന്തുണക്കും കൊച്ചുമിടുക്കി നന്ദി പറയുന്നു. 'മകളെ ട്യൂഷനൊന്നും ഇതുവരെ അയച്ചിട്ടില്ല. അവൾ സ്വന്തം നിലയിൽതന്നെയാണ്​ പഠിക്കുന്നത്​. അവൾ അധ്വാനിച്ചു നേടിയ വിജയമാണ്​. വലിയ വിജയമൊന്നും പ്രതീക്ഷിച്ചതല്ല. ഇപ്പോൾ ഈ നേട്ടം സന്തോഷം നൽകുന്നു. ദൈവത്തിന്​ സ്​തുതി. ' -മാതാവ്​ അനീസ സന്തോഷം പങ്കുവെക്കുന്നു.