ഖിഫ് ഫുട്ബാൾ: തൃശൂർ ഫൈനലിൽ

ദോഹ: ആവേശപ്പോരാട്ടത്തിൽ കെ.എം.സി.സി പാലക്കാടിനെ വീഴ്ത്തി തൃശൂർ ജില്ലാ സൗഹൃദ വേദി ‘ഖിഫ്’ അന്തർജില്ലാ ഫുട്ബാളിന്റെ ഫൈനലിൽ. ദോഹ സ്റ്റേഡിയത്തിൽ നടന്ന മത്സരത്തിൽ മറുപടിയില്ലാത്ത രണ്ട് ഗോളിനായിരുന്നു തൃശൂർ എതിരാളികളെ വീഴ്ത്തിയത്.

കളിയു​ടെ ആദ്യ പകുതിയിൽ ആന്റണിയുടെ ഇരട്ട ഗോൾ മികവിലായിരുന്നു ജയം. രണ്ടാം പകുതിയിൽ പാലക്കാട് ഉശിരൻ പോരാട്ട വീര്യം പ്രകടിപ്പിച്ചെങ്കിലും എതിർ ഗോൾ വല കുലുക്കാൻ കഴിഞ്ഞില്ല. 55 മിനുറ്റിൽ പാലക്കടിന്റെ സമീർ രണ്ടാം മഞ്ഞകാർഡുമായി പുറത്താ​യത് വിനയായി. വെള്ളിയാഴ്ച മലപ്പുറവും കോഴിക്കോടും തമ്മിൽ നടക്കുന്ന രണ്ടാം സെമിയിലെ വിജയികളാവും ഫൈനലിൽ തൃശൂരിന്റെ എതിരാളി. ഡിസംബർ 15നാണ് ഫൈനൽ.