കുവൈത്ത് – തിരുവനന്തപുരം എയർ ഇന്ത്യ എക്​സ്​പ്രസ്​ വിമാനം റദ്ദാക്കി

കുവൈത്ത്​ സിറ്റി: മോശം കാലാവസ്ഥയെ തുടർന്ന്​ ഞായറാഴ്​ചത്തെ കുവൈത്ത്​ തിരുവനന്തപുരം എയർ ഇന്ത്യ എക്​സ്​പ്രസ്​ വിമാനം റദ്ദാക്കി. ഞായറാഴ്​ച രാവിലെ 10.35ന്​ പുറപ്പെടേണ്ട IX-594 വിമാനമാണ്​ റദ്ദാക്കിയത്​. യാത്രക്കാരെ ഹോട്ടലിലേക്ക്​ മാറ്റി. ഗർഭിണികളും കുട്ടികളുമടക്കം നൂറിലേറെ യാത്രക്കാർ ഉണ്ടായിരുന്നു.

ആദ്യം 3.20ലേക്ക്​ ഷെഡ്യൂൾ മാറ്റുകയും വൈകീട്ട്​ നാലിനു​ ശേഷം വിമാനം റദ്ദാക്കിയതായും ഹോട്ടലിലേക്ക്​ മാറാനും അറിയിക്കുകയായിരുന്നു. കാലാവസ്ഥ മെച്ചപ്പെടുകയാണെങ്കിൽ രാവിലെ യാത്ര തിരിക്കുമെന്നാണ്​ വിവരം.