ഇ​ന്ന് ലെ​ജ​ൻ​ഡ്സ് എ​ൽ ക്ലാ​സി​കോ

ദോ​ഹ: കാ​ൽ​പ​ന്തി​ലെ വ​ലി​യ പെ​രു​ന്നാ​ളു​ക​ൾ​ക്ക് സാ​ക്ഷി​യാ​യ ഖ​ത്ത​റി​ന്റെ മ​ണ്ണി​ൽ ഇ​ന്ന് ഇ​തി​ഹാ​സ​ങ്ങ​ളു​ടെ ക​ളി​യ​ഴ​ക് പ്ര​ദ​ർ​ശി​പ്പി​ക്കു​ന്ന ദി​നം. ല​യ​ണ​ൽ​ മെ​സ്സി​യും ക്രി​സ്റ്റ്യോ​നാ റൊ​ണാ​ൾ​ഡോ​യും നെ​യ്മ​റും എം​ബാ​പ്പെ​യും ഉ​ൾ​പ്പെ​ടെ സ​മ​കാ​ലി​ക ഫു​ട്ബാ​ളി​ലെ സൂ​പ്പ​ർ​താ​ര​ങ്ങ​ൾ മാ​റ്റു​ര​ച്ച മ​ണ്ണി​ൽ പ​തി​റ്റാ​ണ്ടു​ക​ൾ​ക്കു​മു​മ്പ് ക​ളി​മൈ​താ​ന​ങ്ങ​ളെ ത്ര​സി​പ്പി​ച്ച സൂ​പ്പ​ർ താ​ര​ങ്ങ​ളാ​ണ് ബൂ​ട്ടു​കെ​ട്ടു​ന്ന​ത്.

വി​സി​റ്റ് ഖ​ത്ത​ർ നേ​തൃ​ത്വ​ത്തി​ൽ ഖ​ലീ​ഫ അ​ന്താ​രാ​ഷ്ട്ര സ്റ്റേ​ഡി​യ​ത്തി​ൽ രാ​ത്രി ഏ​ഴ് മു​ത​ലാ​ണ് ലെ​ജ​ൻ​ഡ്സ് എ​ൽ ക്ലാ​സി​കോ​യി​ൽ വ​മ്പ​ൻ താ​ര​ങ്ങ​ൾ ബൂ​ട്ടു​കെ​ട്ടു​ന്ന​ത്. ക​രി​യി​ല പൊ​ഴി​യും അ​ഴ​കോ​ടെ പ​ന്തി​നെ വ​ല​യി​ലേ​ക്ക് പ​റ​ത്തി​യ ബാ​ഴ്സ​ലോ​ണ​യു​ടെ ബ്ര​സീ​ലി​യ​ൻ ഇ​തി​ഹാ​സം റൊ​ണാ​ൾ​ഡീ​ന്യോ മു​ത​ൽ മ​ര​ണ വ​ക്കി​ൽ നി​ന്നും തി​രി​കെ​യെ​ത്തി മൈ​താ​ന​ത്ത് അ​ത്ഭു​ത​ങ്ങ​ൾ കു​റി​ച്ച ബാ​ഴ്സ​യു​ടെ ഫ്ര​ഞ്ച് താ​രം എ​റി​ക് അ​ബി​ദാ​ൽ വ​രെ ഇ​തി​ഹാ​സ​ങ്ങ​ൾ പ​ന്തു​മാ​യി ക​ള​ത്തി​ലി​റ​ങ്ങും. ക​ഴി​ഞ്ഞ ര​ണ്ടു പ​തി​റ്റാ​ണ്ടി​നി​ട​യി​ൽ ബാ​ഴ്സ​ക്കും റ​യ​ലി​നു​മാ​യി ക​ളി​ച്ച ശേ​ഷം പ്ര​ഫ​ഷ​ന​ൽ ഫു​ട്ബാ​ളി​നോ​ട് വി​ട​പ​റ​ഞ്ഞ താ​ര​ങ്ങ​ളാ​ണ് ലെ​ജ​ൻ​ഡ്സ് എ​ൽ ക്ലാ​സി​കോ​യി​ൽ ബൂ​ട്ടു​കെ​ട്ടു​ന്ന​ത്.

ഇ​രു ടീ​മു​ക​ളി​ലു​മാ​യി ക​ളി​ക്കു​ന്ന താ​ര​ങ്ങ​ളു​ടെ പേ​രു വി​വ​ര​ങ്ങ​ൾ ക​ഴി​ഞ്ഞ ദി​വ​സ​ങ്ങ​ളി​ൽ ത​ന്നെ സ​മൂ​ഹ മാ​ധ്യ​മ​ങ്ങ​ളി​ലൂ​ടെ സം​ഘാ​ട​ക​ർ വെ​ളി​പ്പെ​ടു​ത്തി​യി​രു​ന്നു. റ​യ​ൽ മ​ഡ്രി​ഡി​ന്റെ ഇ​തി​ഹാ​സ​ങ്ങ​ളാ​യ​ ഗോ​ൾ കീ​പ്പ​ർ ഐ​ക​ർ ക​സി​യ​സ്, ലൂ​യി ഫി​ഗോ, ക്ലാ​ര​ന​സ് സീ​ഡോ​ഫ്, ബാ​ഴ്സ​ലോ​ണ നി​ര​യി​ൽ റൊ​ണാ​ൾ​ഡീ​ന്യോ, ഡേ​വി​ഡ് വി​യ്യ, പാ​ട്രി​ക് ക്ലു​വ​ർ​ട്, റി​വാ​ൾ​ഡോ എ​ന്നി​വ​ർ ബൂ​ട്ടു​കെ​ട്ടും. രാ​ത്രി ഏ​ഴി​ന് ആ​രം​ഭി​ക്കു​ന്ന മ​ത്സ​ര​ത്തി​ന് ടി​ക്ക​റ്റു​ള്ള ആ​രാ​ധ​ക​ർ​ക്ക് ദോ​ഹ മെ​ട്രോ ഉ​പ​യോ​ഗി​ച്ച് ഖ​ലീ​ഫ അ​ന്താ​രാ​ഷ്ട്ര സ്​​റ്റേ​ഡി​യ​ത്തി​ൽ എ​ത്താ​വു​ന്ന​താ​ണ്.

ചു​വ​ടു​വെ​ക്കാ​ൻ ഗെ​റ്റോ കി​ഡ്സും

ദോ​ഹ: ലോ​ക​ക​പ്പ് ഫു​ട്ബാ​ൾ മു​ത​ൽ ഖ​ത്ത​റി​ലെ വേ​ദി​ക​ളി​ൽ പ​രി​ചി​ത​മാ​യ ഉ​ഗാ​ണ്ട​യി​ൽ നി​ന്നു​ള്ള കു​ട്ടി​ക​ളു​ടെ നൃ​ത്ത​സം​ഘം ‘ഗെ​റ്റോ കി​ഡ്സ്’ ലെ​ജ​ൻ​ഡ്സ് എ​ൽ ക്ലാ​സി​കോ വേ​ദി​യി​ലു​മെ​ത്തു​ന്നു. വി​സി​റ്റ് ഖ​ത്ത​റി​ന്റെ ക്ഷ​ണം സ്വീ​ക​രി​ച്ച് ക​ഴി​ഞ്ഞ ദി​വ​സം ത​ന്നെ ദോ​ഹ​യി​ലെ​ത്തി​യ സം​ഘ​ത്തി​ന്റെ പ്ര​ക​ട​ന​ങ്ങ​ൾ സ​മൂ​ഹ മാ​ധ്യ​മ​ങ്ങ​ളി​ലും നി​റ​ഞ്ഞു.

നേ​ര​ത്തെ ലോ​ക​ക​പ്പ് ഫു​ട്ബാ​ളി​ന്റെ പ്ര​ചാ​ര​ണ പ​രി​പാ​ടി​ക​ളി​ലും ലോ​ക​ക​പ്പ് വേ​ള​യി​ലു​മെ​ല്ലാം ഗെ​റ്റോ കി​ഡ്സ് ഖ​ത്ത​റി​ലെ പ്ര​ത്യേ​ക അ​തി​ഥി​ക​ളാ​യെ​ത്തി​യി​രു​ന്നു. നി​ര​വ​ധി ആ​ൽ​ബ​ങ്ങ​ളി​ലൂ​ടെ​യും സ​മൂ​ഹ മാ​ധ്യ​മ റീ​ലു​ക​ളി​ലെ പ്ര​ക​ട​ന​ങ്ങ​ളി​ലൂ​ടെ​യും ശ്ര​ദ്ധേ​യ​രാ​യ കു​ട്ടി​പ്പ​ട, ലോ​ക​ക​പ്പി​ന്റെ ‘ഹ​യ്യാ.. ഹ​യ്യാ..’ ഗാ​ന​ത്തി​ന് ചു​വ​ടു​വെ​ച്ചാ​ണ് വീ​ണ്ടും ആ​ഗോ​ള ശ്ര​ദ്ധ നേ​ടി​യ​ത്.