കാരുണ്യമേ നിന്‍റെ പേരാണ്​ ലിന്‍റോ

ദോഹ: 'പുതിയതായി ഇവിടെ വന്ന് ജോലി അന്വേഷിക്കുന്നവർ ഉണ്ടെന്ന് അറിയാം. സാമ്പത്തികം കുറഞ്ഞതുകൊണ്ട് ബയോഡേറ്റ കൊടുക്കാനും ഇൻറർവ്യൂവിൽ പങ്കെടുക്കാനും ടാക്സി വിളിക്കാതെ കർവ ബസിലും നടന്നും കഷ്​ടപ്പെടുന്നവർ എന്നെ വിളിക്കുക. ഞാൻ നിങ്ങളെ എവിടെയാണ് പോകേണ്ടത് അവിടെ എത്തിച്ചുതരാം. ദയവുചെയ്ത്​ ഒത്തിരി ബുദ്ധിമുട്ടുള്ളവർ മാത്രം വിളിക്കുക. 13 വർഷം മുമ്പ് കർവ ബസിൽ ഒമ്പതു റിയാൽ ടിക്കറ്റെടുത്ത് വിയർത്തുകുളിച്ച് ജോലി തേടിപ്പോയ ഒരു കാലം എനിക്കുമുണ്ടായിരുന്നു.' -ലി​േൻറാ ​േതാമസ്​ എന്ന അങ്കമാലിക്കാരൻ ഖത്തർ മലയാളീസ്​ ഫേസ്​ ബുക്ക്​ പേജിൽ പങ്കുവെച്ച കുറിപ്പായിരുന്നു ഇത്​. ഒപ്പം ത​െൻറ ഖത്തറിലെ നമ്പറും (70190426) നൽകി.

മണിക്കൂറുകളേ വേണ്ടിവന്നുള്ളൂ ലി​േൻറായുടെ പോസ്​റ്റും മൊബൈൽ നമ്പറും ആവശ്യക്കാരിലെത്താൻ. ശേഷം, ഹെൽപ്​ലൈൻ കേന്ദ്രം പോലെ ആ നമ്പർ ഇടതടവില്ലാതെ മുഴങ്ങാൻ തുടങ്ങി. സഹായം തേടി ഖത്തറി​െൻറ പലഭാഗങ്ങളിൽനിന്നും വിളിയെത്തി. പലയിടത്തും ലി​േൻറായും ത​െൻറ ഹോണ്ട സിറ്റി കാറും ഓടിയെത്തുന്നു. അവരിൽ ആദ്യമായി ഖത്തറിലെത്തി ജോലി തേടുന്നവരുണ്ട്​, സാമ്പത്തിക ബാധ്യതയിൽ കുടുങ്ങി ജീവിതം വഴിമുട്ടിയവരുണ്ട്​, നാട്ടിലേക്ക്​ മടങ്ങാൻ കഴിയാതെ പ്രയാസപ്പെടുന്നവരുണ്ട്​. ആരെയും നിരാശരാക്കാതെ ഈ യുവാവ്​ തന്നാലാവുന്നത്​ ചെയ്യുന്നു. നല്ല വാക്കുകൾ കൊണ്ടും, ചെയ്യാനാവുന്ന സഹായങ്ങൾകൊണ്ട്​ അവരുടെ മനം നിറക്കുന്നു. കൈ നിറയെ കാശോ, അക്കൗണ്ടിലെ വലിയ നിക്ഷേപമോ ഒന്നുമില്ല. പക്ഷേ, ഒരിക്കലും വറ്റാത്ത നല്ല മനസ്സുകൊണ്ടാണ്​ ഈ അങ്കമാലിക്കാരൻ സന്തോഷം പരത്തുകയാണ്​​.

സഹായം തേടുന്നവരേക്കാൾ, സഹായം ചെയ്യാൻ സന്നദ്ധത അറിയിച്ചുള്ളവരായിരുന്നു കഴിഞ്ഞ ഏതാനും ദിവസങ്ങളിലായി ആ എട്ടക്ക നമ്പറിലേക്ക്​ ഡയൽ ചെയ്​തത്​. മലയാളികളുടെ സുമനസ്സ്​ ഉണർന്നതോടെ ലി​േൻറാക്ക്​ ഒരു കൈത്താങ്ങായി ഒരുപിടിപേർ രംഗത്തെത്തി. ആവശ്യക്കാർക്ക്​ ഭക്ഷണം എത്തിക്കാം, ചെറിയ പാർട്ട്​​ടൈം ജോലി തരാം​, വാഹനം വേണമെങ്കിൽ അങ്ങനെയാവാം, ഒന്നും ചോദിക്കാൻ മടിക്കേണ്ട. കട്ടക്ക്​ കൂടെയുണ്ട്​.... നിരവധി പേർ വാഗ്​ദാനവുമായി എത്തിയെന്ന്​ ലി​േൻറാ പറയുന്നു.

ത​െൻറ ജീവിതാനുഭവമാണ്​ ഇങ്ങ​നെയൊരു ദൗത്യത്തിന്​ പ്രേരിപ്പിച്ചതെന്ന്​ ഖത്തറിൽ സ്വകാര്യ കമ്പനിയിൽ ഡ്രൈവറായി ജോലിചെയ്യുന്ന ലി​േൻറാ പറഞ്ഞു. '2008ലാണ്​ ഖത്തറിലെത്തുന്നത്​. പ്രാരബ്​ധങ്ങളുടെ നടുവിൽനിന്നായിരുന്നു യാത്ര. ഇവിടെയെത്തിയപ്പോൾ കാത്തിരുന്നത്​ ദുരിതങ്ങളുടെ കാലമായിരുന്നു. ഒന്നര വർഷത്തോളം കഷ്​ടപ്പാടുകൾ നിറഞ്ഞതായി. ജീവിക്കാനായി എന്തു​ ജോലിയും ചെയ്യുമെന്നായിരുന്നു അവസ്​ഥ. ഓട വൃത്തിയാക്കലും, പെട്ടികൾ പെറുക്കിയെടുക്കലുമായാണ്​ ആദ്യ നാളിൽ പിടിച്ചുനിന്നത്​. ഇതിനിടെ ഒരു സൂപ്പർമാർക്കറ്റിൽ ജോലി നേടി. ശേഷം, ഡ്രൈവിങ്​ ലൈസൻസ്​ നേടാനുള്ള ശ്രമങ്ങളായി. അങ്ങനെ ഏറെ കഷ്​ടപ്പാടുകൾക്കൊടുവിൽ പല കൂട്ടുകാരുടെയും സഹായത്തോടെ ലൈസൻസെടുത്തു. ശേഷം, അൽ മർറി, ബലദ്​ന തുടങ്ങി പല കമ്പനികളിൽ മാറി ഇന്നത്തെ ജോലിയിലെത്തി. അനുഭവങ്ങളുടെ തീച്ചൂളയിലൂടെ കഴിഞ്ഞുപോയതിനാൽ ഓരോരുത്തരും നേരിടുന്ന വിഷമങ്ങളുടെ വേദന അറിയാം. തൊഴിൽ തേടിയെത്തുന്നവരുടെ ബുദ്ധിമുട്ടുകളറിയാം.

പണ്ട്​, ബയോഡേറ്റയും പിടിച്ച്​, വിശപ്പടക്കി, കർവ ബസിൽ ജോലിയും ​അന്വേഷിച്ച്​ നടന്ന കാലം ഓർമയിലെത്തും. അങ്ങനെയുള്ളവർക്ക്​ ഒരു സഹായമാവ​ട്ടെ എന്നു കരുതിയാണ്​ ഫേസ്​ബുക്കിൽ ആ കുറിപ്പിട്ടത്​' -ലി​േൻറാ തോമസ്​ 'ഗൾഫ്​ മാധ്യമത്തോട്​' പറഞ്ഞു.മറ്റൊരു പോസ്​റ്റിൽ ലി​േൻറാ ഇങ്ങനെ കുറിച്ചു ''പലരും മടിച്ചുമടിച്ചാണ്​ സഹായം ചോദിക്കുന്നത്​. ദയവുചെയ്​ത്​ ഒരു മടിയും വേണ്ടാ. പറ്റാവുന്നത്​ ചെയ്യാം. ​െമാബൈലിൽ പൈസ കുറവുള്ളവർ മിസ്​കാൾ അടിച്ചാൽ മതി. തിരിച്ചുവിളിക്കാം'.ജോലിത്തിരക്കിനിടയിൽ മറ്റുള്ളതെല്ലാം മറക്കുന്ന പ്രവാസലോകത്ത്​ ലി​േൻറാ തോമസ്​ ഒരു അത്ഭുതകാഴ്​ചയാണ്​. രാത്രിയെന്നോ, പകലെന്നോ വ്യത്യാസമില്ലാതെ ആർക്കും തന്നെ വിളിക്കാമെന്ന്​ ഈ യുവാവ്​ ഉറപ്പു നൽകുന്നു.

'ഇല്ലായ്​മയിലായിരുന്നു ഞങ്ങളുടെ കുട്ടിക്കാലം​. കൂലിപ്പണിയെടുത്ത്​ കിട്ടുന്ന പണത്തിൽനിന്നും കുടുംബം പോറ്റാൻ കഷ്​ടപ്പെടു​േമ്പാഴും മറ്റുള്ളവരെ സഹായിക്കാൻ പണം മാറ്റിവെക്കുന്ന അമ്മയായിരുന്നു എ​​െൻറ മാതൃക. അത്​ ഞാനും പകർത്തുന്നു' -ലി​േൻറാ പറയുന്നു.ഫേസ്​ബുക്ക്​ വഴി ​തൊഴിലവസരങ്ങൾ പങ്കുവെച്ചും, ​മറ്റു സഹായങ്ങൾ എത്തിച്ചുമെല്ലാം ​ലി​േൻറാ ​േനരത്തേ തന്നെ സജീവമാണ്​. അതിനുപുറമെ നാട്ടിൽ മറ്റാരുമറിയാതെ ഒരുപിടി കുടുംബങ്ങൾക്കും ഈ യുവാവ്​ തണലാവുന്നുണ്ട്​. സമൂഹമാധ്യമങ്ങളിൽ ​മലയാളി യുവാവി​െൻറ സേവനം വൈറലായതോടെ ഞായറാഴ്​ച ഖത്തറിലെ ഇന്ത്യൻ എംബസി അധികൃതരും വിളിച്ചു. വിവരങ്ങളെല്ലാം ചോദിച്ചറിഞ്ഞ എംബസി അധികൃതർ അഭിനന്ദിക്കുകയും ചെയ്​തു.അമ്മ എൽസിയും ഭാര്യ റിൻഷയും മകൻ ആരോണും ലി​േൻറാക്ക്​ കരുത്തായുണ്ട്​. സഹോദരൻ ലിൻസൺ തോമസ്​ ഖത്തറിൽ ജോലി ചെയ്യുകയാണ്​. പിതാവ്​ തോമസ്​ 10 വർഷം മുമ്പ്​ മരണപ്പെട്ടു.