പ്രവാസികൾക്കായി മഹാത്മാ ഗാന്ധി കഥ തത്സമയ സംേപ്രഷണം ഇന്ന്

ദോഹ: ഖത്തറിലെ ഇന്ത്യൻ പ്രവാസികൾക്കായി ഇന്ത്യൻ എംബസിയുടെ ആഭിമുഖ്യത്തിൽ ഗാന്ധിയൻ ജീവിതരീതി വിവരിക്കുന്ന മഹാത്മാ ഗാന്ധിയുടെ കഥ തത്സമയ സംേപ്രഷണം ഇന്ന്. രാവിലെ ഒമ്പതിന് ഡൽഹിയിൽനിന്നാണ് ഇന്ത്യൻ പ്രവാസികൾക്കായുള്ള തത്സമയ സംേപ്രഷണം നടക്കുകയെന്ന് ഇന്ത്യൻ എംബസി അറിയിച്ചു.50 മിനിറ്റ്​ നീണ്ടുനിൽക്കുന്ന 'ഗാന്ധി കഥ' ഡോ. ശോഭന രാധാകൃഷ്ണൻ അവതരിപ്പിക്കും. സാഹിത്യം, സാമൂഹിക സേവനം, ഗാന്ധിയൻ ചിന്തകളുടെ പ്രചാരണം എന്നീ മേഖലകളിൽ ആഗോളതലത്തിൽതന്നെ പ്രസിദ്ധയാണ് ഡോ. ശോഭന രാധാകൃഷ്ണൻ.

ഖത്തറിലെ ഇന്ത്യൻ എംബസിയുടെ ഫേസ്​ബുക്ക്, യൂട്യൂബ് പേജുകളിലൂടെയായിരിക്കും സംേപ്രഷണം.വാർധയിലെ സേവാഗ്രാമിൽ സ്​ഥിതിചെയ്യുന്ന മഹാത്മാ ഗാന്ധിയുടെ ആശ്രമത്തിൽ വളർന്ന ഡോ. ശോഭന, ഗാന്ധിയൻ ചിന്തകളിലൂടെയും ജീവിതരീതികളിലൂടെയും സാമൂഹിക സേവനം ചെയ്യുകയെന്നതിലാണ് ശ്രദ്ധ കേന്ദ്രീകരിച്ചിരിക്കുന്നത്. ഇന്ത്യയുടെ വിവിധ ഭാഗങ്ങളിലായി വിവിധ പദ്ധതികളുടെ ഭാഗമായ അവർക്ക് സാമൂഹിക സേവന രംഗത്ത് 39 വർഷത്തെ പരിചയമാണുള്ളത്.

അധഃസ്​ഥിതരായ ജനതയുടെ ക്ഷേമവും വികസനവും കൈവരിക്കുന്നതിന് ഗാന്ധിയൻ ചിന്തകളെ ആധാരമാക്കിയാണ് അവർ പ്രവർത്തിക്കുന്നത്. ദരിദ്രരുടെ ഉയർച്ചക്ക് വേണ്ടി ജീവിതം സമർപ്പിച്ച വനിതയാണ് ഡോ. ശോഭന രാധാകൃഷ്ണൻ. ഖരഗ്പൂർ, ഗാന്ധിനഗർ ഐ.ഐ.ടികൾ സംയുക്തമായി നടപ്പാക്കുന്ന കേന്ദ്ര സാംസ്​കാരിക മന്ത്രാലയത്തിെൻറ ഗാന്ധിപീഡിയ സാമൂഹിക മാധ്യമ പോർട്ടലിെൻറ ഉപദേശക കൂടിയാണ് അവർ.