ലുലു ഹൈപ്പർമാർക്കറ്റ് പ്രമോഷൻ കാമ്പയിൻ ഇന്നു മുതൽ
text_fieldsദോഹ: മുൻനിര റീട്ടെയിൽ വ്യാപാര ശൃംഖലയായ ലുലു ഹൈപ്പർ മാർക്കറ്റിൽ 10/15/20/30 പ്രമോഷൻ കാമ്പയിൻ തിങ്കളാഴ്ച ആരംഭിക്കും. ജൂലൈ ഏഴുവരെ നിലനിൽക്കുന്ന കാമ്പയിൻ കാലയളവിൽ തിരഞ്ഞെടുക്കപ്പെട്ട രണ്ടായിരത്തിലധികം ഉൽപന്നങ്ങൾ പത്ത് റിയാൽ, 15 റിയാൽ, 20 റിയാൽ, 30 റിയാൽ വില ശ്രേണിയിൽ ഉൾപ്പെടുത്തും.
വിപണി വിലയുടെ താഴെയുള്ള ശ്രേണിയിലാണ് കാമ്പയിൻ കാലയളവിൽ ഉൾപ്പെടുത്തുക എന്നതിനാൽ ഉപഭോക്താക്കൾക്ക് ആകർഷകമായ നിരക്കിൽ പർച്ചേസ് ചെയ്യാനുള്ള അവസരമാണ് കൈവരുന്നത്. പഴങ്ങൾ, പച്ചക്കറികൾ, വീട്ടുപകരണങ്ങൾ, പാദരക്ഷകൾ, സൗന്ദര്യവർധക വസ്തുക്കൾ, കായിക ഇനങ്ങൾ, സ്റ്റേഷനറികൾ, കളിപ്പാട്ടങ്ങൾ, തിരഞ്ഞെടുത്ത ഇലക്ട്രോണിക്സ് ഉൽപന്നങ്ങൾ, ഫ്രഷ് ഫുഡ്, പലചരക്ക് തുടങ്ങി നിത്യോപയോഗ സാധനങ്ങളും അല്ലാത്തതുമായ വൈവിധ്യമാർന്ന ഉൽപന്നങ്ങൾ 10/15/20/30 പ്രമോഷൻ കാമ്പയിനിൽ ഉൾക്കൊള്ളിക്കും.
മുൻ വർഷങ്ങളിലും ഏറെ ശ്രദ്ധ പിടിച്ചുപറ്റിയതാണ് ഈ കാമ്പയിൻ. താങ്ങാനാവുന്ന വിലയിൽ ഉൽപന്നങ്ങൾ ലഭ്യമാക്കുക എന്നതിനൊപ്പം മികച്ച ഷോപ്പിങ് അനുഭവം കൂടി നൽകുകയാണ് ലുലു ലക്ഷ്യം വെക്കുന്നതെന്ന് മാനേജ്മെന്റ് വാർത്തക്കുറിപ്പിൽ അറിയിച്ചു. നാട്ടിലേക്ക് പോകുന്ന പ്രവാസികൾക്ക് യാത്രാ അവശ്യവസ്തുക്കൾ, സമ്മാനങ്ങൾ, ചോക്ലറ്റുകൾ, നട്ട്സ്, വസ്ത്രങ്ങൾ എന്നിവ മിതമായ നിരക്കിൽ വാങ്ങാനുള്ള അവസരമാണിത്.
കൂടാതെ, ഉപഭോക്താക്കൾക്ക് ലുലു ഹൈപ്പർ മാർക്കറ്റിലെ ഷോപ്പ് ആൻഡ് വിൻ പ്രമോഷനിൽ പങ്കെടുക്കാനുള്ള അവസരമുണ്ട്. ഇതിൽ പത്തുലക്ഷം റിയാലിന്റെ കാഷ് പ്രൈസുകളും ലുലു വൗച്ചറുകളും പത്തുലക്ഷം ഹാപ്പിനസ് ലോയൽറ്റി പോയന്റുകളും നേടാൻ അവസരം ലഭിക്കുന്നു.
ആഗസ്റ്റ് മൂന്ന് വരെ നടക്കുന്ന ഷോപ് & വിൻ മെഗാ ലക്കി ഡ്രോ കൂപ്പൺ 50 റിയാലിൽ കൂടുതൽ പർച്ചേസ് ചെയ്യുമ്പോൾ ലഭിക്കും. ഈ റാഫിൾ കൂപ്പണുകൾ സ്റ്റോറിലെ കസ്റ്റമർ സർവിസ് കൗണ്ടറിൽ നൽകുകയോ Luluhypermarket.com-ൽ ഓൺലൈനായി രജിസ്റ്റർ ചെയ്യുകയോ ചെയ്യാം.ഡി-റിങ് റോഡിലെ ലുലു ഹൈപ്പർ മാർക്കറ്റിൽ ആഗസ്റ്റ് അഞ്ചിന് ഗ്രാൻഡ് നറുക്കെടുപ്പ് നടക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.