'ഖത്തർ ഡേറ്റ്​സ്​ വീക്ക്​' ഫെസ്​റ്റുമായി ലുലു

ദോഹ: മുൻസിപ്പാലിറ്റി -പരിസ്ഥിതി മ​ന്ത്രാലയവുമായി സഹകരിച്ച്​ 'ഖത്തർ ഡേറ്റ്​സ്​ വീക്ക്​' മേളയുമായി ലുലു ഹൈപർമാർക്കറ്റ്​. പ്ര​ാദേശി ഈത്തപ്പഴ ഉൽപന്നങ്ങളുടെ വിപുലമായ ശേഖരം ഒരുക്കിയാണ്​ ലുലു എല്ലാ ബ്രാഞ്ചുകളിലും ഒരാഴ്​ച നീളുന്ന മേളക്ക്​ തുടക്കം കുറിച്ചത്​. പരിസ്ഥിതി മന്ത്രാലയത്തിനു കീഴിലെ അഗ്രികൾചറൽ വകുപ്പ്​ ഡയറക്​ടർ യൂസുഫ്​ ഖാലിദ്​ അൽ കുവാലിഫി ഫെസ്​റ്റ്​ ഉദ്​ഘാടനം നിർവഹിച്ചു.

അഗ്രികൾചറൽ സർവിസ്​ എക്​സ്​റ്റൻഷൻ മേധാവി അഹമ്മദ്​ അൽ യാഫി, സെൻട്രൽ മുനിസിപ്പൽ കൗൺസിൽ അംഗം മുബാറക്​ ഫെറയ്​ഷ്​ മുബാറക്​ അൽ സലിം, ലുലു റീജനൽ ഡയറക്​ടർ ​ൈഷജാൻ എം.ഒ, റീജനൽ മാനേജർ പി.എം ഷാനവാസ്​, വിവിധ ഫാം ഉടമകൾ, പരിസ്ഥിതി-മുനിസിപ്പാലിറ്റി മന്ത്രാലയം പ്രതിനിധികൾ എന്നിവർ ചടങ്ങിൽ പ​ങ്കെടുത്തു.

മേളയിലെ പ്രാധാന വിതരണക്കാരായ അൽ റയ്യാൻ അഗ്രികൾചറൽ, ഖത്തർ അഗ്രി. ​െഡവലപ്​മെൻറ്​ കമ്പനി പ്രതിനിധികളും സന്നിഹിതരായി. പ്രദേശിക കർഷകരിൽനിന്നും സ്വീകരിച്ച ഈത്തപ്പഴങ്ങളുടെ വിപുലമായ ശേഖരം ഒരുക്കിയാണ്​ ലുലു 'ഖത്തർ ഈത്തപ്പഴ വാരം' ഒരുക്കിയത്​. പ്രദേശിക ഈത്തപ്പഴങ്ങളായ ഖലാഷ്​, ബുർഹി, ഷിഷി, ഖെനിസീ, ഗുർ തുടങ്ങിയ വൈവിധ്യങ്ങൾ ലുലുവിൽ ലഭ്യമാവും. ഖത്തറിലെ 11 ഫാമുകൾ പ​ങ്കെടുക്കുന്ന മേള ​വെള്ളിയാഴ്​ച വരെ തുടരും.