യാ​ത്ര​ക്കാ​ർ അ​ര​ക്കോ​ടി​യി​ലേ​റെ; ബി​ഗ് ​ഹി​റ്റാ​ണ് ലു​സൈ​ൽ ട്രാം

ദോ​ഹ: ര​ണ്ടു വ​ർ​ഷ​വും ഏ​താ​നും മാ​സ​വും മാ​ത്രം പി​ന്നി​ട്ട യാ​ത്ര​ക്കി​ട​യി​ൽ ച​രി​ത്രം കു​റി​ച്ച് ലു​സൈ​ൽ ട്രാം ​കു​തി​ച്ചു​പാ​യു​ന്നു. 2022 ജ​നു​വ​രി​യി​ൽ ഓ​ട്ടം തു​ട​ങ്ങി, ഇ​തു​വ​രെ​യാ​യി ഏ​ക​ദേ​ശം 55 ല​ക്ഷ​ത്തി​ല​ധി​കം യാ​ത്ര​ക്കാ​ർ ലു​സൈ​ൽ ട്രാം ​ഉ​പ​യോ​ഗി​ച്ച​താ​യി ഖ​ത്ത​ർ റെ​യി​ൽ സ്ട്രാ​റ്റ​ജി ആ​ൻ​ഡ് ബി​സി​ന​സ് ഡെ​വ​ല​പ്‌​മെ​ന്റ് മേ​ധാ​വി അ​ജ്‌​ലാ​ൻ ഈ​ദ് അ​ൽ ഇ​നാ​സി അ​റി​യി​ച്ചു. 2022 ഫി​ഫ ലോ​ക​ക​പ്പ്, 2023 എ.​എ​ഫ്.​സി ഏ​ഷ്യ​ൻ ക​പ്പ് തു​ട​ങ്ങി ഖ​ത്ത​ർ ആ​തി​ഥേ​യ​ത്വം വ​ഹി​ച്ച മ​റ്റു പ്ര​ധാ​ന മേ​ള​ക​ളി​ൽ അ​ട​ക്കം ലു​സൈ​ൽ ന​ഗ​ര​ത്തി​ലേ​ക്കു​ള്ള പ്ര​ധാ​ന ഗ​താ​ഗ​ത മാ​ർ​ഗ​മാ​യി​രു​ന്നു ലു​സൈ​ൽ ട്രാ​മെ​ന്നും അ​ജ്‌​ലാ​ൻ അ​ൽ ഇ​നാ​സി പ​റ​ഞ്ഞു.

ഓ​റ​ഞ്ച് ലൈ​ൻ സ്‌​റ്റേ​ഷ​നു​ക​ളു​ടെ പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​ക്കി​യും പി​ങ്ക് ലൈ​നി​ൽ സ​ർ​വി​സ് ആ​രം​ഭി​ച്ചും ലു​സൈ​ൽ ട്രാം ​പു​തി​യ നേ​ട്ട​ങ്ങ​ളി​ലേ​ക്കാ​ണ് ഇ​പ്പോ​ൾ കു​തി​പ്പ് തു​ട​രു​ന്ന​ത്. ലു​സൈ​ൽ ന​ഗ​ര​ത്തി​ലെ പൊ​തു​ഗ​താ​ഗ​ത സം​വി​ധാ​നം വി​ക​സി​പ്പി​ക്കു​ന്ന​തി​ലേ​ക്കു​ള്ള പ​ദ്ധ​തി​യി​ലെ സു​പ്ര​ധാ​ന നാ​ഴി​ക​ക്ക​ല്ലാ​ണ് പു​തി​യ ലൈ​ൻ ആ​രം​ഭി​ച്ച​തി​ലൂ​ടെ പി​ന്നി​ട്ട​തെ​ന്ന് അ​ൽ ഇ​നാ​സി പ​റ​ഞ്ഞു. ന​ഗ​ര​ത്തി​ലെ താ​മ​സ​ക്കാ​ർ​ക്കും സ​ന്ദ​ർ​ശ​ക​ർ​ക്കും സേ​വ​നം വി​പു​ലീ​ക​രി​ക്കു​ന്ന​തി​നാ​യി ശേ​ഷി​ക്കു​ന്ന ലൈ​നു​ക​ൾ ഉ​ട​ൻ തു​റ​ക്കാ​നാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും 2022 ജ​നു​വ​രി​യി​ൽ ആ​രം​ഭി​ച്ച​തി​നു​ശേ​ഷം ക്ര​മേ​ണ ലു​സൈ​ൽ ട്രാ​മി​ന് ജ​ന​പ്രീ​തി​യാ​ർ​ജി​ച്ച​താ​യും അ​ദ്ദേ​ഹം വ്യ​ക്ത​മാ​ക്കി.

ഗ​താ​ഗ​ത മ​ന്ത്രാ​ല​യം, ആ​ഭ്യ​ന്ത​ര മ​ന്ത്രാ​ല​യം, ഖ​ത്ത​ർ ദി​യാ​ർ എ​ന്നി​വ​യു​ടെ സം​യു​ക്ത ഏ​കോ​പ​ന​ത്തി​ൽ ലു​സൈ​ൽ പ്ര​ദേ​ശ​ത്തെ വി​ക​സ​ന പ്ര​വ​ർ​ത്ത​ന​ങ്ങ​ൾ പൂ​ർ​ത്തീ​ക​രി​ക്കു​ന്ന​തോ​ടൊ​പ്പം ലു​സൈ​ൽ ട്രാം ​ശൃം​ഖ​ല​യി​ലെ ശേ​ഷി​ക്കു​ന്ന ലൈ​നു​ക​ളും സ്റ്റേ​ഷ​നു​ക​ളും ഒ​രു​മി​ച്ച് പൊ​തു​ഗ​താ​ഗ​ത​ത്തി​നാ​യി തു​റ​ന്നു​കൊ​ടു​ക്കു​മെ​ന്നും അ​ൽ ഇ​നാ​സി വ്യ​ക്ത​മാ​ക്കി. ഉ​പ​യോ​ക്താ​ക്ക​ൾ​ക്ക് ഉ​യ​ർ​ന്ന നി​ല​വാ​ര​ത്തി​ലു​ള്ള​തും വി​ശ്വ​സ​നീ​യ​വു​മാ​യ ഗ​താ​ഗ​ത സേ​വ​ന​ങ്ങ​ൾ ന​ൽ​കു​ക, സ​ന്ദ​ർ​ശ​ക​രു​ടെ​യും ന​ഗ​ര​ത്തി​ലെ താ​മ​സ​ക്കാ​രു​ടെ​യും ആ​വ​ശ്യ​ങ്ങ​ൾ നി​റ​വേ​റ്റാ​നും, ഗ​ത​ഗാ​ത​ക്കു​രു​ക്ക് കു​റ​ച്ച് സു​സ്ഥി​ര​മാ​യ യാ​ത്ര സം​വി​ധാ​നം പ്ര​ദാ​നം ചെ​യ്യു​ക എ​ന്നി​വ ല​ക്ഷ്യ​മാ​ണെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

ലു​സൈ​ൽ ട്രാം ​സ​ർ​വി​സ് വി​പു​ലീ​ക​ര​ണ​ത്തി​ൽ ഓ​റ​ഞ്ച് ലൈ​നി​ലെ എ​ല്ലാ സ്റ്റേ​ഷ​നു​ക​ളും പ്ര​വ​ർ​ത്ത​ന​ക്ഷ​മ​മാ​കു​ക​യും പി​ങ്ക് ലൈ​ൻ സ​ർ​വി​സ് ആ​രം​ഭി​ക്കു​ക​യും ചെ​യ്‌​തെ​ങ്കി​ലും അ​ൽ സാ​ദ് പ്ലാ​സ ഇ​തു​വ​രെ തു​റ​ന്നി​ട്ടി​ല്ലെ​ന്ന് പ്രോ​ഗ്രാം ഡെ​ലി​വ​റി മേ​ധാ​വി എ​ൻ​ജി​നീ​യ​ർ ജാ​സിം അ​ൽ അ​ൻ​സാ​രി പ​റ​ഞ്ഞു. ട്രാം ​ശൃം​ഖ​ല​യു​ടെ വി​പു​ലീ​ക​ര​ണം ലു​സൈ​ൽ ന​ഗ​ര​ത്തി​ന്റെ പൊ​തു​ഗ​താ​ഗ​ത സം​വി​ധാ​ന​ത്തെ കൂ​ടു​ത​ൽ പി​ന്തു​ണ​ക്കു​ക​യും സു​ര​ക്ഷി​ത​വും സു​സ്ഥി​ര​വു​മാ​യ ഗ​താ​ഗ​ത സേ​വ​ന​ങ്ങ​ൾ ന​ൽ​കു​ക​യും ചെ​യ്യു​മെ​ന്നും ഉ​റ​പ്പാ​ക്കു​ന്ന​തി​ന്റെ ഭാ​ഗ​മാ​യി ഓ​റ​ഞ്ച്, പി​ങ്ക് ലൈ​നു​ക​ളു​ടെ പ​രീ​ക്ഷ​ണ പ്ര​വ​ർ​ത്ത​ന​ങ്ങ​ൾ വി​ജ​യ​ക​ര​മാ​യി പൂ​ർ​ത്തി​യാ​ക്കി​യ​താ​യും അ​ൽ അ​ൻ​സാ​രി കൂ​ട്ടി​ച്ചേ​ർ​ത്തു.