മലബാർ ഗോൾഡ്: 'വിൻ എ ഗോൾഡൻ ബാൾ' കാമ്പയിൻ വിജയികളെ പ്രഖ്യാപിച്ചു

ദോഹ: മലബാർ ഗോൾഡ് ആൻഡ് ഡയമണ്ട്സിന്‍റെ 'വിൻ എ ഗോൾഡൻ ബാൾ' കാമ്പയിനിലെ ആദ്യ റൗണ്ട് വിജയികളെ പ്രഖ്യാപിച്ചു. വാണിജ്യ-വ്യവസായ മന്ത്രാലയം പ്രതിനിധി അബ്ദുല്ല അലി അൽ മൽകി നറുക്കെടുപ്പിലൂടെ വിജയികളെ തെരഞ്ഞെടുത്തു. സുശീൽ കുമാർ, ഇല്യാസ് ലലാമിയ ബാമെ, നിസിൻ ഷാ, സെന്തിൽ മുരുഗൻ, തുളസി ഹരിദാസ് എന്നിവരാണ് ആദ്യ റൗണ്ടിലെ ഭാഗ്യവിജയികൾ. മലബാർ ഗോൾഡ് ആൻഡ് ഡയമണ്ട്സിൽനിന്ന് 500 റിയാലിന് മുകളിൽ ഷോപ്പിങ് നടത്തുന്നവരിൽനിന്ന് 10 ഭാഗ്യവാന്മാർക്ക് 100 ഗ്രാം വീതമുള്ള സ്വർണപ്പന്താണ് 'വിൻ എ ഗോൾഡൻ ബാൾ' പ്രമോഷൻ കാമ്പയിനിൽ സമ്മാനമായി നൽകുന്നത്.

10 രാജ്യങ്ങളിലായി 285ഓളം ഷോറൂമുകളുള്ള മലബാർ ഗോൾഡ് ആൻഡ് ഡയമണ്ട്സിൽ പ്രമോഷന്‍റെ ഭാഗമായി വൈവിധ്യമാർന്ന ആഭരണങ്ങളുടെ വൻ കലക്ഷനുകളാണ് ഉപഭോക്താക്കൾക്കായി ഒരുക്കിയത്.