​മാസ്​ക്​ നിർബന്ധം; ഫേസ്​ ഷീൽഡ്​ വേണമെന്നില്ല

ദോഹ: കോവിഡ്​ കാലത്തെ യാത്രാനിയമങ്ങളിൽ കർശന നിർദേശവുമായി ഖത്തർ എയർവേസ്​. യാത്ര സുരക്ഷിതമാക്കുന്നതിൻെറ ഭാഗമായി എല്ലാവരും ഫേസ്​ മാസ്​ക്​ അണിഞ്ഞിരിക്കണം.

അതേസമയം, ഫേസ്​ ഷീൽഡ്​ ധരിക്കണമെന്ന്​ നിർബന്ധമില്ലെന്ന്​ ഖത്തർ എയർവേസ്​ ട്വിറ്ററിലൂടെ അറിയിച്ചു. ​

യാത്രക്കാർ ഫേസ്​ ഷീൽഡ്​ നിർബന്ധമായും അണിഞ്ഞിരിക്കണമെന്ന സമൂഹമാധ്യമങ്ങളിലെ പ്രചാരണത്തിൻെറ അടിസ്ഥാനത്തിലാണ്​ വിമാനക്കമ്പനി കൂടുതൽ വിശദാംശങ്ങൾ പുറത്തു വിട്ടത്​. അനുയോജ്യമായ ഫേസ് മാസ്‌ക് യാത്രക്കാര്‍ക്ക് തന്നെ കരുതാമെന്നും നിര്‍ദേശമുണ്ട്.