മ​വാ​സിം ഗ്രൂ​പ് 15ാം വാ​ർ​ഷി​കാ​ഘോ​ഷം

ദോ​ഹ: ഖ​ത്ത​റി​ലെ പ്ര​മു​ഖ ബി​സി​ന​സ് സ്ഥാ​പ​ന​മാ​യ മ​വാ​സിം ഗ്രൂ​പ് 15ാം വ​ർ​ഷ​ത്തി​ലേ​ക്ക്. ഖ​ത്ത​റി​ൽ തു​ട​ങ്ങി യു.​എ.​ഇ, ഈ​ജി​പ്ത്, ഇ​ന്ത്യ തു​ട​ങ്ങി വി​വി​ധ ഇ​ട​ങ്ങ​ളി​ലേ​ക്ക് വ്യാ​പി​ച്ച ‘മ​വാ​സിം’ ഗ്രൂ​പ്പി​ന്റെ പ​തി​ന​ഞ്ചാം വാ​ർ​ഷി​കം വി​പു​ല​മാ​യ പ​രി​പാ​ടി​ക​ളോ​ടെ ആ​ഘോ​ഷി​ക്കു​മെ​ന്ന് മാ​നേ​ജ്മെ​ന്റ് അം​ഗ​ങ്ങ​ൾ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

ഡി​സം​ബ​ർ 26ന് ​ദോ​ഹ ക്രൗ​ൺ​പ്ലാ​സ ഹോ​ട്ട​ലി​ൽ ന​ട​ക്കു​ന്ന വാ​ർ​ഷി​കാ​ഘോ​ഷ​ത്തി​ൽ ഇ​ന്ത്യ​ന്‍ എം​ബ​സി പ്ര​തി​നി​ധി​ക​ള്‍, സാ​മൂ​ഹി​ക സാം​സ്‌​കാ​രി​ക പ്ര​തി​നി​ധി​ക​ൾ, വ്യ​വ​സാ​യ വാ​ണി​ജ്യ പ്ര​മു​ഖ​ർ എ​ന്നി​വ​ർ പ​​ങ്കെ​ടു​ക്കും. ച​ട​ങ്ങി​ൽ മ​വാ​സിം ഗ്രൂ​പ് മാ​നേ​ജി​ങ് ഡ​യ​റ​ക്ട​ർ ഡോ. ​ശ​ഫീ​ഖ് കോ​ട​ങ്ങാ​ട് ര​ചി​ച്ച ‘ബി​സി​ന​സ് ര​സ​ത​ന്ത്രം’ എ​ന്ന പു​സ്ത​ക​ത്തി​ന്റെ പ്ര​കാ​ശ​ന​വും നി​ർ​വ​ഹി​ക്കും. വാ​ർ​ഷി​കാ​ഘോ​ഷ​ത്തി​ന്റെ ഭാ​ഗ​മാ​യി വി​വി​ധ മേ​ഖ​ല​ക​ളി​ൽ മി​ക​വു തെ​ളി​യി​ച്ച വ്യ​ക്തി​ക​ളെ ‘മ​വാ​സിം ബി​സി​ന​സ് എ​ക്‌​സ​ല​ന്‍സ്’ അ​വാ​ര്‍ഡു​ക​ള്‍ ന​ൽ​കി ആ​ദ​രി​ക്കും.

ബി​സി​ന​സ്, സാ​മൂ​ഹി​ക സേ​വ​നം, സോ​ഷ്യ​ല്‍ മീ​ഡി​യ ഇ​ന്‍ഫ്ലു​വ​ന്‍സ​ര്‍, വി​ദ്യാ​ഭ്യാ​സം തു​ട​ങ്ങി​യ മേ​ഖ​ല​ക​ളി​ൽ സം​ഭാ​വ​ന ന​ൽ​കി​യ​വ​ർ​ക്കാ​ണ് പു​ര​സ്കാ​രം ന​ൽ​കു​ന്ന​ത്. ഖ​ത്ത​റി​ല്‍ അ​ല്‍ മ​വാ​സിം ബി​സി​ന​സ് ഗ്രൂ​പ്പി​നു​കീ​ഴി​ൽ പി.​ആ​ർ.​ഒ സ​ര്‍വി​സ​സ്, ക​മ്പ​നി ഫോ​ര്‍മേ​ഷ​ന്‍, ലീ​ഗ​ല്‍ ഡോ​ക്യു​മെ​ന്റേ​ഷ​ന്‍ എ​ന്നീ മേ​ഖ​ല​ക​ളി​ല്‍ ദോ​ഹ, വ​ക്‌​റ, അ​സീ​സി​യ, മു​ഐ​ത​ര്‍ എ​ന്നീ സ്ഥ​ല​ങ്ങ​ളി​ലാ​യി അ​ഞ്ചോ​ളം ഓ​ഫി​സു​ക​ള്‍ പ്ര​വ​ര്‍ത്തി​ക്കു​ന്ന​താ​യി മാ​നേ​ജ്മെ​ന്റ് അം​ഗ​ങ്ങ​ൾ അ​റി​യി​ച്ചു. അ​ല്‍ മ​വാ​സിം ട്രാ​ൻ​സ​ലേ​ഷ​ന്‍ ആ​ൻ​ഡ് സ​ര്‍വി​സ​സ്, ലീ​ഗ​ല്‍ ഫോ​ര്‍ ട്രാ​ൻ​സ​ലേ​ഷ​ന്‍ എ​ന്നി​വ​യോ​ടൊ​പ്പം അ​ല്‍ മ​വാ​സിം ലോ​ൺ​ട്രി, മ​വാ​സിം ടൈ​ല​റി​ങ്‌, മെ​ക്കി​ന്‍ഡ് ട്രേ​ഡി​ങ് ആ​ന്‍ഡ് കോ​ണ്‍ട്രാ​ക്ടി​ങ്, സി.​കെ.​എ​സ് ലി​മോ​സി​ന്‍, ഗ്രൂ​പ് ഫ​ലാ​ഫി​ല്‍ അ​ല്‍ ഖോ​ര്‍ ക​ഫ്തീ​രി​യ തു​ട​ങ്ങി​യ സ്ഥാ​പ​ന​ങ്ങ​ള്‍ ഖ​ത്ത​ര്‍, യു.​എ.​ഇ, ഈ​ജി​പ്ത്, ഇ​ന്ത്യ എ​ന്നീ രാ​ജ്യ​ങ്ങ​ളി​ലാ​യി പ്ര​വ​ര്‍ത്തി​ക്കു​ന്നു.

അ​തി​നു​പു​റ​മെ ജി.​സി.​സി രാ​ജ്യ​ങ്ങ​ളി​ലേ​ക്ക് യോ​ഗ്യ​രാ​യ ജീ​വ​ന​ക്കാ​രെ ത​യാ​റാ​ക്കു​ന്ന​തി​നാ​യി അ​ല്‍ മ​വാ​സിം അ​ക്കാ​ദ​മി എ​ന്ന പേ​രി​ല്‍ ട്രെ​യി​നി​ങ് ഇ​ന്‍സ്റ്റി​റ്റ്യൂ​ട്ട് കേ​ര​ള​ത്തി​ല്‍ കൊ​ണ്ടോ​ട്ടി, തി​രൂ​ര്‍ തു​ട​ങ്ങി​യ സ്ഥ​ല​ങ്ങ​ളി​ലും ഹൈ​ദ​രാ​ബാ​ദി​ൽ ബ്രി​ട്ടീ​ഷ് മൗ​ണ്ട് ഇം​ഗ്ലീ​ഷ് സ്കൂ​ൾ പ്ര​വ​ർ​ത്തി​ക്കു​ന്ന​താ​യി അ​റി​യി​ച്ചു. വാ​ര്‍ത്ത​സ​മ്മേ​ള​ന​ത്തി​ല്‍ മ​വാ​സിം ജ​ന​റ​ല്‍ മാ​നേ​ജ​ര്‍ അ​ബ്ദു​ല്‍ ഹ​മീ​ദ് ഹു​ദ​വി, ഡി​ജി​റ്റ​ല്‍ മാ​ര്‍ക്ക​റ്റി​ങ് മാ​നേ​ജ​ര്‍ ശു​ഐ​ബ് വാ​ഫി ഒ​റ​വ​മ്പു​റം, മാ​നേ​ജി​ങ് ഡ​യ​റ​ക്ട​ർ ശ​ഫീ​ഖ് ഹു​ദ​വി കോ​ട​ങ്ങാ​ട് എ​ന്നി​വ​ർ പ​ങ്കെ​ടു​ത്തു.