മീ​ഡി​യ​വ​ൺ ഖി​ഫ് സൂ​പ്പ​ർ​ക​പ്പ്: ഇ​ന്നും നാ​ളെ​യും ഉ​ശി​ര​ൻ പോ​രാ​ട്ട​ങ്ങ​ൾ

ദോ​ഹ: ര​ണ്ടു ദി​വ​സ​ത്തെ ഇ​ട​വേ​ള​ക്കു ശേ​ഷം മീ​ഡി​യ വ​ൺ -ഖി​ഫ് സൂ​പ്പ​ർ ക​പ്പി​ൽ വീ​ണ്ടും പോ​രാ​ട്ട ദി​ന​ങ്ങ​ൾ. തി​ങ്ക​ൾ, ചൊ​വ്വ ദി​വ​സ​ങ്ങ​ളി​ലാ​യി നാ​ല് മ​ത്സ​ര​ങ്ങ​ൾ​ക്ക് കൂ​ടി ദോ​ഹ സ്റ്റേ​ഡി​യ​ത്തി​ൽ അ​ര​ങ്ങേ​റു​ന്ന​തോ​ടെ പോ​യ​ന്റ് പ​ട്ടി​ക​യി​ലെ പോ​രാ​ട്ട​ത്തി​നും ആ​വേ​ശ​മേ​റും.

തി​ങ്ക​ളാ​ഴ്ച രാ​ത്രി 7.30ന് ​കെ.​എം.​സി.​സി കോ​ഴി​ക്കോ​ടും വ​യ​നാ​ട് കൂ​ട്ട​വും ത​മ്മി​ലാ​ണ് മ​ത്സ​രം. തു​ട​ർ​ന്ന് രാ​ത്രി 9.10ന് ​യു​നൈ​റ്റ​ഡ് എ​റ​ണാ​കു​ളം -ഫ്ര​ണ്ട്സ് ഓ​ഫ് തൃ​ശൂ​രി​നെ നേ​രി​ടും. ചൊ​വ്വാ​ഴ്ച ആ​ദ്യ മ​ത്സ​ര​ത്തി​ൽ (രാ​ത്രി 7.30) കെ.​എം.​സി.​സി മ​ല​പ്പു​റ​വും - ദി​വ കാ​സ​ർ​കോ​ടും ഏ​റ്റു​മു​ട്ടും. 9.10ന് ​കു​വാ​ഖ് ക​ണ്ണൂ​രും -ടി.​ജെ.​എ​സ്.​വി തൃ​ശൂ​രും ത​മ്മി​ലാ​ണ് മ​ത്സ​രം.

മൂ​ന്ന് മ​ത്സ​രം എ​ല്ലാ​വ​രും പൂ​ർ​ത്തി​യാ​ക്കി​യ​പ്പോ​ൾ ടി.​ജെ.​എ​സ്.​വി തൃ​ശൂ​ർ ഒ​മ്പ​ത് പോ​യ​ന്റു​മാ​യി ഒ​ന്നാം സ്ഥാ​ന​ത്താ​ണ്. ദി​വ കാ​സ​ർ​കോ​ട് ഏ​ഴ് പോ​യി​ന്റു​മാ​യി ര​ണ്ടാം സ്ഥാ​ന​ത്തും ഫ്ര​ണ്ട്സ് ഓ​ഫ് തൃ​ശൂ​ർ, കെ.​എം.​സി.​സി മ​ല​പ്പു​റം, കെ.​എം.​സി.​സി കോ​ഴി​ക്കോ​ട് ടീ​മു​ക​ൾ ആ​റ് പോ​യി​ന്റു​മാ​യി തൊ​ട്ടു പി​റ​കെ​യു​ണ്ട്.

ഏ​റ്റ​വും ഒ​ടു​വി​ൽ വെ​ള്ളി​യാ​ഴ്ച ന​ട​ന്ന മ​ത്സ​ര​ങ്ങ​ളി​ൽ കെ.​എം.​സി.​സി മ​ല​പ്പു​റം 1-0 ത്തി​ന് കെ.​എം.​സി.​സി കോ​ഴി​ക്കോ​ടി​​നെ തോ​ൽ​പി​ച്ചി​രു​ന്നു. സ​ഫീ​റാ​ണ് മ​ല​പ്പു​റ​ത്തി​നാ​യി സ്കോ​ർ ചെ​യ്ത​ത്. മ​റ്റൊ​രു മ​ത്സ​ര​ത്തി​ൽ ദി​വ കാ​സ​ർ​കോ​ട് 2-1ന് ​വ​യ​നാ​ട് കൂ​ട്ട​ത്തെ​യും തോ​ൽ​പി​ച്ചു. കാ​സ​ർ​കോ​ടി​നാ​യി ആ​സി​ഫ് ഇ​ര​ട്ട ഗോ​ളു​ക​ൾ നേ​ടി വി​ജ​യ ശി​ൽ​പി​യാ​യി.