മീഡിയവൺ ഖിഫ് സൂപ്പർകപ്പ്; ടി.ജെ.എസ്.വി തൃശൂരിന് തകർപ്പൻ ജയം

ദോഹ: മീഡിയവൺ -ഖിഫ് ഫുട്ബാളിൽ വ്യാഴാഴ്ച രാത്രി നടന്ന ആദ്യ മത്സരത്തിൽ നാല് ഗോൾ ജയവുമായി തൃശൂർ ജില്ലാ സൗഹൃദ വേദി. ദോഹ സ്റ്റേഡിയത്തിൽ നടന്ന ആവേശപ്പോരാട്ടത്തിൽ മൗസിഫിന്റെ ഹാട്രിക് ഗോളാണ് തൃശൂരിന് തകർപ്പൻ ജയം സമ്മാനിച്ചത്.

മൗസിഫ് 20, 31, 66 മിനിറ്റുകളിൽ തൃശൂരിന് വേണ്ടി സ്​കോർ ചെയ്തു. സഞ്ജയുടെ വകയായിരുന്നു ഒരു ഗോൾ. വെള്ളിയാഴ്ച മാക് കോഴിക്കോട്- കെ.എം.സി.സി മലപ്പുറത്തെയും (6.00 മണി), കെ.എം.സി.സി കോഴിക്കോട് - അനക്സ് പാലക്കാടിനെയും (7.30), ട്രാവൻകൂർ എഫ്.സി -യുനൈറ്റഡ് എറണാകുളത്തെയും (9.00) നേരിടും.