ലോ​കം കീ​ഴ​ട​ക്കി​യ മ​ണ്ണി​ൽ മെ​സ്സി വീ​ണ്ടു​മെ​ത്തി, നി​റ​ഞ്ഞ സ​ന്തോ​ഷ​ത്തോ​ടെ

ദോ​ഹ: ഇ​തി​ഹാ​സ സ​മാ​ന​മാ​യ ഉ​യ​ര​ങ്ങ​ളി​ലേ​ക്ക് അ​യാ​ളെ എ​ടു​ത്തു​യ​ർ​ത്തി​യ ആ ​ചേ​തോ​ഹ​ര മു​ഹൂ​ർ​ത്ത​ത്തി​ന് കൃ​ത്യം ഒ​രു​മാ​സം പ്രാ​യം. ച​രി​​ത്ര​ത്തെ ത്ര​സി​പ്പി​ച്ച വി​സ്മ​യ​ങ്ങ​ളി​ലേ​ക്ക് ഡ്രി​ബ്ൾ ചെ​യ്തു​ക​യ​റി​യ ഖ​ത്ത​റി​ന്റെ മ​ണ്ണി​ൽ ല​യ​ണ​ൽ മെ​സ്സി വീ​ണ്ടും പ​റ​ന്നി​റ​ങ്ങി.

ക​ളി​യെ ത​ന്റെ പ​ദ​ച​ല​ന​ങ്ങ​ളാ​ൽ സ​മ്പ​ന്ന​മാ​ക്കി​യ ര​ണ്ടു ദ​ശാ​ബ്ദ​ങ്ങ​ളോ​ളം നീ​ണ്ട സ​മ്മോ​ഹ​ന ക​രി​യ​റി​ൽ അ​​ങ്ങേ​​യ​റ്റം കൊ​തി​ച്ച ആ ​ക​ന​ക​കി​രീ​ട​ത്തി​നു​മേ​ൽ അ​യാ​ളു​ടെ കൈ​യൊ​പ്പ് പ​തി​ഞ്ഞ​ത് ക​താ​റ​യു​ടെ മ​ണ്ണി​ലാ​യി​രു​ന്നു. അ​തി​ന്റെ സ​ന്തോ​ഷം ആ 35​കാ​ര​​ന്റെ വാ​ക്കി​ലും നോ​ക്കി​ലും എ​ടു​പ്പി​ലു​മൊ​ക്കെ​യു​ണ്ടാ​യി​രു​ന്നു. ലോ​കം കീ​ഴ​ട​ക്കി​യ മ​ണ്ണി​ൽ വീ​ണ്ടു​മെ​ത്തു​ന്ന​തി​ന്റെ ആ​ഹ്ലാ​ദ​മാ​യി​രി​ക്കാം, ഖ​ത്ത​റി​ൽ വീ​ണ്ടും വി​മാ​ന​മി​റ​ങ്ങി​യ മെ​സ്സി അ​​ങ്ങേ​യ​റ്റം ഹാ​പ്പി​യാ​യി​രു​ന്നു.

ഖ​ത്ത​ർ എ​യ​ർ​വേ​സി​ന്റെ പ്ര​ത്യേ​ക വി​മാ​നം താ​ര​ങ്ങ​ളെ​യു​മാ​യി ദോ​ഹ​യി​ലെ​ത്തി​യ​പ്പോ​ൾ മാ​ർ​ക്വി​ഞ്ഞോ​സി​നു പി​ന്നാ​ലെ നി​റ​ഞ്ഞ ചി​രി​യു​മാ​യി മെ​സ്സി ​ഖ​ത്ത​ർ മ​ണ്ണി​ലി​റ​ങ്ങി. ക​പ്പു​മാ​യി ലോ​ക​ത്തി​ന്റെ നെ​റു​ക​യി​ലേ​ക്ക് പ​റ​ന്നു​യ​ർ​ന്ന​തി​നു​ശേ​ഷം അ​തേ മ​ണ്ണി​ൽ അ​ഭി​മാ​ന​ത്തോ​ടെ​യു​ള്ള തി​രി​ച്ചി​റ​ക്കം.

ഉ​ച്ച​യോ​ടെ ഖ​ത്ത​റി​ലെ പി.​എ​സ്.​ജി സ്പോ​ൺ​സ​ർ​മാ​രു​ടേ​തു​ൾ​പ്പെ​ടെ​യു​ള്ള പ​രി​പാ​ടി​ക​ളി​ൽ സം​ബ​ന്ധി​ക്കു​​​മ്പോ​ഴും അ​ർ​ജ​ന്റീ​ന നാ​യ​ക​ൻ ഏ​റെ ഊ​ർ​ജ​സ്വ​ല​നാ​യി​രു​ന്നു.

ക​ഴി​ഞ്ഞ മാ​സം 18ന് ​ലോ​കം മു​ഴു​വ​ൻ ഉ​റ്റു​നോ​ക്കി​യ വി​ശ്വ​മേ​ള​യു​ടെ ക​ലാ​ശ​പ്പോ​രി​ൽ ഫ്രാ​ൻ​സി​ന്റെ ക​ടു​ത്ത വെ​ല്ലു​വി​ളി ഷൂ​ട്ടൗ​ട്ടി​ലേ​ക്കു നീ​ണ്ട പോ​രാ​ട്ട​ത്തി​ൽ മ​റി​ക​ട​ന്നാ​ണ് മെ​സ്സി ഇ​തി​ഹാ​സ​തു​ല്യ​നാ​യ​ത്. അ​ന്ന് ക​പ്പു​യ​ർ​ത്തി​യ ലു​സൈ​ലി​ൽ​നി​ന്ന് ഏ​താ​നും കി​ലോ​മീ​റ്റ​റു​ക​ൾ മാ​ത്രം അ​ക​ലെ ഖ​ലീ​ഫ സ്റ്റേ​ഡി​യ​ത്തി​ൽ വൈ​കീ​ട്ട് പ​രി​ശീ​ല​ന​ത്തി​നി​റ​ങ്ങി​യ​പ്പോ​ൾ കൈ​യ​ടി​ക​ൾ​ക്ക് ന​ടു​വി​ലാ​യി​രു​ന്നു മെ​സ്സി.

പി.​എ​സ്.​ജി​യു​ടെ പ​രി​ശീ​ല​നം കാ​ണാ​ൻ കാ​ശു​കൊ​ടു​ത്തെ​ത്തി​യ ഇ​രു​പ​തി​നാ​യി​ര​ത്തോ​ളം പേ​രി​ൽ വ​ലി​യൊ​രു പ​ങ്കും മെ​സ്സി ആ​രാ​ധ​ക​രാ​യി​രു​ന്നു.

പ​രി​ശീ​ല​ന​ത്തി​നി​ടെ താ​രം പ​ന്തെ​ടു​ക്കു​മ്പോ​ഴൊ​​ക്കെ ആ​രാ​ധ​ക​രും ആ​വേ​ശ​ത്തി​ലാ​യി.

നെ​യ്മ​റും എം​ബാ​പ്പെ​യും അ​ഷ്റ​ഫ് ഹ​ക്കീ​മി​യും അ​ട​ക്ക​മു​ള്ള​വ​രോ​ടൊ​പ്പം ത​മാ​ശ പ​ങ്കി​ട്ടും പ​രി​ശീ​ല​ന​വേ​ദി​യി​ലും ആ​ധു​നി​ക ഫു​ട്ബാ​ളി​ലെ സൂ​പ്പ​ർ​താ​രം നി​റ​ഞ്ഞു​നി​ന്നു.