‘പെർ​ സീ​ഡ്​​സ്​ ഉൽക്കാവർഷം’

ദോഹ: ഗൾഫ് മേഖലയിലെ ആകാശ നിരീക്ഷകർക്ക് ഉൽക്കകളുടെ മനോഹരകാഴ്ച അരികെ നിന്നും കാണാനുള്ള അവസരമാണ് ഇതെന്ന് ഖത്തറിലെ പ്രവാസികൾക്കും സ്വദേശികൾക്കുമിടയിലെ ശ്ര​ദ്ധേയനായ ആസ്​ട്രോണോ ഫോ​ട്ടോഗ്രാഫർ അജിത് എവറസ്റ്റർ പറയുന്നു. ‘സൗരയൂഥത്തിൽ ഉൽക്കകളുടെ സഞ്ചാരപഥമുള്ള ബെൽറ്റിനരികിലൂടെ ഭൂമി കടന്നുപോകുന്നതാണ്​ പെർസീഡ്സ് ഉൽക്കാവർഷമായി കാണുന്നത്​. ഭൂമിയുടെ ഗുരുത്വാകർഷണ ഫലമായി ഇവയിൽ ഒരുകൂട്ടം ഉൽക്കകൾ ഭൂമിയോട്​ അടുക്കുകയും, അവ കത്തിനശിക്കുകയും ചെയ്യുന്നതാണ്​ ഉൽകാവർഷമായി കാണപ്പെടുന്നത്​. എല്ലാ വാർഷവും ആഗസ്​റ്റ്​ മാസത്തിൽ ഇത്​ ദൃ​ശ്യമാവുന്നതാണ്​ ജൂലായ്​ 14ന്​ തുടങ്ങുന്ന ഉൽകാ വർഷം സെപ്​റ്റംബർ ആദ്യം വരെ നീണ്ടു നിൽക്കും. ആഗസ്​റ്റ്​ 12,13 ദിവസങ്ങളിൽ ഭൂമിയോട്​ ഏറ്റവും അരികിൽ കൂടുതൽ തിളക്കത്തോടെ ദൃശ്യമാവുന്നു എന്നതാണ്​. സാധാരണ മണിക്കൂറിൽ 40 ഉൽക്കകൾ വരെ കാണുന്നത്​. എന്നാൽ, ശനി, ഞായർ ദിവസങ്ങളിൽ 100 മുതൽ 120 വരെ ഉൽകകൾ ആകാശത്തിൽ വർഷിക്കും.

രാത്രി ഒരു മണിയോടെയാണ്​ കാഴ്ചക്ക്​ കൂടുതൽ തെളിമയുണ്ടാവുക. ഡിസംബറിൽ ​ജെമിനറ്റ്​സ്​ ഉൽക്ക വർഷവും കാണാൻ കഴിയും. ഇപ്പോഴത്തേതിനേക്കാൾ വർണങ്ങളോടെയാണ്​ ഈ ഉൽകാവർഷമെത്തുന്നത്​’