ഫോ​ർ​മു​ല വ​ൺ: മെ​ട്രോ സ​ർ​വി​സ് സ​മ​യം നീ​ട്ടി

ദോ​ഹ: ലെ​ജ​ൻ​ഡ് എ​ൽ ക്ലാ​സി​കോ ഫു​ട്ബാ​ൾ മ​ത്സ​രം ന​ട​ക്കു​ന്ന വ്യാ​ഴാ​ഴ്ച​യും ഫോ​ർ​മു​ല വ​ൺ ഖ​ത്ത​ർ ഗ്രാ​ൻ​ഡ് പ്രീ ​ന​ട​ക്കു​ന്ന ന​വം​ബ​ർ 29, 30, ഡി​സം​ബ​ർ ഒ​ന്ന് തീ​യ​തി​ക​ളി​ലും ദോ​ഹ മെ​ട്രോ​യു​ടെ​യും മെ​ട്രോ ലി​ങ്ക് സ​ർ​വി​സ് ബ​സു​ക​ളു​ടെ​യും സ​മ​യ​ത്തി​ലും സ​ർ​വി​സി​ലും മാ​റ്റം പ്ര​ഖ്യാ​പി​ച്ച് അ​ധി​കൃ​ത​ർ.

വ്യാ​ഴാ​ഴ്ച ഖ​ലീ​ഫ ഇ​ന്റ​ർ​നാ​ഷ​ന​ൽ സ്റ്റേ​ഡി​യ​ത്തി​ലാ​ണ് ലെ​ജ​ൻ​ഡ്സ് എ​ൽ ക്ലാ​സി​കോ മ​ത്സ​രം. ഇ​തേ​ദി​വ​സം സ്റ്റേ​ഡി​യ​ത്തി​ന​രി​കി​ലെ മെ​ട്രോ സ്റ്റേ​ഷ​നാ​യ സ്​​പോ​ർ​ട്സ് സി​റ്റി​യി​ൽ​നി​ന്നു​ള്ള മെ​ട്രോ ലി​ങ്ക് ബ​സി​ന്റെ​യും മെ​ട്രോ എ​ക്സ്പ്ര​സി​ന്റെ​യും സേ​വ​ന​ത്തി​ൽ മാ​റ്റ​മു​ള്ള​താ​യി അ​ധി​കൃ​ത​ർ അ​റി​യി​ച്ചു. എം311 ​മെ​ട്രോ ലി​ങ്ക് സ്​​പോ​ർ​ട്സ് സി​റ്റി​ക്കു പ​ക​രം അ​ൽ സു​ഡാ​ൻ ഷെ​ൽ​ട്ട​ർ ഒ​ന്നി​ൽ​നി​ന്ന് സ​ർ​വി​സ് ന​ട​ത്തും. എം 317 ​ബ​സ് അ​ൽ അ​സി​സി​യ സ്റ്റേ​ഷ​ൻ ഷെ​ൽ​ട്ട​ർ ര​ണ്ടി​ൽ​നി​ന്നാ​ണ് സ​ർ​വി​സ് ന​ട​ത്തു​ന്ന​ത്.

ലു​സൈ​ൽ ഇ​ന്റ​ർ​നാ​ഷ​ന​ൽ സ​ർ​ക്യൂ​ട്ടി​ൽ വെ​ള്ളി​യാ​ഴ്ച ആ​രം​ഭി​ക്കു​ന്ന ഫോ​ർ​മു​ല വ​ൺ ഗ്രാ​ൻ​ഡ് പ്രീ ​മ​ത്സ​ര​ത്തി​ന്റെ ഭാ​ഗ​മാ​യി മെ​​ട്രോ, ട്രാം ​സ​ർ​വി​സ് സ​മ​യ​ങ്ങ​ളി​ൽ മാ​റ്റം പ്ര​ഖ്യാ​പി​ച്ചു. വെ​ള്ളി​യാ​ഴ്ച മെ​ട്രോ 12 മു​ത​ൽ പു​ല​ർ​ച്ച ര​ണ്ടു​മ​ണി​വ​രെ​യും ശ​നി​യാ​ഴ്ച പു​ല​ർ​ച്ച 5.30 മു​ത​ൽ അ​ടു​ത്ത​ദി​വ​സം പു​ല​ർ​ച്ച ഒ​രു​മ​ണി​വ​രെ​യും, ഞാ​യ​റാ​ഴ്ച പു​ല​ർ​ച്ച 5.30 മു​ത​ൽ അ​ടു​ത്ത​ദി​നം പു​ല​ർ​ച്ച ര​ണ്ടു​വ​രെ​യു​മാ​ണ് സ​ർ​വി​സ്.