മൊ​റോ​ക്ക​ൻ താ​രം ഖത്തറിലെത്തുന്നു; സു​ഫി​യാ​ൻ ബൂ​ഫ​ൽ അ​ൽ റ​യ്യാ​നി​ലേ​ക്ക്

ദോ​ഹ: ഖ​ത്ത​ർ ലോ​ക​ക​പ്പി​ൽ അ​വി​സ്മ​ര​ണീ​യ പ്ര​ക​ട​നം ന​ട​ത്തി ലോ​ക​ത്തി​ന്റെ ശ്ര​ദ്ധ​യാ​ക​ർ​ഷി​ച്ച മൊ​റോ​ക്ക​ൻ ടീ​മി​ലെ സു​പ്ര​ധാ​ന താ​ര​ങ്ങ​ളി​ലൊ​രാ​ളാ​യ സു​ഫി​യാ​ൻ ബൂ​ഫ​ൽ ഖ​ത്ത​രി ക്ല​ബാ​യ അ​ൽ റ​യ്യാ​നി​ലേ​ക്ക്. ഫ്ര​ഞ്ച് ലീ​ഗ് വ​ൺ ക്ല​ബാ​യ എ​യ്​​ഞ്ചേ​ഴ്സി​ൽ​നി​ന്നാ​ണ് 29കാ​ര​നാ​യ അ​റ്റാ​ക്കി​ങ് മി​ഡ്ഫീ​ൽ​ഡ​ർ എ​ത്തു​ന്ന​ത്. ബൂ​ഫ​ലി​ന്റെ കൂ​ടു​മാ​റ്റം സം​ബ​ന്ധി​ച്ച് ഖ​ത്ത​രി ക്ല​ബു​മാ​യി ധാ​ര​ണ​യി​​ലെ​ത്തി​യ​താ​യി എ​യ്​​ഞ്ചേ​ഴ്സ് വെ​ളി​പ്പെ​ടു​ത്തി. ഖ​ത്ത​റി​ൽ വൈ​ദ്യ പ​രി​ശോ​ധ​ന​ക്ക് പു​റ​പ്പെ​ടാ​ൻ ബൂ​ഫ​ലി​ന് അ​നു​മ​തി ന​ൽ​കി​യ​താ​യി ഫ്ര​ഞ്ച് ക്ല​ബ് പ​ത്ര​ക്കു​റി​പ്പി​ൽ അ​റി​യി​ച്ചു.

ലോ​ക​ക​പ്പി​ന്റെ സെ​മി ഫൈ​ന​ലി​ലെ​ത്തു​ന്ന ആ​ദ്യ അ​റ​ബ്, ആ​ഫ്രി​ക്ക​ൻ ടീ​മാ​യി പേ​രെ​ടു​ത്ത മൊ​റോ​ക്കോ ത​ക​ർ​പ്പ​ൻ ക​ളി കെ​ട്ട​ഴി​ച്ച് ലോ​ക​ത്തെ​ങ്ങു​മു​ള്ള ക​ളി​ക്ക​മ്പ​ക്കാ​രു​ടെ ഹൃ​ദ​യം ക​വ​ർ​ന്നി​രു​ന്നു. ഇ​തി​നു​പി​ന്നാ​ലെ മൊ​റോ​ക്ക​ൻ ക​ളി​ക്കാ​ർ​ക്ക് ട്രാ​ൻ​സ്ഫ​ർ മാ​ർ​ക്ക​റ്റി​ൽ ഡി​മാ​ൻ​ഡ് ​ഉ​യ​ർ​ന്നു. എ​യ്ഞ്ചേ​ഴ്സി​ലെ മ​റ്റൊ​രു മൊ​റോ​ക്ക​ൻ താ​ര​മാ​യ അ​സ്സ​ദി​ൻ ഔ​നാ​ഹി​യും ജ​നു​വ​രി​യി​ൽ കൂ​ടു​മാ​റി​യി​രു​ന്നു. ഫ്ര​ഞ്ച് ലീ​ഗി​ലെ ത​ന്നെ മാ​ഴ്സെ​യി​ലേ​ക്കാ​ണ് ഔ​നാ​ഹി ചേ​ക്കേ​റി​യ​ത്.

2012ൽ ​എ​യ്ഞ്ചേ​ഴ്സി​ലൂ​ടെ പ്ര​ഫ​ഷ​ന​ൽ ക​രി​യ​റി​ന് തു​ട​ക്ക​മി​ട്ട ബൂ​ഫ​ൽ, 2015ൽ ​ഫ്രാ​ൻ​സി​ലെ ത​ന്നെ ലി​ല്ലെ​യി​ലേ​ക്ക് മാ​റി​യി​രു​ന്നു. 2016 മു​ത​ൽ 2020 വ​രെ ഇം​ഗ്ലീ​ഷ് പ്രീ​മി​യ​ർ ലീ​ഗ് ക്ല​ബാ​യ സ​താം​പ്ട​ണി​ന്റെ അ​ണി​യി​ലാ​യി​രു​ന്നു. ഇ​തി​നി​ട​യി​ൽ വാ​യ്പാ​ടി​സ്ഥാ​ന​ത്തി​ൽ ഒ​രു സീ​സ​ണി​ൽ സ്പാ​നി​ഷ് ലീ​ഗി​ൽ സെ​ൽ​റ്റ വി​ഗോ​ക്കു​വേ​ണ്ടി​യും ബൂ​ട്ട​ണി​ഞ്ഞു.

2020ൽ ​എ​യ്ഞ്ചേ​ഴ്സി​ൽ തി​രി​ച്ചെ​ത്തി. ശേ​ഷം എ​യ്ഞ്ചേ​ഴ്സ് നി​ര​യി​ൽ 56 മ​ത്സ​ര​ങ്ങ​ളി​ൽ​നി​ന്ന് 13 ഗോ​ൾ നേ​ടി. മൊ​റോ​ക്കോ ദേ​ശീ​യ ടീ​മി​നു​വേ​ണ്ടി ക​ഴി​ഞ്ഞ ലോ​ക​ക​പ്പി​ൽ ഉ​ൾ​പ്പെ​ടെ 39 മ​ത്സ​ര​ങ്ങ​ളി​ൽ ക​ള​ത്തി​ലി​റ​ങ്ങി. ആ​റു ഗോ​ളാ​ണ് സ​മ്പാ​ദ്യം. ലോ​ക​ക​പ്പി​നു​ശേ​ഷം യൂ​റോ​പ്യ​ൻ ടീ​മു​ക​ളി​ൽ പ​ല​തും ബൂ​ഫ​ലി​ൽ നോ​ട്ട​മി​ട്ടി​രു​ന്നു. അ​തെ​ല്ലാം നി​ര​സി​ച്ചാ​ണ് താ​രം ഖ​ത്ത​റി​ലേ​ക്ക് പ​റ​ക്കു​ന്ന​ത്.