മു​ന്നേ​റ്റ​ത്തി​ന്​ മൂ​ർ​ച്ച​യു​മാ​യി മു​ൻ​താ​രി വ​രു​ന്നു

ദോ​ഹ: ലോ​ക​ക​പ്പ്​ യോ​ഗ്യ​ത റൗ​ണ്ടി​ലെ പോ​രാ​ട്ട​ങ്ങ​ൾ നി​ർ​ണാ​യ​ക ഘ​ട്ട​ത്തി​ലേ​ക്ക്​ നീ​ങ്ങ​വേ പ​രി​ക്കി​ൽ​നി​ന്നും മോ​ചി​ത​നാ​യ സീ​നി​യ​ർ സ്​​ട്രൈ​ക്ക​ർ മു​ഹ​മ്മ​ദ്​ മു​ൻ​താ​രി​യെ തി​രി​കെ വി​ളി​ച്ച്​ ഖ​ത്ത​ർ ദേ​ശീ​യ ടീം ​പ​രി​ശീ​ല​ക​ൻ മാ​ർ​ക്വേ​സ്​ ലോ​പ​സ്. ന​വം​ബ​ർ 14ന്​ ​ദോ​ഹ​യി​ലെ ജാ​സിം ബി​ൻ ഹ​മ​ദ്​ സ്റ്റേ​ഡി​യ​ത്തി​ൽ ന​ട​ക്കു​ന്ന ഉ​സ്​​ബ​കി​സ്താ​നെ​തി​രാ​യ ഖ​ത്ത​റി​ന്റെ ലോ​ക​ക​പ്പ്​ യോ​ഗ്യ​ത മ​ത്സ​ര​ത്തി​നു​ള്ള 27 അം​ഗ ടീ​മി​ലാ​ണ്​ 30കാ​ര​നാ​യ മു​ൻ​താ​രി​യെ ഉ​ൾ​പ്പെ​ടു​ത്തി​യ​ത്.

ഈ ​വ​ർ​ഷ​മാ​ദ്യം ന​ട​ന്ന ഏ​ഷ്യ​ൻ ക​പ്പി​നു​ള്ള ത​യാ​റെ​ടു​പ്പി​നി​ടെ കം​ബോ​ഡി​യ​ക്കെ​തി​രാ​യ മ​ത്സ​ര​ത്തി​ൽ കാ​ൽ​മു​ട്ടി​ന് പ​രി​ക്കേ​റ്റാ​ണ്​ മു​ൻ​താ​രി പു​റ​ത്താ​യ​ത്. ശ​സ്​​ത്ര​ക്രി​യ​ക്ക്​ വി​ധേ​യ​നാ​യ താ​ര​ത്തി​ന്​ ഏ​ഷ്യ​ൻ ക​പ്പും, അ​റേ​ബ്യ​ൻ ഗ​ൾ​ഫ്​ ക​പ്പും ന​ഷ്​​ട​മാ​യി.

ഒ​ക്​​ടോ​ബ​റി​ൽ ഖ​ത്ത​ർ സ്റ്റാ​ർ​സ്​ ലീ​ഗി​ൽ അ​ൽ ഗ​റാ​ഫ​യി​ലൂ​ടെ തി​രി​കെ​യെ​ത്തി​യ താ​രം അ​ൽ ദു​ഹൈ​ലി​നെ​തി​രാ​യ മ​ത്സ​ര​ത്തി​ൽ ഗോ​ള​ടി​ച്ച്​ വ​ര​വ​റി​യി​ച്ചി​രു​ന്നു. അ​തി​നു പി​റ​കെ​യാ​ണ്​ ദേ​ശീ​യ ടീ​മി​ലേ​ക്ക്​ വി​ളി​യെ​ത്തു​ന്ന​ത്.

​14ന്​ ​ഉ​സ്​​ബ​കി​സ്താ​നെ​യും, 19ന്​ ​അ​ൽ ഐ​നി​ൽ യു.​എ.​ഇ​യെ​യും നേ​രി​ടാ​നു​ള്ള ടീ​മി​നെ​യാ​ണ്​ പ്ര​ഖ്യാ​പി​ച്ച​ത്. നാ​ല്​ മ​ത്സ​ര​ങ്ങ​ൾ പൂ​ർ​ത്തി​യാ​ക്കി​യ ഗ്രൂ​പ് റൗ​ണ്ടി​ൽ ഒ​രോ ജ​യ​വും സ​മ​നി​ല​യും ഒ​പ്പം ര​ണ്ട്​ തോ​ൽ​വി​യു​മു​ള്ള ഖ​ത്ത​ർ നാ​ല്​ പോ​യ​ൻ​റു​മാ​യി നാ​ലാം സ്ഥാ​ന​ത്താ​ണ്. ഇ​റാ​ൻ (10), ഉ​സ്​​ബ​കി​സ്താ​ൻ (10), യു.​എ.​ഇ (4) എ​ന്നി​വ​രാ​ണ്​ മു​ന്നി​ലു​ള്ള​ത്. ആ​റ്​ മ​ത്സ​ര​ങ്ങ​ളാ​ണ്​ ശേ​ഷി​ക്കു​ന്ന​ത്. ആ​ദ്യ ര​ണ്ട്​ സ്​​ഥാ​ന​ക്കാ​ർ​ക്കാ​വും ലോ​ക​ക​പ്പി​ലേ​ക്ക്​ നേ​രി​ട്ട്​ യോ​ഗ്യ​ത നേ​ടാ​ൻ അ​വ​സ​രം.