‘വ​ൺ മി​ല്യ​ൺ സ​ർ​ജ​റി’​പ​ദ്ധ​തി​യു​മാ​യി ന​സീം ഹെ​ൽ​ത്ത്കെ​യ​ർ

ദോ​ഹ: ന​സീം സ​ർ​ജി​ക്ക​ൽ സെ​ന്റ​റി​ൽ ശ​സ്ത്ര​ക്രി​യ ആ​വ​ശ്യ​മു​ള്ള രോ​ഗി​ക​ൾ​ക്ക്‌ ത​ങ്ങ​ളു​ടെ സാ​മൂ​ഹി​ക പ്ര​തി​ബ​ദ്ധ​ത​യു​ടെ ഭാ​ഗ​മാ​യി ധ​ന​സ​ഹാ​യം ന​ൽ​കു​ന്ന ‘വ​ൺ മി​ല്യ​ൺ സ​ർ​ജ​റി പ​ദ്ധ​തി’​ക്ക് തു​ട​ക്ക​മി​ടു​ന്നു. അ​ർ​ഹ​ർക്ക് ശ​സ്ത്ര​ക്രി​യ​ക്കാ​യി പ​ത്തു ല​ക്ഷം ഖ​ത്ത​ർ റി​യാ​ൽ (2.25 കോ​ടി ഇ​ന്ത്യ​ൻ രൂ​പ) സാ​മ്പ​ത്തി​ക സ​ഹാ​യം ന​ൽ​കു​ന്ന​താ​ണ് പ​ദ്ധ​തിയെന്ന് ന​സീം മെ​ഡി​ക്ക​ൽ സെ​ന്റ​റി​ൽ ന​ട​ന്ന വാ​ർ​ത്ത​സ​മ്മേ​ള​ന​ത്തി​ൽ അറിയിച്ചു.

എം​ബ​സി​ക​ൾ, സോ​ഷ്യ​ൽ, ക​മ്യൂ​ണി​റ്റി, ചാ​രി​റ്റ​ബി​ൾ അ​സോ​സി​യേ​ഷ​നു​ക​ൾ, പ്ര​മു​ഖ വ്യ​ക്തി​ക​ൾ, മീ​ഡി​യാ ഹൗ​സു​ക​ൾ എ​ന്നി​വ​ർ ശി​പാ​ർ​ശ ചെ​യ്യു​ന്ന സാ​ധു​വാ​യ ഖ​ത്ത​ർ ഐ​ഡി​യുള്ള ഖ​ത്ത​ർ നി​വാ​സി​ക​ളെ ഉ​ദ്ദേ​ശി​ച്ചാ​ണ് പ​ദ്ധ​തി. സാ​മ്പ​ത്തി​മാ​യി പി​ന്നാ​ക്കം നി​ൽ​ക്കു​ന്ന​വ​ർ​ക്ക് അ​ടി​യ​ന്ത​ര ശ​സ്ത്ര​ക്രി​യ​ക​ൾ​ക്കാ​യി വ്യ​ക്തി​പ​ര​മാ​യും സ​മീ​പി​ക്കാം. ന​സീം ഹെ​ൽ​ത്ത്കെ​യ​ർ ഡോ​ക്ട​ർ​മാ​ർ രോ​ഗ​നി​ർ​ണ​യം ന​ട​ത്തി​ ശ​സ്ത്ര​ക്രി​യ ആ​വ​ശ്യ​മു​ള്ള​വ​ർ​ക്ക് അം​ഗീ​കാ​ര​ത്തി​നാ​യി ഉ​ന്ന​ത സ​മി​തി​ക്ക് സ​മ​ർ​പ്പി​ക്കും. ഇ​തി​ന് അം​ഗീ​കാ​രം ല​ഭി​ച്ചാ​ൽ ശ​സ്ത്ര​ക്രി​യ ചെ​യ്യാം.

‘എ​ല്ലാ​വ​ർ​ക്കും ഉ​യ​ർ​ന്ന നി​ല​വാ​ര​മു​ള്ള ആ​രോ​ഗ്യ സം​ര​ക്ഷ​ണം ല​ഭ്യ​മാ​ണെ​ന്ന് ഉ​റ​പ്പു​വ​രു​ത്തു​ന്ന​തി​നു​മു​ള്ള ന​സീം ഹെ​ൽ​ത്ത് കെ​യ​റി​ന്റെ സ​മ​ർ​പ്പ​ണ​മാ​ണ് ഈ ​സം​രം​ഭം. ആ​വ​ശ്യ​മു​ള്ള​വ​ർ​ക്ക് സ​ഹാ​യം ന​ൽ​കു​ന്ന​തി​ൽ ഞ​ങ്ങ​ൾ​ക്ക് ഏ​റെ സ​ന്തോ​ഷ​മു​ണ്ട്’-​ന​സീം ഹെ​ൽ​ത്ത് കെ​യ​ർ മാ​നേ​ജി​ങ് ഡ​യ​റ​ക്ട​റും 33 ഹോ​ൾ​ഡി​ങ്സി​ന്റെ സി.​എം.​ഡി​യു​മാ​യ വി.​പി. മു​ഹ​മ്മ​ദ് മി​യാ​ൻ​ദാ​ദ് വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

ഓ​പ​റേ​ഷ​ൻ തി​യ​റ്റ​ർ ചാ​ർ​ജു​ക​ൾ, അ​ന​സ്തേ​ഷ്യ ഫീ​സ്, ശ​സ്ത്ര​ക്രി​യാ ഫീ​സ്, 48 മ​ണി​ക്കൂ​ർ വാ​ർ​ഡ് ബെ​ഡ് ചാ​ർ​ജ്, ഒ.​ടി ക​ൺ​സ്യൂ​മ​ബി​ൾ​സ് എ​ന്നി​വ സ​ഹാ​യ​ത്തി​ൽ ഉ​ൾ​പ്പെ​ടു​ന്നു. സൗ​ന്ദ​ര്യ ശ​സ്ത്ര​ക്രി​യ​ക​ൾ, വി.​ഐ.​പി മു​റി​ക​ൾ, പ്ര​ത്യേ​ക ടെ​സ്റ്റു​ക​ൾ, പ്ര​ത്യേ​ക ഇം​പ്ലാ​ന്റു​ക​ൾ എ​ന്നി​വ​ക്ക് സ​ഹാ​യം കി​ട്ടി​ല്ല. ന​സീം സ​ർ​ജി​ക്ക​ൽ സെ​ന്റ​റി​ൽ ന​ട​ത്തു​ന്ന ശ​സ്ത്ര​ക്രി​യ​ക​ൾ​ക്ക് മാ​ത്ര​മാ​ണ് ധ​ന​സ​ഹാ​യം. അ​ത് ശ​സ്ത്ര​ക്രി​യ ബി​ല്ലി​ൽ ക്ര​മീ​ക​രി​ക്കും. പ​ണ​മാ​യി ന​ൽ​കി​ല്ല. രോ​ഗി​യു​ടെ സാ​മ്പ​ത്തി​ക സ്ഥി​തി​യെ ആ​ശ്ര​യി​ച്ച് സാ​മ്പ​ത്തി​ക സ​ഹാ​യ​ത്തി​ന്റെ തു​ക ഭാ​ഗി​ക​മോ പൂ​ർ​ണ​മോ ആ​യി​രി​ക്കു​മെ​ന്നും അ​ധി​കൃ​ത​ർ വ്യ​ക്ത​മാ​ക്കി.ശി​പാ​ർ​ശ ചെ​യ്യാ​ൻ ആ​ഗ്ര​ഹി​ക്കു​ന്ന​വ​ർ പ്ര​ത്യേ​ക പ്രോ​ഗ്രാം ടീ​മി​നെ 66224081, 30806833 എ​ന്നീ ന​മ്പ​റു​ക​ളി​ൽ ബ​ന്ധ​പ്പെ​ട​ണ​മെ​ന്ന് ജ​ന​റ​ൽ മാ​നേ​ജ​ർ ഡോ. ​മു​നീ​ർ അ​ലി ഇ​ബ്രാ​ഹിം പ​റ​ഞ്ഞു. അ​ർ​ഹ​രാ​യ രോ​ഗി​ക​ൾ​ക്ക് ഈ ​ആ​നു​കൂ​ല്യ​ങ്ങ​ൾ ന​ൽ​കു​ന്ന​തി​നാ​യി വി​വി​ധ സാ​മൂ​ഹി​ക സം​ഘ​ട​ന​ക​ളു​മാ​യും എം​ബ​സി​ക​ളു​മാ​യും സ​ഹ​ക​രി​ച്ച് മെ​ഡി​ക്ക​ൽ, സ​ർ​ജി​ക്ക​ൽ ക്യാ​മ്പു​ക​ൾ ന​ട​ത്തു​മെ​ന്നും ഡോ. ​മു​നീ​ർ കൂ​ട്ടി​ച്ചേ​ർ​ത്തു.

‘ന​സീം ഈ​യി​ടെ ആ​രം​ഭി​ച്ച സ​ർ​ജി​ക്ക​ൽ സെ​ന്റ​ർ പൂ​ർ​ണ​മാ​യും ശ​സ്ത്ര​ക്രി​യ​ക്കാ​യി സ​മ​ർ​പ്പി​ച്ചി​രി​ക്കു​ന്നു. ജ​ന​റ​ൽ സ​ർ​ജ​റി, ഓ​ർ​ത്തോ​പീ​ഡി​ക് സ​ർ​ജ​റി, ലാ​പ്രോ​സ്കോ​പ്പി​ക് സ​ർ​ജ​റി, ഗൈ​ന​ക്കോ​ള​ജി തു​ട​ങ്ങി​യ വി​ഭാ​ഗ​ങ്ങ​ളി​ലെ 100ല​ധി​കം പ്ര​ധാ​ന ശ​സ്ത്ര​ക്രി​യ​ക്കാ​യി വൈ​ദ​ഗ്‌​ധ്യ​മു​ള്ള 30ല​ധി​കം ഡോ​ക്ട​ർ​മാ​രു​ടെ ടീ​മും സ്റ്റാ​ഫും പ്ര​വ​ർ​ത്തി​ക്കു​ന്നു. യൂ​റോ​ള​ജി, ഇ.​എ​ൻ.​ടി, ഓ​റ​ൽ ആ​ൻ​ഡ് മാ​ക്സി​ലോ​ഫേ​ഷ്യ​ൽ സ​ർ​ജ​റി, ഡ​യ​ഗ്നോ​സ്റ്റി​ക് ആ​ൻ​ഡ് തെ​റ​പ്പി​ക് ഗ്യാ​സ്ട്രോ ഇ​ന്റ​സ്റ്റൈ​ന​ൽ എ​ൻ​ഡോ​സ്കോ​പ്പി എ​ന്നീ സൗ​ക​ര്യ​ങ്ങ​ളു​മു​ണ്ടെ​ന്ന് ന​സീം സ​ർ​ജി​ക്ക​ൽ സെ​ന്റ​ർ ജ​ന​റ​ൽ സ​ർ​ജ​ൻ ഡോ. ​മു​ദ്ദ​സ​ർ റ​ഹാ​ൻ പ​റ​ഞ്ഞു.