ആകാശത്തെ ‘നെറ്റ് സീറോ’ 2050ൽ അസാധ്യം - ഖത്തർ എയർവേസ് സി.ഇ.ഒ

ദോ​ഹ: ഹ​രി​ത​ഗൃ​ഹ വാ​ത​ക​ങ്ങ​ൾ പു​റ​ന്ത​ള്ളു​ന്ന നി​ര​ക്ക് പൂ​ജ്യ​ത്തി​ലെ​ത്തി​ക്കു​ക എ​ന്ന ‘നെ​റ്റ് സീ​റോ എ​മി​ഷ​ൻ’ ല​ക്ഷ്യം വ്യോ​മ​യാ​ന വ്യ​വ​സാ​യ മേ​ഖ​ല​ക്ക് ഏ​റെ അ​ക​ലെ​യു​ള്ള ല​ക്ഷ്യ​മെ​ന്ന് ഖ​ത്ത​ർ എ​യ​ർ​വേ​സ് സി.​ഇ.​ഒ അ​ക്ബ​ർ അ​ൽ ബാ​കി​ർ. 2050ൽ ​നെ​റ്റ് സീ​റോ എ​മി​ഷ​നി​ലെ​ത്തു​ക എ​ന്ന​ത് സ​മീ​പ​കാ​ല​ത്ത് കൈ​വ​രി​ക്കാ​ൻ പോ​കു​ന്നി​ല്ലെ​ന്ന് അ​ദ്ദേ​ഹം പ​റ​ഞ്ഞു. എ​യ​ർ​ലൈ​നു​ക​ളു​ടെ പി.​ആ​ർ വ്യാ​യാ​മം മാ​ത്ര​മാ​ണ് ഇ​തെ​ന്നും അ​ദ്ദേ​ഹം പ​രി​ഹ​സി​ച്ചു.

ഇ​ക്കാ​ര്യ​ത്തി​ൽ നാം ​സ്വ​യം വി​ഡ്ഢി​ക​ളാ​ക​രു​തെ​ന്നും 2030ലെ ​ല​ക്ഷ്യ​ങ്ങ​ളി​ൽ പോ​ലും നാം ​എ​ത്തു​ക​യി​ല്ലെ​ന്നും സി.​എ​ൻ.​എ​ന്നി​ന് ന​ൽ​കി​യ പ്ര​ത്യേ​ക അ​ഭി​മു​ഖ​ത്തി​ൽ അ​ൽ ബാ​കി​ർ വ്യ​ക്ത​മാ​ക്കി. ഇ​ക്കാ​ര്യം ഉ​റ​പ്പു​പ​റ​യാ​കാ​നു​ക​മെ​ന്നും സു​സ്ഥി​ര വ്യോ​മ​യാ​ന ഇ​ന്ധ​ന​ത്തി​നാ​വ​ശ്യ​മാ​യ (എ​സ്.​എ.​എ​ഫ്) അ​സം​സ്‌​കൃ​ത വ​സ്തു​ക്ക​ൾ ന​മു​ക്ക് ല​ഭ്യ​മ​ല്ലെ​ന്നും അ​ൽ ബാ​കി​ർ ചൂ​ണ്ടി​ക്കാ​ട്ടി.

അ​യാ​ട്ട (ഇ​ന്റ​ർ​നാ​ഷ​ന​ൽ എ​യ​ർ ട്രാ​ൻ​സ്‌​പോ​ർ​ട്ട് അ​സോ​സി​യേ​ഷ​ൻ)​യു​ടെ വാ​ർ​ഷി​ക യോ​ഗ​ത്തി​നി​ടെ​യാ​ണ് സി.​എ​ൻ.​എ​ന്നു​മാ​യി അ​ഭി​മു​ഖം ന​ട​ന്ന​ത്. 2050ഓ​ടെ കാ​ർ​ബ​ൺ പു​റ​ന്ത​ള്ള​ൽ പൂ​ജ്യ​മാ​ക്കാ​നു​ള്ള റോ​ഡ് മാ​പ് പ്ര​ഖ്യാ​പ​ന​വും യോ​ഗ​ത്തി​ൽ ന​ട​ന്നി​രു​ന്നു.

നി​ല​വി​ൽ ഉ​ൽ​പാ​ദി​പ്പി​ക്കു​ന്ന എ​സ്.​എ.​എ​ഫി​ന്റെ അ​ള​വ് ക​ണ​ക്കി​ലെ​ടു​ക്കു​മ്പോ​ൾ ഏ​വി​യേ​ഷ​ൻ മേ​ഖ​ല​യു​ടെ ല​ക്ഷ്യ​ങ്ങ​ൾ സ​മീ​പ​കാ​ല​ത്ത് യാ​ഥാ​ർ​ഥ്യ​മാ​വു​ക​യി​ല്ലെ​ന്നും എ​യ​ർ​ലൈ​ൻ മേ​ഖ​ല​യി​ലെ ദീ​ർ​ഘ​കാ​ല പ​രി​ച​യ​സ​മ്പ​ത്തു​ള്ള എ​ക്‌​സി​ക്യൂ​ട്ടി​വു​ക​ളി​ലൊ​രാ​ളും അ​യാ​ട്ട ചെ​യ​ർ​മാ​നു​മാ​യ അ​ൽ​ബാ​കി​ർ വ്യ​ക്ത​മാ​ക്കി.

അ​തേ​സ​മ​യം, 2050ൽ ​നെ​റ്റ് സീ​റോ ആ​വു​ക​യെ​ന്ന ല​ക്ഷ്യം മു​ൻ​നി​ർ​ത്തി 2030ഓ​ടെ എ​സ്.​എ.​എ​ഫി​ന്റെ ഉ​പ​യോ​ഗം വ​ർ​ധി​പ്പി​ക്കു​മെ​ന്ന് യോ​ഗ​ത്തി​നി​ടെ അ​യാ​ട്ട പ്ര​തി​ജ്ഞ​യെ​ടു​ത്തു. ഈ ​ല​ക്ഷ്യ​ങ്ങ​ൾ നേ​ടും അ​ല്ലെ​ങ്കി​ൽ അ​ത് ന​ട​പ്പാ​ക്കും. അ​തു​മ​ല്ലെ​ങ്കി​ൽ ഇ​തെ​ല്ലാം സാ​ക്ഷാ​ത്ക​രി​ക്കു​മെ​ന്ന് പ​റ​യു​ന്ന​ത് കേ​വ​ലം ഒ​രു പി.​ആ​ർ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​ണെ​ന്നും എ​ന്നാ​ൽ ആ ​ല​ക്ഷ്യം നേ​ടു​ക​യെ​ന്ന​ത് അ​പ്രാ​പ്യ​മാ​ണെ​ന്നും ആ​വ​ർ​ത്തി​ച്ചു. ല​ക്ഷ്യം ഒ​രി​ക്ക​ലും എ​ത്തി​പ്പി​ടി​ക്കാ​ൻ ക​ഴി​യി​ല്ലെ​ന്ന് പ​റ​യി​ല്ല. എ​ന്നാ​ൽ, 2050 എ​ന്ന സ​മ​യ​പ​രി​ധി ഇ​തി​ന് മ​തി​യാ​വു​ക​യി​ല്ലെ​ന്നും ന​മ്മ​ൾ ഏ​റെ പി​റ​കി​ലാ​ണെ​ന്നും കൂ​ട്ടി​ച്ചേ​ർ​ത്തു. സി.​എ​ൻ.​എ​ൻ പു​റ​ത്തു​വി​ട്ട ക​ണ​ക്കു​ക​ൾ പ്ര​കാ​രം നെ​റ്റ് സീ​റോ എ​ന്ന ല​ക്ഷ്യ​ത്തി​ലേ​ക്ക് ആ​വ​ശ്യ​മാ​യ എ​സ്.​എ.​എ​ഫ് ഉ​ൽ​പാ​ദ​നം ഇ​പ്പോ​ഴും 0.1 ശ​ത​മാ​ന​ത്തി​നും താ​ഴെ​യാ​ണ്.