ഖത്തർ കസ്റ്റംസിന്​ പുതിയ ലോഗോ

ദോഹ: മാറുന്നകാലത്തിനൊത്ത്​ ലോഗോയും മാറ്റി ഖത്തർ കസ്റ്റംസ്​. ജനറൽ അതോറി​റ്റി ഓഫ്​ കസ്റ്റംസിന്‍റെ പുതിയ ഔദ്യോഗിക ലോഗോ ധനകാര്യ മന്ത്രി അലി ബിൻ അഹമ്മദ്​ അൽ കുവാരിയും, ജനറൽ അതോറി​റ്റി ഓഫ്​ കസ്റ്റംസ്​ ചെയർമാൻ അഹമ്മദ്​ ബിൻ അബ്​ദുല്ല അൽ ജമാലും ചേർന്ന്​ പുറത്തിറക്കി. ജനറൽ ടാക്സ്​ അതോറിറ്റി ചെയർമാൻ അഹമ്മദ്​ ബിൻഈസ അൽ മുഹന്നദി ഉൾപ്പെടെ മുതിർന്ന ഉദ്യോഗസ്ഥർ പ​ങ്കെടുത്തു.

ലോക കസ്റ്റംസ്​ ദിനമായ ജനുവരി 26നായിരുന്നു ഖത്തർ കസ്റ്റംസിന്‍റെ പുതിയ ലോഗോയും പുറത്തിറങ്ങിയത്​. അറേബ്യൻ മണ്ണിന്‍റെ പ്രിയപ്പെട്ട പക്ഷിയായ ഫാൽകണിന്‍റെ കണ്ണുകളോട്​ സാദൃശ്യവുമായാണ്​ പുതിയ ലോഗോ തയാറാക്കിയത്​. ഫാൽകൺ പക്ഷിയെ പോലെ സൂക്ഷ്മ കാഴ്ച, നിരന്തരമായ ജാഗ്രത, വിവിധ സാഹചര്യങ്ങളിൽ നിയന്ത്രണം എന്നിവ സൂചിപ്പിക്കുന്നതാണ്​ പുതിയ ലോഗോ. ഇംഗ്ലീഷ്​ അക്ഷരമാലയിൽ 'കസ്റ്റംസ്​' എന്ന വാക്കിന്‍റെ ആദ്യ അക്ഷരമായ 'സി'യും, അറബി അക്ഷരമാലയിലെ ആദ്യ അക്ഷരവും ലോഗോയിൽ അടയാളപ്പെടുത്തിയിട്ടുണ്ട്​. രണ്ട്​ ആരോ അടയാളങ്ങൾ ഖത്തറിന്‍റെ കയറ്റുമതിയും ഇറക്കുമതിയും സംബന്ധിച്ചാണ്​ സൂചന നൽകുന്നത്​.

പുതിയ കാലത്തിന്‍റെ കാഴ്ചപ്പാടും ദൃശ്യഭംഗിയും കൂടി ഉൾപ്പെടുത്തിയാണ്​ ലോഗോ തയാറാക്കിയത്​.