എ​ണ്ണ പ്ലാ​ന്റു​ക​ൾ​ക്ക​രി​കിലേ​ക്ക് അ​തി​ക്ര​മി​ച്ചു ക​ട​ക്ക​രു​ത്​

ദോ​ഹ: മ​ത്സ്യ​ബ​ന്ധ​ന​ത്തി​ൽ ഏ​ർ​പ്പെ​ടു​ന്ന​വ​ർ​ക്കും ക​ട​ലി​ലേ​ക്ക്​ പോ​കു​ന്ന​വ​ർ​ക്കും മു​ന്ന​റി​യി​പ്പു​മാ​യി ഖ​ത്ത​ർ ആ​ഭ്യ​ന്ത​ര മ​ന്ത്രാ​ല​യം. പു​റം​ക​ട​ലി​ലെ ഓ​യി​ൽ പ്ലാ​ന്റു​ക​ൾ​ക്ക്​ സ​മീ​പ​ത്തേ​ക്ക്​ പ്ര​വേ​ശി​ക്കു​ന്ന​വ​ർ​ക്ക്​ ക​ന​ത്ത പി​ഴ​യും ജ​യി​ൽ ശി​ക്ഷ​യും അ​നു​ഭ​വി​ക്കേ​ണ്ടി വ​രു​മെ​ന്ന്​ മ​ന്ത്രാ​ല​യം മു​ന്ന​റി​യി​പ്പ്​ ന​ൽ​കി.

മാ​രി​ടൈം പെ​ട്രോ​ളി​യം, ഗ്യാ​സ്​ ഇ​ൻ​സ്​​​റ്റ​ലേ​ഷ​നു​ക​ളു​ടെ സം​രം​ക്ഷ​ണം സം​ബ​ന്ധി​ച്ച 2004ലെ ​നി​യ​മ പ്ര​കാ​രം സം​ര​ക്ഷി​ത മേ​ഖ​ല​ക​ളി​ലേ​ക്ക്​ അ​തി​ക്ര​മി​ച്ചു ക​ട​ക്കു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്ന്​ ആ​ഭ്യ​ന്ത​ര മ​ന്ത്രാ​ല​യം സ​മൂ​ഹ മാ​ധ്യ​മ പേ​ജി​ലൂ​ടെ ഓ​ർ​മി​പ്പി​ച്ചു. ആ​ര്‍ട്ടി​ക്കി​ള്‍ മൂ​ന്ന്​ പ്ര​കാ​രം, 500 മീ​റ്റ​റി​ല്‍ താ​ഴെ​യു​ള്ള ദൂ​ര​പ​രി​ധി​ക്കു​ള്ളി​ല്‍ അ​ന​ധി​കൃ​ത​മാ​യി ആ​രും ഓ​ഫ്‌​ഷോ​ര്‍ പ്ലാ​ന്റു​ക​ളു​ടെ പ്ര​ദേ​ശ​ത്തേ​ക്ക് പോ​ക​രു​ത്.

ആ​ര്‍ട്ടി​ക്കി​ള്‍ നാ​ല്​ പ്ര​കാ​രം ഓ​ഫ്‌​ഷോ​ര്‍ പ്ലാ​ന്റു​ക​ളി​ല്‍നി​ന്ന് 500 മീ​റ്റ​റി​ല്‍ താ​ഴെ മേ​ഖ​ല​യി​ൽ മ​ത്സ്യ​ബ​ന്ധ​നം ന​ട​ത്തു​ക​യോ മ​ത്സ്യ​ബ​ന്ധ​ന ഉ​പ​ക​ര​ണ​ങ്ങ​ള്‍ ഉ​പേ​ക്ഷി​ക്കു​ക​യോ ചെ​യ്യു​ന്ന​ത് നി​രോ​ധി​ച്ചി​ട്ടു​ണ്ടെ​ന്നും മ​ന്ത്രാ​ല​യം വ്യ​ക്ത​മാ​ക്കി.ഏ​തെ​ങ്കി​ലും സാ​ഹ​ച​ര്യ​ത്തി​ൽ എ​ണ്ണ, വാ​ത​ക മേ​ഖ​ല​യു​ടെ 500 മീ​റ്റ​ർ പ​രി​ധി​ക്കു​ള്ളി​ൽ പ്ര​വേ​ശി​ച്ചാ​ൽ ഒ​രു ല​ക്ഷം റി​യാ​ൽ പി​ഴ​യും മൂ​ന്നു വ​ർ​ഷം വ​രെ ത​ട​വും അ​നു​ഭ​വി​ക്കേ​ണ്ടി വ​രും. ചി​ല​പ്പോ​ൾ ഇ​വ ര​ണ്ടും ചു​മ​ത്തും.

മ​ന​പ്പൂ​ർ​വ​മ​ല്ലാ​ത്ത അ​ട്ടി​മ​റി ശ്ര​മ​ങ്ങ​ൾ ന​ട​ത്തി​യാ​ൽ ര​ണ്ട്​ ല​ക്ഷം പി​ഴ​യും മൂ​ന്നു​വ​ർ​ഷം വ​രെ ത​ട​വും, ബോ​ധ​പൂ​ർ​വ​മാ​യ അ​ട്ടി​മ​റി പ്ര​വൃ​ത്തി​ക​ളു​ടെ ഭാ​ഗ​മാ​യാ​ൽ അ​ഞ്ചു ല​ക്ഷം റി​യാ​ൽ പി​ഴ​യും 20 വ​ർ​ഷം ത​ട​വു​മാ​ണ്​ ശി​ക്ഷ.