പൊലിമയോടെ ഓണാഘോഷം

ദോഹ: ആഘോഷങ്ങളോടെ വ്യാഴാഴ്ച ലോകമെങ്ങുമുള്ള മലയാളികൾക്കൊപ്പം ഖത്തറിലെ പ്രവാസികൾക്കും തിരുവോണാഘോഷത്തിരക്ക്.

രണ്ടുവർഷത്തെ കോവിഡ് നിയന്ത്രണങ്ങളിൽനിന്ന് മോചിതരായി മാസ്കില്ലാതെയും വിലക്കുകൾ കുറഞ്ഞുമാണ് പ്രവാസം ഓണത്തെ വരവേൽക്കുന്നത്. കഴിഞ്ഞ ദിവസങ്ങളിൽതന്നെ വിവിധ സംഘടനകളുടെയും കൂട്ടായ്മകളുടെയും സൗഹൃദകൂട്ടങ്ങളുടെയും നേതൃത്വത്തിൽ ഓണാഘോഷം തുടങ്ങിക്കഴിഞ്ഞു.

സദ്യവട്ടങ്ങളും പൂക്കളങ്ങളുമായി ലേബർ ക്യാമ്പുകളും സജീവമാണ്. വ്യാഴാഴ്ചയാണ് തിരുവോണമെങ്കിലും അടുത്ത ദിവസമായ വെള്ളിയാഴ്ചയാവും കൂട്ടായ്മകളുടെ നേതൃത്വത്തിലെ ഓണാഘോഷങ്ങൾ.

താരസാന്നിധ്യത്തിൽ ഓണം

ക​ഴി​ഞ്ഞ ര​ണ്ടു​വ​ർ​ഷ​ങ്ങ​ളി​ലും ന​ഷ്ട​മാ​യ ഓ​ണാ​ഘോ​ഷം പ​ലി​ശ​സ​ഹി​തം ക​ടം​വീ​ട്ടി ആ​ഘോ​ഷി​ച്ച്​ തീ​ർ​ക്കാ​നു​ള്ള ഒ​രു​ക്ക​ത്തി​ലാ​ണ്​ ഖ​ത്ത​റി​ലെ മ​ല​യാ​ളി​ക​ൾ. അ​വ​രു​ടെ ഉ​ത്സ​വ​ങ്ങ​ൾ​ക്ക്​ മാ​റ്റു​കൂ​ട്ടാ​നാ​യി പ​റ​ന്നി​റ​ങ്ങു​ന്ന​ത്​ മ​ല​യാ​ള​ത്തി​ലെ സൂ​പ്പ​ർ​താ​ര​ങ്ങ​ളും. മ​ല​യാ​ളി​ക​ളു​ടെ പ്രി​യ​പ്പെ​ട്ട അ​ഭി​നേ​താ​ക്ക​ളും ഗാ​യ​ക​രും ന​ർ​ത്ത​ക​രും അ​ട​ങ്ങി​യ വ​മ്പ​ൻ നി​ര​യാ​ണ്​ സെ​പ്​​റ്റം​ബ​റി​ൽ ദോ​ഹ​യി​ൽ ത​മ്പ​ടി​ക്കു​ന്ന​ത്. ഗാ​യി​ക കെ.​എ​സ്.​ ചി​ത്ര, സം​ഗീ​ത സം​വി​ധാ​യ​ക​ൻ ശ​ര​ത്, ഗോ​പി​സു​ന്ദ​ർ, ച​ല​ച്ചി​ത്ര താ​ര​ങ്ങ​ളാ​യ ജോ​ജു, റി​മി ടോ​മി, ല​ക്ഷ്മി ഗോ​പാ​ല സ്വാ​മി, ഷം​ന കാ​സിം, പ്ര​ശ​സ്ത ഗാ​യ​ക​ൻ ഹ​രി​ശ​ങ്ക​ർ, ഗാ​യി​ക അ​മൃ​ത സു​രേ​ഷ്, വ​യ​ലി​നി​സ്റ്റ് വി​വേ​കാ​ന​ന്ദ​ൻ, മി​ക​ച്ച ഗാ​യി​ക​ക്കു​ള്ള ദേ​ശീ​യ പു​ര​സ്കാ​രം നേ​ടി​യ ന​ഞ്ചി​യ​മ്മ, ഫു​ട്ബാ​ൾ താ​രം ഐ.​എം. വി​ജ​യ​ൻ തു​ട​ങ്ങി​യ​വ​രാ​ണ് അ​ര​ങ്ങു​ണ​ർ​ത്താ​ൻ ഖ​ത്ത​റി​​ൽ പ​റ​ന്നി​റ​ങ്ങു​ന്ന​ത്.

സെ​പ്റ്റം​ബ​ർ ഒ​മ്പ​തി​ന്​ അ​ൽ​അ​റ​ബി സ്പോ​ർ​ട്സ് ക്ല​ബ് ഇ​ൻ​ഡോ​ർ ഹാ​ളി​ൽ റി​മി ടോ​മി​യും വി​ധു പ്ര​താ​പും ന​യി​ക്കു​ന്ന ലൈ​വ്മ്യൂ​സി​ക്ക് ഷോ '​ഓ​ണാ​ര​വം'​അ​ര​ങ്ങേ​റും. സെ​പ്റ്റം​ബ​ർ 15ന് ​ഗോ​പി സു​ന്ദ​ർ ന​യി​ക്കു​ന്ന മ്യൂ​സി​ക് ലൈ​വ് ഷോ​യും അ​ൽ​അ​റ​ബി സ്പോ​ർ​ട്സ് ക്ല​ബ് ഇ​ൻ​ഡോ​ർ ഹാ​ളി​ലാ​ണ് അ​ര​ങ്ങേ​റു​ന്ന​ത്. 16ന് ​ലു​ലു അ​ബു​സി​ദ്ര​മാ​ളി​ൽ സ്കൈ​മീ​ഡി​യ മെ​ഗാ​പൂ​ക്ക​ള മ​ത്സ​ര​വും സം​ഘ​ടി​പ്പി​ച്ചി​ട്ടു​ണ്ട്. 16നാ​ണ്​ കെ.​എ​സ്. ചി​ത്ര​യും ശ​ര​തും പ​​ങ്കെ​ടു​ക്കു​ന്ന സം​ഗീ​ത പ​രി​പാ​ടി. സെ​പ്റ്റം​ബ​ർ 22ന് ​സ്​​കൈ മീ​ഡി​യ​യു​ടെ പൊ​ന്നോ​ണം പ​രി​പാ​ടി​യി​ൽ ല​ക്ഷ്മി ഗോ​പാ​ല​സ്വാ​മി, ഷം​ന കാ​സിം, പാ​രീ​സ് ല​ക്ഷ്മി, റം​സാ​ൻ, ബോ​ണി എ​ന്നി​വ​ർ പ​​ങ്കെ​ടു​ക്കും. 23ന്​ ​ഇ​രു​ന്നൂ​റോ​ളം വ​നി​ത​ക​ൾ ചേ​ർ​ത്തൊ​രു​ക്കു​ന്ന മെ​ഗാ തി​രു​വാ​തി​ര, കു​ടും​ബ ശി​ങ്കാ​രി​മേ​ളം, മു​ന്നൂ​റോ​ളം കു​ട്ടി​ക​ൾ അ​വ​ത​രി​പ്പി​ക്കു​ന്ന വേ​ൾ​ഡ്​​ക​പ്പ്​ ഫ്യൂ​ഷ​ൻ ഡാ​ൻ​സ്​ എ​ന്നി​വ​യും അ​ര​ങ്ങേ​റും. ന​ട​ൻ ജോ​ജു ജോ​ർ​ജ്​ അ​തി​ഥി​യാ​യി പ​​ങ്കെ​ടു​ക്കും. ഐ​ഡി​യ​ൽ ഇ​ന്ത്യ​ൻ സ്കൂ​ളി​ലാ​ണ് ഈ ​പ​രി​പാ​ടി. സെ​പ്​​റ്റം​ബ​ർ 30ന്​ ​മ​ല​യാ​ളി സ​മാ​ജം ഖ​ത്ത​ർ നേ​തൃ​ത്വ​ത്തി​ലെ ​കേ​ര​ളോ​ത്സ​വ​ത്തി​ൽ ഗാ​യി​ക ന​ഞ്ചി​യ​മ്മ​യും മു​ൻ ഇ​ന്ത്യ​ൻ ഫു​ട്​​ബാ​ൾ ടീം ​ക്യാ​പ്​​റ്റ​ൻ ഐ.​എം. വി​ജ​യ​നും പ​ങ്കു​ചേ​രും. അ​ടു​ക്ക​ള​ത്തോ​ട്ടം ദോ​ഹ ഒ​രു​ക്കു​ന്ന ജൈ​വ​കാ​ർ​ഷി​കോ​ൽ​സ​വം, ന​ടു​മു​റ്റം ഖ​ത്ത​റി​ന്‍റെ ഓ​ണാ​ഘോ​ഷ​ങ്ങ​ൾ​ എ​ന്നി​വ​യും അ​ര​ങ്ങേ​റും. സെ​പ്​​റ്റം​ബ​ർ 29നാ​ണ്​ ഹ​രി​ശ​ങ്ക​ർ ലൈ​വ് 'മ്യൂ​സീ​സ്​'​സം​ഗീ​ത പ​രി​പാ​ടി.