ആ​റു രാ​ജ്യ​ങ്ങ​ളി​ലേ​ക്ക് ഒ​രു വി​സ; ടൂ​റി​സ​ത്തി​ന് പു​ത്ത​നു​ണ​ർ​വാ​കുമെന്ന് പ്രതീക്ഷ

ദോ​ഹ: ഷെ​ങ്ക​ൻ മാ​തൃ​ക​യി​ൽ ജി.​സി.​സി​യി​ലെ ആ​റ് രാ​ജ്യ​ങ്ങ​ളി​ലേ​ക്കു​മു​ള്ള സ​ന്ദ​ർ​ശ​ന​ത്തി​ന് ഏ​കീ​കൃ​ത ടൂ​റി​സം വി​സ എ​ന്ന പ​ദ്ധ​തി​ക്ക് ഗ​ൾ​ഫ് ആ​ഭ്യ​ന്ത​ര മ​ന്ത്രി​മാ​ർ ക​ഴി​ഞ്ഞ ദി​വ​സം അം​ഗീ​കാ​രം ന​ൽ​കി​യ തീ​രു​മാ​ന​ത്തെ സ്വാ​ഗ​തം ചെ​യ്ത് സ്വ​ദേ​ശി​ക​ളും പ്ര​വാ​സി​ക​ളും മു​ത​ൽ ടൂ​റി​സം വി​ദ​ഗ്ധ​ർ വ​രെ. ഒ​മാ​നി​ൽ ചേ​ർ​ന്ന ജി.​സി.​സി രാ​ജ്യ​ങ്ങ​ളി​ലെ ആ​ഭ്യ​ന്ത​ര മ​ന്ത്രി​മാ​രു​ടെ 40ാമ​ത് യോ​ഗ​ത്തി​ലാ​ണ് ഇ​തു സം​ബ​ന്ധി​ച്ച് അം​ഗീ​കാ​രം ന​ൽ​കി​യ​ത്.

2024-25 സീ​സ​ണോ​ടെ പു​തി​യ വി​സ സം​വി​ധാ​നം പ്രാ​ബ​ല്യ​ത്തി​ൽ വ​രു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. ഇ​തോ​ടെ, ഒ​രു വി​സ​യി​ൽ ത​ന്നെ ഖ​ത്ത​ർ, ഒ​മാ​ൻ, യു.​എ.​ഇ, സൗ​ദി, ബ​ഹ്റൈ​ൻ, കു​വൈ​ത്ത് തു​ട​ങ്ങി​യ ഗ​ൾ​ഫ് രാ​ജ്യ​ങ്ങ​ൾ സ​ഞ്ച​രി​ ക്കാ​മെ​ന്ന​താ​ണ് ഏ​കീ​കൃ​ത ജി.​സി.​സി വി​സ​യു​ടെ സൗ​ക​ര്യം. ഖ​ത്ത​റി​ലെ പ്ര​വാ​സി​ക​​ൾ​ക്കും സ്വ​ദേ​ശി​ക​ൾ​ക്കും ഒ​രു വി​സ​യി​ൽ മ​റ്റു ഗ​ൾ​ഫ് രാ​ജ്യ​ങ്ങ​ൾ കാ​ണാ​ൻ ക​ഴി​യു​ന്ന​തു​പോ​ലെ, വി​ദേ​ശ​രാ​ജ്യ​ങ്ങ​ളി​ൽ നി​ന്നു​ള്ള സ​ന്ദ​ർ​ശ​ക​ർ​ക്ക് ഒ​രു വി​സ​യി​ൽ ത​ന്നെ ആ​റ് രാ​ജ്യ​ങ്ങ​ളി​ലേ​ക്കും സ​ന്ദ​ർ​ശ​ന​ത്തി​ന് വ​ഴി​യൊ​രു​ങ്ങും. മേ​ഖ​ല​യു​ടെ ടൂ​റി​സ​ത്തി​ന് റോ​ക്ക​റ്റ് വേ​ഗ​ത്തി​ൽ കു​തി​പ്പു ന​ൽ​കു​ന്ന​താ​യി​രി​ക്കും അ​ടു​ത്ത വ​ർ​ഷം പ്രാ​വ​ർ​ത്തി​ക​മാ​കു​ന്ന വി​സ​യെ​ന്ന് ട്രാ​വ​ൽ മേ​ഖ​ല​യി​ലു​ള്ള​വ​ർ പ​റ​യു​ന്നു. സ​മൂ​ഹ മാ​ധ്യ​മ​ങ്ങ​ളി​ലും പ്ര​വാ​സി​ക​ൾ ഉ​ൾ​പ്പെ​ടെ​യു​ള്ള​വ​ർ​ക്കി​ട​യി​ൽ ഇ​തു​സം​ബ​ന്ധി​ച്ച ച​ർ​ച്ച​ക​ൾ സ​ജീ​വ​മാ​ണ്. നി​ല​വി​ൽ ഓ​രോ രാ​ജ്യ​ത്തേ​ക്കും വ്യ​ത്യ​സ്ത വി​സ​ക​ളെ​ടു​ത്ത് യാ​ത്രാ ന​ട​പ​ടി​ക​ൾ പൂ​ർ​ത്തി​യാ​ക്കി​യാ​ണ് പ്ര​വാ​സി​ക​ൾ​ക്കി​ട​യി​ലെ സ​ഞ്ചാ​ര പ്രി​യ​രു​ടെ യാ​ത്ര​ക​ൾ ന​ട​ക്കു​ന്ന​ത്.

ഒ​റ്റ വി​സ​യി​ൽ ആ​ളു​ക​ൾ​ക്ക് സ്വ​ത​ന്ത്ര​മാ​യി യാ​ത്ര ചെ​യ്യാ​ൻ അ​നു​വ​ദി​ക്കു​ന്ന സം​വി​ധാ​ന​ത്തി​ലൂ​ടെ രാ​ജ്യ​ങ്ങ​ൾ​ക്കി​ട​യി​ലു​ള്ള യാ​ത്ര​ക​ൾ സു​ഗ​മ​മാ​ക്കു​ക​യും പ്രാ​ദേ​ശി​ക വി​നോ​ദ​സ​ഞ്ചാ​ര​ത്തി​ന് ഉ​ത്തേ​ജ​നം ന​ൽ​കു​ക​യും ചെ​യ്യും. നി​ല​വി​ൽ, ജി.​സി.​സി​യി​ലെ പൗ​ര​ന്മാ​ർ​ക്ക് വി​സ​യി​ല്ലാ​തെ ത​ന്നെ ഖ​ത്ത​ർ ഉ​ൾ​പ്പെ​ടെ വി​വി​ധ രാ​ജ്യ​ങ്ങ​ളി​ലേ​ക്ക് യാ​ത്ര ചെ​യ്യാ​ൻ ക​ഴി​യും.

അ​തേ​സ​മ​യം, ജോ​ലി തേ​ടി​യെ​ത്തി​യ പ്ര​വാ​സി​ക​ൾ​ക്ക് ത​ങ്ങ​ളു​ടെ രാ​ജ്യം ക​ട​ന്ന് മ​റ്റു ഗ​ൾ​ഫ് രാ​ജ്യ​ങ്ങ​ളി​ലെ​ത്താ​ൻ വി​സ ആ​വ​ശ്യ​മാ​ണ്. അ​ടു​ത്ത വ​ർ​ഷം മ​ധ്യ​ത്തോ​ടെ ഏ​കീ​കൃ​ത ടൂ​റി​സം വി​സ ​ പ്രാ​ബ​ല്യ​ത്തി​ൽ വ​രു​ന്ന​തോ​ടെ ത​ട​സ്സ​ങ്ങ​ളേ​തു​മി​ല്ലാ​തെ ഏ​ത് രാ​ജ്യ​ത്തേ​ക്കും സൗ​ക​ര്യ​പ്പെ​ടു​ന്ന സ​മ​യ​ങ്ങ​ളി​ൽ യാ​ത്ര​ക്കു​ള്ള വ​ഴി​ക​ളാ​ണ് തു​റ​ക്കു​ന്ന​ത്.

പ്ര​ധാ​ന​മാ​യും മേ​ഖ​ല​യി​ലേ​ക്കു​ള്ള വി​നോ​ദ സ​ഞ്ചാ​രി​ക​ളു​ടെ വ​ര​വി​ന് പ്രോ​ത്സാ​ഹ​നം ന​ൽ​കു​ക​യാ​ണ് ല​ക്ഷ്യം. ക​ഴി​ഞ്ഞ ഏ​താ​നും വ​ർ​ഷ​ങ്ങ​ളാ​യി വി​വി​ധ അ​ന്താ​രാ​ഷ്ട്ര പ​രി​പാ​ടി​ക​ളും മേ​ള​ക​ളു​മാ​യി ഉ​ണ​ർ​ന്നു​വ​രു​ന്ന ടൂ​റി​സം സെ​ക്ട​ർ ഏ​കീ​കൃ​ത വി​സ പ​ദ്ധ​തി​യി​ലൂ​ടെ കൂ​ടു​ത​ൽ സ​ജീ​വ​മാ​കും. യൂ​റോ​പ്പി​ലെ 27 രാ​ജ്യ​ങ്ങ​ളെ ഉ​ൾ​ക്കൊ​ള്ളി​ച്ചു​ള്ള ഷെ​ങ്ക​ൻ വി​സ മേ​ഖ​ല​യു​ടെ ടൂ​റി​സം മേ​ഖ​ല​യെ പു​ന​രു​ജ്ജീ​വി​പ്പി​ച്ച​തി​ന്റെ മാ​തൃ​ക​യി​ലാ​യി​രി​ക്കും ജി.​സി.​സി ഏ​കീ​കൃ​ത വി​സ​യും രം​ഗ​ത്തെ​ത്തു​ന്ന​ത്.

എ​ന്ന് പ്രാ​ബ​ല്യ​ത്തി​ൽ വ​രും, എ​ത്ര മാ​സ​മാ​യി​രി​ക്കും കാ​ലാ​വ​ധി, ആ​ർ​ക്കെ​ല്ലാം ല​ഭ്യ​മാ​ക്കും തു​ട​ങ്ങി​യ വി​ശ​ദാം​ശ​ങ്ങ​ൾ വ​രും​നാ​ളു​ക​ളി​ൽ പു​റ​ത്തു​വ​രും.