സർക്കാർ സ്​കൂൾ പ്രവേശനത്തിനും മാറ്റത്തിനും ഒാൺലൈൻ സേവനം

ദോഹ: സർക്കാർ സ്​കൂളുകളിൽ പ്രവേശനത്തിനും സ്​കൂൾ മാറ്റത്തിനുമായി ഒാൺലൈൻ സേവനം ആരംഭിച്ചതായി വിദ്യാഭ്യാസ ഉന്നത വിദ്യാഭ്യാസ മന്ത്രാലയം അറിയിച്ചു. വിദ്യാഭ്യാസ മന്ത്രാലയത്തി​െൻറ വെബ്സൈറ്റിലെ പബ്ലിക് സർവിസസ്​ പോർട്ടൽ വഴിയാണ് സേവനം ലഭ്യമാക്കിയിരിക്കുന്നത്.

ഈ സേവനങ്ങൾക്കായി രക്ഷിതാക്കൾ ഇനി മന്ത്രാലയങ്ങളിൽ നേരിട്ട് സന്ദർശിക്കേണ്ടതില്ലെന്നും ഇന്ന് മുതൽ മന്ത്രാലയത്തിൽ ഇത് സംബന്ധിച്ച് രക്ഷിതാക്കളുടെ അപേക്ഷ സ്വീകരിക്കുകയില്ലെന്നും മന്ത്രാലയം വ്യക്തമാക്കി. കോവിഡ്–19 വ്യാപനം തടയുന്നതി​െൻറ ഭാഗമായി മന്ത്രാലയം സ്വീകരിക്കുന്ന നടപടികളുടെ ഭാഗമാണിത്. വിദ്യാർഥികളുടെ സ്​കൂൾ പ്രവേശനത്തിനും സ്​കൂൾ മാറ്റത്തിനുമായി ഒാൺലൈൻ സേവനം ഉപയോഗപ്പെടുത്തണമെന്നും മന്ത്രാലയം ആവശ്യപ്പെട്ടു. രാജ്യത്തെ പൊതുജനങ്ങൾക്ക് വിദ്യാഭ്യാസ ഉന്നത വിദ്യാഭ്യാസ മന്ത്രാലയത്തി​െൻറ സേവനങ്ങൾ ഒാൺലൈൻ വഴി ലഭ്യമാക്കുന്നതിനുള്ള സംവിധാനമാണ് പബ്ലിക് സർവിസസ്​ പോർട്ടൽ. എല്ലാ സേവനങ്ങളും ലഭ്യമാക്കുന്ന ഏകീകൃത ഒാൺലൈൻ സംവിധാനമാണിത്.

സർട്ടിഫിക്കറ്റ് സേവനങ്ങൾ, ഇ–രജിസ്​േട്രഷൻ, പബ്ലിക് സ്​കൂളുകളിലെ ഇലക്േട്രാണിക് ട്രാൻസ്​ഫർ, സർട്ടിഫിക്കറ്റ് വെരിഫിക്കേഷൻ, തുല്യതാ സർട്ടിഫിക്കറ്റുകൾ, അഡൽട്ട് എജുക്കേഷൻ സ്​റ്റുഡൻറ് രജിസ്​േട്രഷൻ ഫീസ്​, ടെക്സ്​റ്റ് ബുക്ക് പേമെൻറ്, ട്രാൻസ്​പോർട്ടേഷൻ ഫീസ്​, റിക്രൂട്ട്മെൻറ് സർവിസ്​ എന്നിവയെല്ലാം മന്ത്രാലയത്തി‍െൻറ പബ്ലിക് സർവിസസ്​ പോർട്ടലിലുണ്ട്.രക്ഷിതാക്കൾ https://eduservices.edu.gov.qa/ ലിങ്ക് സന്ദർശിച്ച് സേവനങ്ങൾ ഉപയോഗപ്പെടുത്തണമെന്ന് മന്ത്രാലയം വ്യക്തമാക്കി. കൂടുതൽ വിവരങ്ങൾക്ക് 155 ഹോട്ട്​ലൈനിൽ മന്ത്രാലയവുമായി ബന്ധപ്പെടണം.