വ്യ​ക്തി​ഗ​ത വി​വ​ര​ങ്ങ​ൾ പ​ര​സ്യ​മാ​ക്കി; ക​മ്പ​നി​ക്ക് വ​ൻ​തു​ക പി​ഴ

ദോ​ഹ: സ്വ​കാ​ര്യ വി​വ​ര​ങ്ങ​ൾ പ​ര​സ്യ​പ്പെ​ടു​ത്തും വി​ധം വി​വ​ര ലം​ഘ​നം ന​ട​ത്തി​യ ക​മ്പ​നി​ക്ക് ക​ന​ത്ത പി​ഴ ചു​മ​ത്തി ഖ​ത്ത​ർ ഫി​നാ​ൻ​ഷ്യ​ൽ സെ​ന്റ​ർ (ക്യു.​എ​ഫ്.​സി). വി​വ​ര നി​യ​മ​ലം​ഘ​നം തെ​ളി​യി​ക്ക​പ്പെ​ട്ട​തി​നെ തു​ട​ർ​ന്ന് ക്യു.​എ​ഫ്.​സി​ക്ക് കീ​ഴി​ലെ ഡേ​റ്റ പ്രൊ​ട്ട​ക്ഷ​ൻ ഓ​ഫി​സാ​ണ് (ഡി.​പി.​ഒ) ക​മ്പ​നി​ക്ക് മേ​ൽ 150,000 ഡോ​ള​ർ (1.25 കോ​ടി രൂ​പ) പി​ഴ ചു​മ​ത്തി​യി​രി​ക്കു​ന്ന​ത്.

ഇ​താ​ദ്യ​മാ​യാ​ണ് ഖ​ത്ത​റി​ൽ ഇ​ത്ത​ര​ത്തി​ൽ നി​യ​മ​ലം​ഘ​നം ന​ട​ത്തി​യ ക​മ്പ​നി​ക്കെ​തി​രെ ന​ട​പ​ടി സ്വീ​ക​രി​ക്കു​ന്ന​തെ​ന്നും, ഡി.​പി.​ഒ അ​തി​ന്റെ ഡേ​റ്റ പ്രൊ​ട്ട​ക്ഷ​ൻ റെ​ഗു​ലേ​ഷ​ൻ​സ് 2021ന്റെ ​ലം​ഘ​ന​ങ്ങ​ൾ ക​ണ്ടെ​ത്തി​യ​തി​നെ തു​ട​ർ​ന്നാ​ണ് ന​ട​പ​ടി​യെ​ന്നും ഖ​ത്ത​ർ വാ​ർ​ത്ത ഏ​ജ​ൻ​സി റി​പ്പോ​ർ​ട്ട് ചെ​യ്തു.

72 മ​ണി​ക്കൂ​റി​നു​ള്ളി​ൽ നി​യ​മ​ലം​ഘ​നം സം​ബ​ന്ധി​ച്ച് ബ​ന്ധ​പ്പെ​ട്ട അ​ധി​കാ​രി​ക​ളെ അ​റി​യി​ക്കു​ന്ന​തി​ൽ ക​മ്പ​നി വീ​ഴ്ച വ​രു​ത്തി​യ​തും, സു​ര​ക്ഷ വീ​ഴ്ച​ക​ളും കാ​ര്യ​ക്ഷ​മ​മ​ല്ലാ​ത്ത മേ​ൽ​നോ​ട്ട​വും ലം​ഘ​ന​ങ്ങ​ളി​ൽ ഉ​ൾ​പ്പെ​ടു​ന്ന​താ​യും റി​പ്പോ​ർ​ട്ടി​ൽ പ​റ​യു​ന്നു.

സ്വ​കാ​ര്യ വി​വ​ര​ങ്ങ​ളു​ടെ സ​മ​ഗ്ര​ത, ര​ഹ​സ്യ​സ്വ​ഭാ​വം, ല​ഭ്യ​ത എ​ന്നി​വ സം​ര​ക്ഷി​ക്കു​ന്ന​തി​ൽ ക​മ്പ​നി വീ​ഴ്ച വ​രു​ത്തി​യ​താ​യി ക്യു.​എ​ൻ.​എ റി​പ്പോ​ർ​ട്ട് ചെ​യ്തു. അ​ന്വേ​ഷ​ണ​ത്തി​ലു​ട​നീ​ളം സ്ഥാ​പ​നം പൂ​ർ​ണ​മാ​യും സ​ഹ​ക​രി​ച്ച​തി​നാ​ലും വി​വ​ര സു​ര​ക്ഷ ന​ട​പ​ടി​ക​ൾ ശ​ക്തി​പ്പെ​ടു​ത്തു​ന്ന​തി​ന് കൂ​ടു​ത​ൽ ന​ട​പ​ടി​ക​ൾ കൈ​ക്കൊ​ണ്ട​തി​നാ​ലും ക​മ്പ​നി​ക്കെ​തി​രെ പൊ​തു കു​റ്റ​പ്പെ​ടു​ത്ത​ൽ ന​ട​ത്തേ​ണ്ട​തി​ല്ലെ​ന്ന് ഡി.​പി.​ഒ തീ​രു​മാ​നി​ച്ച​താ​യി അ​റി​യി​ച്ചു.

വ്യ​ക്തി​ഗ​ത, സ്വ​കാ​ര്യ വി​വ​ര​ങ്ങ​ൾ സം​ര​ക്ഷി​ക്കേ​ണ്ട​ത് ഏ​റെ പ്രാ​ധാ​ന്യ​മ​ർ​ഹി​ക്കു​ന്ന​താ​ണെ​ന്നും, ഡേ​റ്റ പ​രി​ര​ക്ഷ​യു​മാ​യി ബ​ന്ധ​പ്പെ​ട്ട ന​ട​പ​ടി​ക​ൾ ക​മ്പ​നി​ക​ൾ പാ​ലി​ക്കു​ന്നു​വെ​ന്ന് ഉ​റ​പ്പാ​ക്ക​ണ​മെ​ന്നും ഡി.​പി.​ഒ ക​മീ​ഷ​ണ​ർ ഡാ​നി​യ​ൽ പാ​റ്റേ​ഴ്‌​സ​ൺ പ​റ​ഞ്ഞു.

സ്വ​കാ​ര്യ വി​വ​ര​ങ്ങ​ളു​ടെ സം​ര​ക്ഷ​ണ​ത്തി​ന് ന​ൽ​കു​ന്ന​തി​ന്റെ ഗൗ​ര​വ​മാ​ണ് ഈ ​കേ​സ് ചൂ​ണ്ടി​ക്കാ​ട്ടു​ന്ന​തെ​ന്നും, ഇ​ത് പാ​ലി​ക്കു​ന്നു​വെ​ന്ന് ഉ​റ​പ്പാ​ക്കാ​ൻ ക​മ്പ​നി​ക​ളു​മാ​യും സ്ഥാ​പ​ന​ങ്ങ​ളു​മാ​യും ചേ​ർ​ന്ന് പ്ര​വ​ർ​ത്തി​ക്കു​മെ​ന്നും പാ​റ്റേ​ഴ്‌​സ​ൺ കൂ​ട്ടി​ച്ചേ​ർ​ത്തു.

വ്യാ​പാ​ര പ്ര​വ​ർ​ത്ത​ന​ങ്ങ​ൾ​ക്കും വ്യ​ക്തി​ക​ൾ​ക്കും ഒ​രു​പോ​ലെ സു​ര​ക്ഷി​ത​ത്വ​വും സു​താ​ര്യ​വു​മാ​യ അ​ന്ത​രീ​ക്ഷം ഉ​റ​പ്പാ​ക്കു​ന്ന​തി​ൽ ക്യു.​എ​ഫ്.​സി നി​ര​ന്ത​രം ശ്ര​മി​ക്കു​മെ​ന്നും അ​ദ്ദേ​ഹം പ​റ​ഞ്ഞു.