പെ​േട്രാൾ, ഡീസൽ വിലയിൽ വർധന

ദോഹ: ആഗസ്​റ്റ് മാസത്തെ പെ​േട്രാൾ, ഡീസൽ വില ഖത്തർ പെ​േട്രാളിയം പുറത്തുവിട്ടു. പ്രീമിയം, സൂപ്പർ പെ​േട്രാളിനും ഡീസലിനും ജൂലൈ മാസത്തെ നിരക്കിൽനിന്നും വില വർധിച്ചിട്ടുണ്ട്. പ്രീമിയം പെ​േട്രാളിന് 10 ദിർഹമും സൂപ്പറിന് അഞ്ച്​ ദിർഹമുമാണ് വർധിച്ചത്. ഡീസലിന് 15 ദിർഹമാണ് വർധന. പുതിയ നിരക്കുകൾ പ്രകാരം പ്രീമിയം േഗ്രഡിന് 1.20 റിയാലും സൂപ്പർ േഗ്രഡ് പെ​േട്രാളിന് 1.25 റിയാലുമായിരിക്കും. ഡീസലിന് 1.25 റിയാലാണ് ആഗസ്​റ്റ് മാസത്തെ വില.

പെ​േട്രാളിനും സൂപ്പർ േഗ്രഡ് പെ​േട്രാളിനും ഡീസലിനും 25 ദിർഹം കുറച്ചാണ് മേയ് മാസത്തെ നിരക്ക് പുറത്തുവിട്ടത്. ജൂൺ മാസത്തിൽ നിരക്കിൽ മാറ്റമില്ലാതെയാണ് ഇന്ധനവില നിശ്ചയിച്ചിരുന്നത്. ജൂലൈ മാസത്തിലാണ് പിന്നീട് നിരക്കുകളിൽ നേരിയ വർധനവുണ്ടായത്. മാർച്ചിൽ 1.60 റിയാൽ ആയിരുന്നു പ്രീമിയം പെ​േട്രാളിനുണ്ടായിരുന്നതെങ്കിൽ ഏപ്രിൽ മാസത്തിൽ 1.25 റിയാൽ ആയി കുറഞ്ഞു. മാർച്ചിൽ സൂപ്പറിനും ഡീസലിനും യഥാക്രമം 1.65 റിയാലും 1.70 റിയാലുമായിരുന്നു നിരക്ക്. ഏപ്രിലിൽ ഇവയുടെ നിരക്ക് 1.30 റിയാലായി കുറഞ്ഞു. അന്താരാഷ്​ട്ര വിപണിയിൽ എണ്ണവിലയിലുണ്ടായ ഇടിവാണ് വാഹന ഇന്ധനങ്ങളുടെ വില നിയന്ത്രിക്കുന്നതിന് സർക്കാറിനെ പ്രരിപ്പിച്ചത്. 2017 സെപ്റ്റംബർ മുതൽ ഖത്തർ പെ​േട്രാളിയമാണ് പുതുക്കിയ വില നിശ്ചയിച്ചുകൊണ്ടുള്ള അറിയിപ്പ് പുറത്തിറക്കുന്നത്.