ഖത്തറിൽ നിന്നുള്ള പ്രവാസികളുടെ മടക്കം: രണ്ടാം ഘട്ടത്തിൽ കേരളത്തിലേക്ക്​ രണ്ട്​ വിമാനങ്ങൾ

ദോഹ: പ്രവാസികളുടെ മടങ്ങിപ്പോക്കിനുള്ള കേന്ദ്രസർക്കാറിൻെറ വ​​ന്ദേഭാരത്​ പദ്ധതിയുടെ അടുത്ത ഘട്ടത്തിൽ ഖത്തറിൽ  നിന്ന്​ കേരളത്തിലേക്ക്​ രണ്ടുവിമാനങ്ങൾ കൂടി. ഏതൊക്കെ വിമാനത്താവളങ്ങളിലേക്കാണ്​ വിമാനമെന്നും എന്നാണ്​  ദിവസമെന്നും പിന്നീട്​ അറിയിക്കും.

രണ്ടാംഘട്ടത്തിൽ ഖത്തറിൽ നിന്ന്​ ആന്ധ്രപ്രദേശ്​, തെലങ്കാന, ബീഹാർ, കർണാടക  സംസ്​ഥാനങ്ങളിലേക്ക്​ ഓരോ വിമാനവും ഉണ്ടാകും.
ഒന്നാം ഘട്ടത്തിൽ കൊച്ചിയിലേക്കും തിരുവനന്തപുരത്തേക്കുമാണ്​ ഓരോ വിമാനങ്ങൾ അനുവദിച്ചിരുന്നത്​.

ഇതിൽ കൊച്ചി  വിമാനം കഴിഞ്ഞ ദിവസം പോയിരുന്നു. തിരുവനന്തപുരം വിമാനം ഇന്ന്​ (മേയ്​ 12ന്​) ദോഹയിൽ നിന്ന്​  തിരുവനന്തപുരേത്തേക്ക്​ പുറപ്പെടും. നേരത്തേ 4.30ന്​ പുറപ്പെടുമെന്നാണ്​ അറിയിച്ചിരുന്നതെങ്കിലും ഒരുമണിക്കൂർ വൈകി  5.30നാണ്​ ദോഹയിൽ നിന്ന്​ തിരുവനന്തപുരം വിമാനം പുറപ്പെടുക.