‘ക്യു ടീം’ ഈദ് മിസ്ബാഹ്
text_fieldsക്യൂ ടീം ഈദ് മിസ്ബാഹിൽനിന്ന്
ദോഹ: മലബാറിന്റെ തനത് കലകളും മാപ്പിളപ്പാട്ടുകളും ഉൾപ്പെടുത്തി ക്യു ടീം ആർട്സ് ആൻഡ് ലിറ്ററേറ്റർ ഫോറം ഈദ് മിസ്ബാഹ് സംഘടിപ്പിച്ചു. സ്കിൽസ് ഡെവലപ്മെന്റ് സെന്ററിൽ നടന്ന പരിപാടി ക്യു ടീം പ്രസിഡന്റ് ജാഫർഖാൻ ഉദ്ഘാടനം ചെയ്തു. ഇശൽ സന്ധ്യയിൽ ഖത്തറിലെ വിവിധ കലാസാംസ്കാരിക മേഖലയിലെ നേതാക്കൾ സംബന്ധിച്ചു. ടീം കലാഷ് അവതരിപ്പിച്ച ദഫ്, വട്ടപ്പാട്ട്, ടീം ചങ്സ് അവതരിപ്പിച്ച ഒപ്പന, ചൂരക്കൊടി കളരിസംഘം അവതരിപ്പിച്ച കളരിപ്പയറ്റ്, കാഫ് ബാൻഡ് നയിച്ച ഗാനമേള എന്നിവ മുഖ്യ ആകർഷണമായി. ശ്രീകല ഗോപിനാഥ് അവതാരകയായിരുന്നു. സാഹിത്യവിഭാഗം കൺവീനർ ഷംല ജഹ്ഫർ സ്വാഗതം പറഞ്ഞു. പ്രോഗ്രാം കോഓഡിനേറ്റർ ഷഹീബ് ഷെബി, ആർട്സ് കൺവീനർ മുത്തു ഐ.സി.ആർ.സി എന്നിവർ പരിപാടി നിയന്ത്രിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.