ഖ​ത്ത​ർ ഇ​ന്ന് അ​ഫ്ഗാ​നെ​തി​രെ

ദോ​ഹ: ഖ​ത്ത​റി​ലെ​യും ഇ​ന്ത്യ​യി​ലെ​യും ഫു​ട്ബാ​ൾ ആ​രാ​ധ​ക​ർ ആ​വേ​ശ​ത്തോ​ടെ കാ​ത്തി​രി​ക്കു​ന്ന ഫു​ട്ബാ​ൾ പോ​രാ​ട്ട​ത്തി​ന് ഇ​ന്ന് സൗ​ദി​യി​ൽ വി​സി​ൽ മു​ഴ​ങ്ങു​ന്നു. ലോ​ക​ക​പ്പ് യോ​ഗ്യ​ത റൗ​ണ്ടി​ൽ ഖ​ത്ത​ർ ത​ങ്ങ​ളു​ടെ അ​ഞ്ചാം അ​ങ്ക​ത്തി​ൽ അ​ഫ്ഗാ​നി​​സ്താ​നെ​തി​രെ വ്യാ​ഴാ​ഴ്ച ബൂ​ട്ടു​​കെ​ട്ടു​മ്പോ​ൾ ഇ​ന്ത്യ​ൻ ആ​രാ​ധ​ക​രു​ടെ ക​ണ്ണു​ക​ളെ​ല്ലാം മ​റൂ​ൺ കു​പ്പാ​യ​ത്തി​ലെ ഒ​രു മ​ല​യാ​ളി താ​ര​ത്തി​ലാ​ണ്. 29 അം​ഗ ദേ​ശീ​യ ടീ​മി​ൽ ഇ​ടം നേ​ടി​യ ക​ണ്ണൂ​ർ വ​ള​പ​ട്ട​ണം സ്വ​ദേ​ശി ത​ഹ്സി​ൻ മു​ഹ​മ്മ​ദി​ലേ​ക്ക്.

സൗ​ദി​യി​ലെ ഹ​ഫൂ​ഫ് പ്രി​ൻ​സ് അ​ബ്ദു​ല്ല ബി​ൻ ജ​ലാ​വി സ്റ്റേ​ഡി​യ​ത്തി​ൽ രാ​ത്രി ഏ​ഴി​ന് (ഇ​ന്ത്യ​ൻ സ​മ​യം 9.30) ന​ട​ക്കു​ന്ന മ​ത്സ​ര​ത്തി​ൽ ത​ഹ്സി​നും ഖ​ത്ത​റി​ന്റെ മ​റൂ​ൺ കു​പ്പാ​യ​ത്തി​ൽ ക​ള​ത്തി​ലി​റ​ങ്ങി​യാ​ൽ അ​തും വീ​ണ്ടു​മൊ​രു ച​രി​ത്ര​മാ​യി മാ​റും. പ​ത്തു ദി​വ​സം മു​മ്പ് ദേ​ശീ​യ ടീ​മി​നെ പ്ര​ഖ്യാ​പി​ച്ച​പ്പോ​ഴാ​ണ് ഖ​ത്ത​റി​ൽ ജ​നി​ച്ചു​വ​ള​ർ​ന്ന് അ​ൽ ദു​ഹൈ​ലി​ലൂ​ടെ ശ്ര​ദ്ധേ​യ​നാ​യി മാ​റി​യ ത​ഹ്സീ​ൻ ദേ​ശീ​യ ടീ​മി​ൽ ഇ​ടം പി​ടി​ച്ച​ത്. അ​ക്രം അ​ഫീ​ഫ്, അ​ൽ മു​ഈ​ദ് അ​ലി ഉ​ൾ​പ്പെ​ടെ സീ​നി​യ​ർ താ​ര​ങ്ങ​ൾ​ക്ക് വി​ശ്ര​മം അ​നു​വ​ദി​ച്ച​പ്പോ​ൾ, കോ​ച്ച് മാ​ർ​ക്വേ​സ് ലോ​പ​സ് ജൂ​നി​യ​ർ താ​ര​ങ്ങ​ൾ​ക്ക് അ​വ​സ​രം ന​ൽ​കു​ക​യാ​യി​രു​ന്നു. ഇ​ത് ത​ഹ്സീ​ൻ ഉ​ൾ​പ്പെ​ടെ യൂ​ത്ത് ലെ​വ​ലി​ൽ ക​ളി​ക്കു​ന്ന താ​ര​ങ്ങ​ൾ​ക്ക് ദേ​ശീ​യ ടീ​മി​ലേ​ക്കു​ള്ള അ​വ​സ​ര​മാ​യി.

ഗ്രൂ​പ് റൗ​ണ്ടി​ൽ നാ​ലി​ൽ നാ​ലും ജ​യി​ച്ച് 12 പോ​യ​ന്റു​ള്ള ഖ​ത്ത​ർ ഇ​തി​ന​കം ത​ന്നെ ഏ​ഷ്യ​ൻ ക​പ്പ് യോ​ഗ്യ​ത ഉ​റ​പ്പാ​ക്കു​ക​യും, ലോ​ക​ക​പ്പ് യോ​ഗ്യ​ത റൗ​ണ്ടി​ൽ അ​ടു​ത്ത ഘ​ട്ട​ത്തി​ലേ​ക്ക് ഇ​ടം നേ​ടു​ക​യും ചെ​യ്തി​രു​ന്നു. അ​തി​നി​ട​യി​ലാ​ണ് അ​ഫ്ഗാ​നും, ജൂ​ൺ 11ന് ​ഇ​ന്ത്യ​ക്കു​മെ​തി​രെ മ​ത്സ​രം. ഇ​തേ ടീം ​ത​ന്നെ​യാ​വും ദോ​ഹ​യി​ൽ ഇ​ന്ത്യ​യെ​യും നേ​രി​ടു​ന്ന​ത്. ഒ​രു ജ​യ​വും ര​ണ്ട് തോ​ൽ​വി​യു​മാ​യി നാ​ല് പോ​യ​ന്റാ​ണ് അ​ഫ്ഗാ​നി​സ്താ​നു​ള്ള​ത്.

പ​രി​ച​യ സ​മ്പ​ന്ന​രാ​യ ഹു​മാം, അ​ഹ്മ​ദ് ഫാ​തി​ഹ്, അ​ബ്ദു​ല്ല അ​ഹ്റാ​ക്, യൂ​സു​ഫ് അ​ബ്ദു​റ​സാ​ഖ് എ​ന്നി​വ​ർ​ക്കൊ​പ്പം കൂ​ടു​ത​ൽ യു​വ​താ​ര​ങ്ങ​ൾ​ക്ക് അ​വ​സ​രം ന​ൽ​കാ​ൻ കോ​ച്ച് തീ​രു​മാ​നി​ച്ചാ​ൽ മ​ല​യാ​ളി​ക​ൾ പ്രാ​ർ​ഥ​ന​യോ​ടെ കാ​ത്തി​രി​ക്കു​ന്ന പ്രി​യ​താ​രം ത​ഹ്സി​നും ക​ള​ത്തി​ലി​റ​ങ്ങി​യേ​ക്കാം. ക​ഴി​ഞ്ഞ ദി​വ​സ​ങ്ങ​ളി​ൽ ആ​സ്പ​യ​ർ സ്​​പോ​ർ​ട്സി​ലും ​ബു​ധ​നാ​ഴ്ച ടീ​മി​നൊ​പ്പം സൗ​ദി​യി​ലും ത​ഹ്സീ​ൻ പ​രി​ശീ​ല​ന​ത്തി​ലു​ണ്ട്. യു​വ​താ​ര​ങ്ങ​ൾ​ക്ക് ദേ​ശീ​യ ടീ​മി​ന്റെ ഭാ​ഗ​മാ​വാ​നും, അ​ടു​ത്ത ത​ല​ത്തി​ലേ​ക്ക് ഉ​യ​രാ​നു​മു​ള്ള മി​ക​ച്ച അ​വ​സ​ര​മാ​ണ് ഇ​തെ​ന്ന് കോ​ച്ച് ലോ​പ​സ് വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.