ഖ​ത്ത​ർ: ഫ​ല​സ്തീ​നി​ലേ​ക്ക് സ​ഹാ​യ വി​മാ​ന​ങ്ങ​ൾ

ദോ​ഹ: ഗ​സ്സ​യി​ലേ​ക്ക് അ​വ​ശ്യ വ​സ്തു​ക്ക​ളെ​ത്തി​ക്കാ​ൻ ‘ഫ​ല​സ്തീ​നി​നാ​യി 10 സ​ഹാ​യ വി​മാ​ന​ങ്ങ​ൾ’ സം​രം​ഭ​ത്തി​ന് ഖ​ത്ത​ർ ചാ​രി​റ്റി തു​ട​ക്കം കു​റി​ച്ചു. പ്രാ​ദേ​ശി​ക സ​മൂ​ഹ​ത്തി​ന് സ്വ​ന്ത​മാ​യി സാ​മ്പ​ത്തി​ക പി​ന്തു​ണ ന​ൽ​കാ​നും സ​ഹാ​യ പാ​ക്കേ​ജു​ക​ളു​ടെ ഭാ​ഗ​മാ​കാ​നും ക​ഴി​യു​ന്ന രീ​തി​യി​ലാ​ണ് പു​തി​യ സം​രം​ഭം ആ​രം​ഭി​ച്ചി​രി​ക്കു​ന്ന​ത്.

ഖ​ത്ത​ർ ചാ​രി​റ്റി​യു​ടെ വ​ൺ ഹാ​ർ​ട്ട് ശീ​ത​കാ​ല കാ​മ്പ​യി​ന് കീ​ഴി​ൽ ന​ട​ക്കു​ന്ന ഈ ​സം​രം​ഭം, ഗ​സ്സ​യു​ൾ​പ്പെ​ടെ​യു​ള്ള ഫ​ല​സ്തീ​ൻ പ്ര​ദേ​ശ​ങ്ങ​ളി​ലെ സ​ഹോ​ദ​ര​ങ്ങ​ൾ​ക്കാ​യി സ​ഹാ​യ​മെ​ത്തി​ക്കു​ന്ന​തി​നു​ള്ള ദോ​ഹ​യി​ലെ പ്രാ​ദേ​ശി​ക സ​മൂ​ഹ​ത്തി​ന്റെ ശ്ര​മ​ഫ​ല​മാ​യാ​ണ് സം​ഘ​ടി​പ്പി​ക്കു​ന്ന​ത്.

ശൈ​ത്യ​കാ​ലം കൂ​ടി ആ​രം​ഭി​ച്ച​തു ക​ണ​ക്കി​ലെ​ടു​ത്ത് അ​ടി​യ​ന്ത​ര മാ​നു​ഷി​ക സാ​ഹ​ച​ര്യ​ങ്ങ​ളെ നേ​രി​ടാ​നും അ​വ​രെ സ​ഹാ​യി​ക്കു​ന്ന​തി​നും ഖ​ത്ത​റി​ലെ വി​വി​ധ സ​മൂ​ഹ​ങ്ങ​ൾ​ക്ക് അ​വ​സ​രം ന​ൽ​കാ​ൻ ല​ക്ഷ്യ​മി​ടു​ന്ന​താ​യി ഖ​ത്ത​ർ ചാ​രി​റ്റി പ്ര​സ്താ​വ​ന​യി​ൽ വ്യ​ക്ത​മാ​ക്കി.അ​തേ​സ​മ​യം, 60 മു​ത​ൽ 100 വ​രെ സ​ഹാ​യ ട്ര​ക്കു​ക​ൾ ഈ​ജി​പ്ത് വ​ഴി ഗ​സ്സ​യി​ലേ​ക്ക് പ​തി​വാ​യി ക​ട​ന്നു​പോ​കു​ന്നു​ണ്ടെ​ങ്കി​ലും യു​ദ്ധ​ത്തി​നു മു​മ്പു​ള്ള ശ​രാ​ശ​രി​യാ​യ 500 ട്ര​ക്ക് ലോ​ഡി​നേ​ക്കാ​ൾ വ​ള​രെ കു​റ​വാ​ണി​ത്.

ചൊ​വ്വാ​ഴ്ച വ​രെ ഖ​ത്ത​ർ ഈ​ജി​പ്തി​ലെ അ​ൽ അ​രീ​ഷ് വി​മാ​ന​ത്താ​വ​ള​ത്തി​ലേ​ക്ക് 43 സ​ഹാ​യ വി​മാ​ന​ങ്ങ​ൾ അ​യ​ച്ച​താ​യി ഖ​ത്ത​ർ വി​ദേ​ശ​കാ​ര്യ മ​ന്ത്രാ​ല​യ​ത്തി​ന്റെ ഏ​റ്റ​വും പു​തി​യ ക​ണ​ക്കു​ക​ൾ സാ​ക്ഷ്യ​പ്പെ​ടു​ത്തു​ന്നു.

ഖ​ത്ത​റി​ന്റെ അ​ടി​യ​ന്ത​ര ദു​രി​താ​ശ്വാ​സ പ​ദ്ധ​തി​ക​ളി​ൽ​നി​ന്ന് 9.36 ല​ക്ഷം പേ​ർ ഗു​ണ​ഭോ​ക്താ​ക്ക​ളാ​കു​മെ​ന്ന് പ്ര​തീ​ക്ഷി​ക്കു​ന്ന​താ​യി ഖ​ത്ത​ർ ചാ​രി​റ്റി​യി​ലെ എ​മ​ർ​ജ​ൻ​സി ആ​ൻ​ഡ് റി​ലീ​ഫ് വി​ഭാ​ഗം മേ​ധാ​വി ഖാ​ലി​ദ് അ​ൽ യാ​ഫി​ഈ പ​റ​ഞ്ഞു.

ഫ​ല​സ്തീ​നു​വേ​ണ്ടി എ​ന്ന ത​ല​ക്കെ​ട്ടി​ൽ ഖ​ത്ത​ർ ഫൗ​ണ്ടേ​ഷ​നി​ലെ എ​ജു​ക്കേ​ഷ​ൻ സി​റ്റി സ്റ്റേ​ഡി​യ​ത്തി​ൽ ഖ​ത്ത​ർ ചാ​രി​റ്റി​യു​ടെ ആ​ഭി​മു​ഖ്യ​ത്തി​ൽ വെ​ള്ളി​യാ​ഴ്ച സൗ​ഹൃ​ദ മ​ത്സ​രം സം​ഘ​ടി​പ്പി​ക്കു​ന്നു​ണ്ട്. സൗ​ഹൃ​ദ മ​ത്സ​ര​ത്തി​ന്റെ ടി​ക്ക​റ്റ് വ​രു​മാ​നം ചാ​രി​റ്റി​യു​ടെ പു​തി​യ സം​രം​ഭ​ത്തി​നു​ള്ള ധ​ന​സ​ഹാ​യ​മാ​യി ന​ൽ​കും. നി​ര​വ​ധി അ​റ​ബ് ഫു​ട്‌​ബാ​ൾ താ​ര​ങ്ങ​ളും ഇ​തി​ഹാ​സ​ങ്ങ​ളും സോ​ഷ്യ​ൽ മീ​ഡി​യ ആ​ക്ടി​വി​സ്റ്റു​ക​ളും ഇ​ൻ​ഫ്ലു​വ​ൻ​സ​ർ​മാ​രും സൗ​ഹൃ​ദ മ​ത്സ​ര​ത്തി​ൽ പ​ങ്കെ​ടു​ക്കും.

എ​ല്ലാ മേ​ഖ​ല​ക​ളി​ലും കു​ടി​വെ​ള്ളം, ഭ​ക്ഷ​ണം, പാ​ർ​പ്പി​ടം തു​ട​ങ്ങി​യ മേ​ഖ​ല​ക​ളി​ൽ പ്ര​ത്യേ​കി​ച്ചും ഫ​ല​സ്തീ​നി​ലെ മാ​നു​ഷി​ക സാ​ഹ​ച​ര്യ​ങ്ങ​ൾ വ​ഷ​ളാ​യി​ക്കൊ​ണ്ടി​രി​ക്കു​ന്ന സ​മ​യ​ത്ത് ഇ​ത്ത​ര​മൊ​രു സം​രം​ഭ​ത്തി​ന് പ്രാ​ധാ​ന്യ​മേ​റെ​യാ​ണെ​ന്ന് ഖ​ത്ത​ർ ചാ​രി​റ്റി ഹെ​ൽ​ത്ത് കെ​യ​ർ റി​സോ​ഴ്‌​സ് ഡെ​വ​ല​പ്‌​മെ​ന്റ് ആ​ൻ​ഡ് മീ​ഡി​യ സെ​ക്ട​ർ സി.​ഇ.​ഒ അ​സി​സ്റ്റ​ന്റ് അ​ഹ്മ​ദ് യൂ​സ​ഫ് ഫ​ഖ്‌​റൂ പ​റ​ഞ്ഞു.

എ​ങ്ങ​നെ സം​ഭാ​വ​ന ന​ൽ​കാം

ഖ​ത്ത​ർ ചാ​രി​റ്റി അ​തി​ന്റെ വെ​ബ്‌​സൈ​റ്റി​ലും സ​മൂ​ഹ മാ​ധ്യ​മ പ്ലാ​റ്റ്‌​ഫോ​മു​ക​ളി​ലും സം​ഭാ​വ​ന​ക​ള​ർ​പ്പി​ക്കാ​നും സ​ഹാ​യ പാ​ക്കേ​ജു​ക​ളി​ൽ പ​ങ്കാ​ളി​ക​ളാ​കു​ന്ന​തി​നും വേ​ണ്ടി ആ​ഹ്വാ​നം ചെ​യ്തി​ട്ടു​ണ്ട്.

സം​രം​ഭ​ത്തി​ൽ പ​ങ്കാ​ളി​ക​ളാ​കു​ന്ന​തി​ന് ക​താ​റ​യി​ൽ സെ​ന്റ് റെ​ജി​സ് ഹോ​ട്ട​ലി​ന് എ​തി​ർ​വ​ശ​ത്തോ ദോ​ഹ എ​ക്‌​സ്‌​പോ​യി​ലെ ഇ​ന്റ​ർ​നാ​ഷ​ന​ൽ സോ​ണി​ലെ ഖ​ത്ത​ർ ചാ​രി​റ്റി​യു​ടെ കേ​ന്ദ്ര​ങ്ങ​ളി​ലോ നേ​രി​ട്ട് എ​ത്തി സം​ഭാ​വ​ന​ക​ൾ ന​ൽ​കാം. ഡി​സം​ബ​ർ 15 വ​രെ രാ​വി​ലെ 10 മു​ത​ൽ രാ​ത്രി 10 വ​രെ​യാ​ണ് സം​ഭാ​വ​ന​ക​ൾ സ്വീ​ക​രി​ക്കു​ക.

ഖ​ത്ത​ർ ചാ​രി​റ്റി​യു​ടെ വെ​ബ്‌​സൈ​റ്റ് വ​ഴി​യും സം​ഭാ​വ​ന​ക​ൾ സ്വീ​ക​രി​ക്കാ​ൻ ഹോം ​ക​ല​ക്ട​ർ​മാ​രോ​ട് അ​ഭ്യ​ർ​ഥി​ച്ചും സം​ഭാ​വ​ന​ക​ൾ ന​ൽ​കാ​നു​ള്ള അ​വ​സ​ര​വും ഖ​ത്ത​ർ ചാ​രി​റ്റി ഒ​രു​ക്കി​യി​ട്ടു​ണ്ട്. 44290000 ഹോ​ട്ട്‌​ലൈ​ൻ വ​ഴി​യും ഉ​ദാ​ര​മ​തി​ക​ൾ​ക്ക് സം​ഭാ​വ​ന​ക​ൾ ന​ൽ​കാം.