ഫോ​​ബ്‌​സ് ട്രാ​വ​ൽ, ടൂ​റി​സം നേ​താ​ക്ക​ളു​ടെ പ​ട്ടി​ക​യി​ൽ ഖ​ത്ത​ർ എ​യ​ർ​വേ​സ് സി.​ഇ.​ഒ

ദോ​ഹ: ഫോ​ബ്‌​സ് മി​ഡി​ലീ​സ്റ്റ് പു​റ​ത്തി​റ​ക്കി​യ ട്രാ​വ​ൽ, ടൂ​റി​സം മേ​ഖ​ല​യി​ലെ മി​ക​ച്ച 100 നേ​താ​ക്ക​ളു​ടെ പ​ട്ടി​ക​യി​ൽ മു​ൻ​നി​ര​യി​ൽ ഇ​ടം പി​ടി​ച്ച് ഖ​ത്ത​ർ എ​യ​ർ​വേ​സ് സി.​ഇ.​ഒ എ​ൻ​ജി. ബ​ദ​ർ മു​ഹ​മ്മ​ദ് അ​ൽ മീ​ർ. ഫോ​ബ്‌​സ് പ​ട്ടി​ക​യി​ൽ നാ​ലാ​മ​താ​യി ഇ​ടം നേ​ടി​യ ബ​ദ​ർ മു​ഹ​മ്മ​ദ് അ​ൽ​മീ​ർ 2023 ന​വം​ബ​റി​ലാ​ണ് ഖ​ത്ത​ർ എ​യ​ർ​വേ​സ് സി.​ഇ.​ഒ ആ​യി സ്ഥാ​ന​മേ​റ്റ​ത്. നേ​ര​ത്തെ ഒ​രു പ​തി​റ്റാ​ണ്ടി​ലേ​റെ കാ​ലം ഹ​മ​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ന്റെ ചീ​ഫ് ഓ​പ​റേ​റ്റി​ങ് ഓ​ഫി​സ​റാ​യി​രു​ന്നു എ​ൻ​ജി. അ​ൽ​മീ​ർ.

മ​രു​ഭൂ പ്ര​ദേ​ശ​ങ്ങ​ൾ മു​ത​ൽ മ​നോ​ഹ​ര​മാ​യ പ​ർ​വ​ത​ങ്ങ​ൾ വ​രെ​യു​ള്ള മി​ഡി​ലീ​സ്റ്റ് മേ​ഖ​ല​യു​ടെ ഭൂ​മി​ശാ​സ്ത്ര​പ​ര​മാ​യ സ​വി​ശേ​ഷ​ത​യെ​യും ലോ​ക സ​ഞ്ചാ​രി​ക​ളെ​യും നി​ക്ഷേ​പ​ക​രെ​യും ആ​ക​ർ​ഷി​ക്കു​ന്ന മേ​ഖ​ല​യു​ടെ സാം​സ്‌​കാ​രി​ക സ​മൃ​ദ്ധി​യെ​യും ഫോ​ർ​ബ്‌​സ് റി​പ്പോ​ർ​ട്ടി​ൽ പ്ര​ത്യേ​കം പ്ര​ശം​സി​ക്കു​ക​യും ചെ​യ്തു. ഖ​ത്ത​ർ ആ​ഭ്യ​ന്ത​ര മ​ന്ത്രാ​ല​യ​വും ഖ​ത്ത​ർ ടൂ​റി​സ​വും 2023ലെ ​സാ​മ്പ​ത്തി​ക വ​ർ​ഷ​ത്തി​ൽ ഖ​ത്ത​റി​ലേ​ക്കു​ള്ള യാ​ത്ര​യു​മാ​യി ബ​ന്ധ​പ്പെ​ട്ട് പു​റ​ത്തു​വി​ട്ട റി​പ്പോ​ർ​ട്ടി​ൽ നാ​ല് ദ​ശ​ല​ക്ഷ​ത്തി​ല​ധി​കം പേ​ർ ഖ​ത്ത​ർ സ​ന്ദ​ർ​ശി​ച്ച​താ​യി ചൂ​ണ്ടി​ക്കാ​ട്ടി​യി​രു​ന്നു. 2022ൽ ​നി​ന്നും 58 ശ​ത​മാ​നം വ​ർ​ധ​ന​വാ​ണ് രേ​ഖ​പ്പെ​ടു​ത്തി​യ​ത്.

പ​ട്ടി​ക​യി​ൽ ക​താ​റ ഹോ​സ്പി​റ്റാ​ലി​റ്റി സി.​ഇ.​ഒ മ​താ​ർ അ​ൽ കു​വാ​രി 14ാം സ്ഥാ​ന​ത്തെ​ത്തി. ദോ​ഹ​യി​ലെ റി​റ്റ്‌​സ് കാ​ൾ​ട്ട​ൻ, പാ​രി​സി​ലെ പെ​നി​ൻ​സു​ല, സിം​ഗ​പ്പൂ​രി​ല ഐ​ക്ക​ണി​ക് റാ​ഫി​ൾ​സ് ഹോ​ട്ട​ൽ തു​ട​ങ്ങി ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ലാ​യി നി​ര​വ​ധി ഹോ​ട്ട​ലു​ക​ളാ​ണ് ക​താ​റ ഹോ​സ്പി​റ്റാ​ലി​റ്റി​യു​ടെ ഭാ​ഗ​മാ​യു​ള്ള​ത്. അ​ൽ റ​യ്യാ​ൻ ടൂ​റി​സം ഇ​ൻ​വെ​സ്റ്റ്‌​മെ​ന്റ് ക​മ്പ​നി (ആ​ർ​ട്ടി​ക്) മാ​നേ​ജി​ങ് ഡ​യ​റ​ക്ട​റും സി.​ഇ.​ഒ​യു​മാ​യ താ​രി​ക് എ​ൽ സ​ഈ​ദ് പ​ട്ടി​ക​യി​ൽ 26ാമ​താ​ണ്.